ఫస్ట్ వీక్ రిపోర్ట్: ‘మణికర్ణిక’ పరిస్థితి అంతేనా? ఆదరణ లేని ‘థాకరే’, కానీ..

మణికర్ణిక ఫస్ట్ వీక్ కలెక్షన్స్

‘మణికర్ణిక' చిత్రాన్ని ఇండియా వైడ్ హిందీ, తెలుగు, తమిళంలో కలిపి 3 వేల స్క్కీన్స్, ఓవర్సీస్ మార్కెట్లో దాదాపు 700 స్క్రీన్లలో రిలీజ్ చేశారు. ఈ చిత్రం ఆశించిన అంచనాలను అందుకోవడంలో విఫలం అయినప్పటికీ ఆశాజనకమైన వసూళ్లు సాధించింది. తొలి 6 రోజుల్లో రూ. 56.90 కోట్లు రాబట్టిన ఈ మూవీ... 7 వరోజు దాదాపు రూ. 4.10 కోట్లు వసూలు చేసింది. దీంతో ఫస్ట్ వీక్ వసూళ్లు రూ. 60 కోట్లకు చేరుకుంది.

సెకండ్ వీక్ 60 శాతం స్క్రీన్లు

రెండో వారంలో దాదాపు 60 శాతం స్క్రీన్లను నిలుపుకోవడంలో నిర్మాతలు సక్సెస్ అయ్యారు. ఈ నేపథ్యంలో సెకండ్ వీక్ ‘మణికర్ణిక' మంచి వసూళ్లు సాధిస్తుందని అంచనా వేస్తున్నారు. ముఖ్యంగా సెకండ్ వీకెండ్ వసూళ్లపై నిర్మాతలు భారీ ఆశలు పెట్టుకున్నారు.

థాకరే..

‘థాకరే' చిత్రానికి పెద్దగా ఆదరణ లభించడం లేదు. సినిమా విడుదలైన చాలా చోట్ల ఖాళీ థియేటర్లు దర్శనమిచ్చాయి. అయితే మహారాష్ట్రలో విడుదలైన మరాఠీ వెర్షన్ కాస్త ఫర్వాలేదనిపించింది. రూ. 25 కోట్ల నుంచి 30 కోట్ల బడ్జెట్‌లో రూపొందిన ఈ చిత్రానికి తొలి వారం పెట్టుబడి రికవరీ అయినట్లు తెలుస్తోంది.

మణికర్ణిక బడ్జెట్ రికవరీ అవుతుందా?

అయితే ‘మణికర్ణిక' చిత్రాన్ని రూ. 120 కోట్ల భారీ బడ్జెట్‌తో రూపొందించారు. సినిమాకు రూ. 120 కోట్ల షేర్ వస్తే తప్ప హిట్ అయ్యే పరిస్థితి లేదు. అయితే ఈ చిత్రానికి బాక్సాఫీసు వద్ద వస్తున్న స్పందన చూస్తుంటే అది కష్టమే అనే అభిప్రాయాలు ట్రేడ్ వర్గాల నుంచి వ్యక్తమవుతోంది.