చిన్న సినిమా బిగ్ హిట్.. షాకింగ్‌గా మీకు మాత్రమే చెప్తా.. విజయ్ దేవరకొండ అఫీషియల్‌గా

తెలుగు రాష్ట్రాల్లో

చిన్న తరహా బడ్జెట్‌తో రూపొందిన మీకు మాత్రమే చెప్తా తొలి వారాంతంలో తెలుగు రాష్ట్రాల్లో మంచి వసూళ్లను నమోదు చేసింది. నైజాంలో రూ.2.25 కోట్లు వసూలు చేయగా, ఆంధ్రాలో సుమారు రూ.కోటికిపైగా రాబట్టింది. ఇక ఉత్తరాంధ్రలో మూడు రోజుల్లోనే 27 లక్షల గ్రాస్ వసూళ్లను రాబట్టింది. సీడెడ్ విషయానికి వస్తే రూ.17 లక్షలు వసూలు చేసింది.

ఆర్టీసీ క్రాస్‌రోడ్డులో హంగామా

ఇక సినిమా సక్సెస్ కేరాఫ్ అడ్రస్‌గా నిలిచే హైదరాబాద్ ఆర్టీసీ క్రాస్ రోడ్డులో వారాంతంలో సంతృప్తికరమైన వసూళ్లను రాబట్టింది. మూడు రోజుల్లో భారీ చిత్రాలతో పోటి పడుతూ రూ.10 లక్షలకుపైగా కలెక్ట్ చేసింది. ఖైదీ, విజిల్ లాంటి చిత్రాలను ఎదురించి వసూళ్ల పరంగా నిలకడగా ఉండటం ట్రేడ్ వర్గాలను ఆశ్చర్యానికి గురిచేసింది.

రెస్టాఫ్ ఇండియా, ఓవర్సీస్‌లో

ఇక మిగితా రాష్ట్రాల విషయానికి వస్తే.. మోస్తారు కలెక్షన్లు నమోదు చేసింది. కర్ణాటక, తమిళనాడులో లెక్కలు చూస్తే రూ.40 లక్షల వరకు వసూళ్లను రాబట్టిందని ట్రేడ్ వర్గాలు ధృవీకరించాయి. ఇక ఓవర్సీస్ విషయానికి వస్తే.. ఆస్ట్రేలియాలో ఈ చిత్రానికి మంచి ఆదరణ లభించింది. వారాంతం వరకు A$10,250 కలెక్ట్ చేసింది.

థ్యాంక్స్ చెప్పిన చిత్ర యూనిట్

ఇక మీకు మాత్రమే చెప్తా అధికారికంగా మూడు రోజుల కలెక్షన్లను విడుదల చేసింది. చిన్న చిత్రం పెద్ద హిట్ సాధించింది. మీకు మాత్రమే చెప్తా చిత్రం తొలివారాంతంలో రూ.4.05 కోట్లు రాబట్టింది. ఈ సినిమాను అద్భుతంగా ఆదరిస్తున్న ప్రేక్షకులకు చిత్ర యూనిట్ థ్యాంక్స్ చెబుతున్నది అని సోషల్ మీడియాలో ట్వీట్ చేశారు.