Ginna Pre Release Bussiness: మంచు విష్ణు సినిమా బాక్సాఫీస్ టార్గెట్ ఎంతంటే?

జిన్నాపై పాజిటివ్ హైప్

జిన్నా సినిమా ట్రైలర్ తోనే మంచి విష్ణు కొంత పాజిటివ్ వైబ్రేషన్స్ అయితే క్రియేట్ చేశాడు. ఇందులో గ్లామరస్ బ్యూటీ పాయల్ రాజ్ పుత్ హీరోయిన్ గా నటించగా మరొక ముఖ్యమైన పాత్రలో మాజీ శృంగార తార సన్నిలియోన్ కూడా నటించింది. ఇక ఈ ఇద్దరితోనే మంచి విష్ణు పలు రియాల్టీ షో లలో ప్రమోషన్స్ కూడా చేశాడు. ఇంటర్వ్యూ లతో కూడా చాలా బిజీగా కనిపించాడు.

మంచు విష్ణు కాన్ఫిడెన్స్

ఇక ఈసారి జిన్నా సినిమాతో తప్పకుండా విజయం అందుకుంటాను అని విష్ణు ఇంటర్వ్యూలలో ఎంతో నమ్మకంగా తెలియజేశాడు. ఈ సినిమా ట్రైలర్ కు ఆడియెన్స్ చాలా పాజిటివ్ గా స్పందించారు అని నేను అయితే చాలా కాన్ఫిడెంట్ గా ఉన్నాను అని అన్నాడు. సినిమాలో మంచి కామెడీ తో పాటు త్రిల్లింగ్ ఎలిమెంట్స్ కూడా హైలెట్ అవుతాయని ముఖ్యంగా సెకండ్ హాఫ్ లో వచ్చే కామెడీ సన్నివేశాలు కూడా ప్రేక్షకులను ఆకట్టుకుంటాయని తెలియజేశాడు.

రేంజ్ కు తగ్గట్టుగా

జిన్నా సినిమాకు అసలు కథను కోన వెంకట అందించారు. ఇక రచన డైలాగ్స్ ను జి నాగేశ్వర్ రెడ్డి అందించగా కొత్త దర్శకుడు సూర్య ఈ సినిమాను తెరపైకి తీసుకువచ్చాడు. ఈ సినిమా ట్రైలర్ తో పాటు సాంగ్స్ కూడా యూట్యూబ్లో మంచి రెస్పాన్స్ అందుకున్నాయి. ఇక సినిమా రేంజ్ కు తగ్గట్టుగా మంచి బిజినెస్ జరిగింది అని కూడా చిత్ర సభ్యులు తెలియజేశారు.

తెలుగు రాష్ట్రాల్లో ఫ్రీ రిలీజ్ బిజినెస్

ఇక మొత్తంగా ట్రేడ్ వర్గాల ప్రకారం జిన్నా సినిమా ఏ స్థాయిలో బిజినెస్ చేసింది అనే వివరాల్లోకి వెళితే ముఖ్యంగా రెండు తెలుగు రాష్ట్రాల్లో జిన్నా సినిమాకు 4 కోట్ల రేంజ్ లో ఫ్రీ రిలీజ్ బిజినెస్ జరిగినట్లు సమాచారం. ఒక విధంగా ఇది పెద్ద టార్గెట్ కాకపోయినప్పటికీ పోటీగా మరో మూడు సినిమాలు విడుదలవుతున్నాయి. కాబట్టి ఎంతో పాజిటివ్ టాక్ వస్తే గాని కలెక్షన్స్ భారీ స్థాయిలో వచ్చే అవకాశం లేదు.

బ్రేక్ ఈవెన్ టార్గెట్ ఎంతంటే?

ఇక ప్రపంచవ్యాప్తంగా చూసుకుంటే జిన్నా సినిమా 4.5 కోట్ల వరకు బిజినెస్ చేసినట్లు సమాచారం. అంటే ఈ సినిమా బాక్సాఫీస్ వద్ద సక్సెస్ కావాలి అంటే కనీసం 5 కోట్ల షేర్ కలెక్షన్స్ అందుకోవాల్సి ఉంటుంది. సినిమాలో సన్నిలియోన్ ఉండడంతో ఓ వర్గం ఆడియన్స్ ఈ సినిమాపై కొంత ఆసక్తిని చూపించే అవకాశం ఉంది. ఇక కామెడీ వర్కౌట్ అయితే గనుక మొదటి వారంలోనే పెట్టిన పెట్టుబడి వెనక్కి రావచ్చు మరి సినిమా జనాలను ఎంతవరకు ఎట్రాక్ట్ చేస్తుందో చూడాలి.