Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Masooda Collections: మసూదకు ఊహించని వసూళ్లు.. 6 రోజుల్లోనే అన్ని కోట్లు.. లాభాలతో రికార్డు
మిగిలిన అన్ని జోనర్ల కంటే హర్రర్ థ్రిల్లర్ మూవీలకు అన్ని వర్గాల ప్రేక్షకుల నుంచి విశేషమైన స్పందన లభిస్తూ ఉంటుంది. అందుకే ఈ తరహా సినిమాలు పదుల సంఖ్యలో వస్తూ ఉంటాయి. ఇలా వచ్చిన చాలా చిత్రాలు ఘన విజయాలను అందుకోవడంతో ఫిల్మ్ మేకర్లు మరిన్ని ప్రయోగాలు చేస్తున్నారు. ఇలా తాజాగా ప్రేక్షకుల ముందుకు వచ్చిన సినిమానే 'మసూద'. క్రేజీ కాన్సెప్టుతో రూపొందిన ఈ మూవీకి తెలుగులో వసూళ్లు పోటెత్తుతున్నాయి. దీంతో ఇది లాభాల బాటలో పయనిస్తోంది. ఈ నేపథ్యంలో 'మసూద' 6 రోజుల రిపోర్టుపై లుక్కేద్దాం పదండి!
మసూదగా అంటూ వచ్చారు
టాలీవుడ్ సీనియర్ హీరోయిన్ సంగీత ప్రధాన పాత్రలో నటించిన తాజా చిత్రమే 'మసూద'. సాయి కిరణ్ తెరకెక్కించిన ఈ మూవీలో తిరువీర్, కావ్య కల్యాణ్రామ్ కీలక పాత్రలు పోషించారు. ఈ సినిమాను రాహుల్ యాదవ్ నక్కా నిర్మించారు. ఈ చిత్రానికి ప్రశాంత్ ఆర్. విహారి సంగీతాన్ని అందించారు. శుభలేఖ సుధాకర్, అఖిలా రామ్, శ్రీధర్, సత్యం రాజేష్ కీలక పాత్రలు చేశారు.
జాకెట్ తీసేసిన జబర్ధస్త్ వర్ష: హాట్ షోలో గీత దాటేసి మరీ రచ్చ
మసూద బిజినెస్ వివరాలు
గతంలో మాదిరిగా కాకుండా మంచి కంటెంట్ ఉన్న చిత్రాలకు తెలుగు రాష్ట్రాల్లో విశేషమైన ఆదరణ లభిస్తోంది. ఈ నమ్మకంతోనే 'మసూద' మూవీ థియేట్రికల్ హక్కులకు పోటీ ఏర్పడింది. దీంతో ఈ సినిమాకు సంబంధించిన అన్ని ఏరియాల రైట్స్ను కలిపి టాలీవుడ్ టాప్ ప్రొడ్యూసర్ దిల్ రాజు రూ. 1.30 కోట్లకు కొనుగోలు చేశారు. అందుకు అనుగుణంగానే రిలీజ్ చేశారు.
6వ రోజు ఎంత వచ్చింది?
క్రేజీ కాంబోలో వచ్చిన 'మసూద' మూవీని తెలుగు రాష్ట్రాల్లో గ్రాండ్గా రిలీజ్ చేశారు. అందుకు తగ్గట్లే దీనికి మొదటి రోజు రూ. 75 లక్షలు గ్రాస్, రెండో రోజు రూ. 92 లక్షలు గ్రాస్, మూడో రోజు రూ. 1.48 కోట్లు గ్రాస్, నాలుగో రోజు రూ. 60 లక్షలు గ్రాస్, ఐదో రోజు రూ. 51 లక్షలు గ్రాస్ వచ్చింది. ఈ క్రమంలోనే ఆరో రోజు దీనికి రూ. 42 లక్షలు గ్రాస్, రూ. 20 లక్షలు పైగా షేర్ వచ్చింది.
బీచ్లో అందాల తెర తీసేసిన శ్రీముఖి: అక్కడ ఆకును అడ్డుగా పెట్టి మరీ!
6 రోజులకు ఎంతొచ్చింది?
'మసూద' మూవీకి టాక్తో సంబంధం లేకుండా వసూళ్లు వస్తున్నాయి. దీంతో ఈ మూవీ తెలుగు రాష్ట్రాల్లో 6 రోజుల్లో బాగానే రాబట్టింది. ఏరియాల పరంగా చూస్తే.. ఇది ఇప్పటి వరకూ నైజాంలో రూ. 2.30 కోట్లు, సీడెడ్లో రూ. 49 లక్షలు, ఆంధ్రా మొత్తంలో రూ. 1.89 కోట్లు గ్రాస్ను రాబట్టింది. ఇలా 6 రోజుల్లో రూ. 4.68 కోట్లు గ్రాస్, రూ. 2.48 కోట్లు షేర్ రాబట్టింది.
ప్రపంచ వ్యాప్తంగా వసూళ్లు
ఆరు రోజుల్లో ఆంధ్రప్రదేశ్, తెలంగాణలో రూ. 4.68 కోట్లు గ్రాస్ను రాబట్టిన 'మసూద' మూవీ.. ప్రపంచ వ్యాప్తంగానూ కొంతమేర ప్రభావాన్ని చూపించిందని చెప్పుకోవచ్చు. దీంతో కర్నాటక ప్లస్ రెస్టాఫ్ ఇండియాలో కలిపి దీనికి రూ. 34 లక్షలు గ్రాస్ను రాబట్టింది. ఇలా ఈ చిత్రానికి ప్రపంచ వ్యాప్తంగా 6 రోజుల్లో రూ. 5.02 కోట్లు గ్రాస్తో పాటు రూ. 2.65 కోట్లు షేర్ను వచ్చింది.
నాగశౌర్య కట్నం వివరాలు లీక్: అన్ని కోట్ల విలువైన కానుకలు.. అనూష పేరిట ఉన్న ఆస్తి ఎంతంటే!
లాభాల బాటలో నడుస్తోంది
హర్రర్ థ్రిల్లర్ జోనర్లో వచ్చిన 'మసూద' మూవీకి అంచనాలకు అనుగుణంగానే ప్రపంచ వ్యాప్తంగా రూ. 1.30 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 1.50 కోట్లుగా నమోదైంది. ఇక, ఈ సినిమా 6 రోజుల్లో రూ. 2.65 కోట్లు వసూలు చేసింది. అంటే.. ఈ సినిమాకు హిట్ స్టేటస్తో పాటు రూ. 1.15 కోట్లు లాభాలు కూడా దక్కాయి.