ఆ రెండూ ఫ్లాఫ్...అష్టాచమ్మే టాప్ (ట్రేడ్ టాక్)

ఈ వారం ప్రేక్షకుల ముందుకు వచ్చిన 'మల్లెపువ్వు', 'రక్ష' రెండూ ఫ్లాపు చిత్రాల జాబితాలోనే చేరిపోయాయి. దాంతో గత వారం కలెక్షన్ల పరంగా టాప్‌లో ఉన్న మోహనకృష్ణ ఇంద్రగంటి- కలర్స్ స్వాతిల చిత్రం 'అష్టాచమ్మా'నే ఈ వారం కూడా అగ్రస్థానంలో నిలిచింది. వేరే హిట్ చిత్రం లేకపోవడతో ఈ చిత్రానికి ప్రేక్షకాదరణ కూడా పెరగుతోంది. మదన్ చిత్రం 'గుండె ఝల్లుమంది' ప్రారంభ క్రేజును కొనసాగించలేక ఢీలాపడింది. 'హోమం', 'బలాదూర్', 'కాల్ సెంటర్', 'అంకిత పల్లవి అండ్ ఫ్రెండ్స్' ఫ్లాపు చిత్రాలుగా మిగిలిపోయాయి అన్న సంగతి తెలిసిందే.
ఇక భారీ అంచనాల మధ్య వచ్చిన సముద్ర చిత్రం 'మల్లెపువ్వు' ట్రేడ్ వర్గాలను తీవ్ర నిరాశకు గురిచేసింది. భూమిక ఇమేజ్, ఇళయరాజా సంగీతం రెండూ ఆ చిత్రాన్నిగట్టెక్కించలేకపోయాయి. చేతబడుల నేపథ్యంతో రూపుదిద్దుకొన్న 'రక్ష' ఓపనింగ్స్ పర్వాలేదనిపించినా...పబ్లిసిటీ విపరీతంగా చేస్తున్నా ప్రేక్షకులు ఇలాంటి చిత్రాల ద్వారా ఆశించే ధ్రిల్ వారికి దొరక్క పోవటంతో చేతులెత్తేసింది. అలాగే మొన్న గురువారం రిలీజ్ అయిన గోపీచంద్ శౌర్యం సినిమా ఫరవాలేదనిపించే టాక్ తో ముందుకెళ్తోంది.