6 రోజుల్లో రూ. 100 కోట్లు... నిజం కాదా? మోహన్‌లాల్ మూవీ కలెక్షన్లపై వివాదం!

6 రోజుల కలెక్షన్ ఎంతంటే..?

కేరళ ట్రేడ్ వర్గాల నుంచి అందుతున్న సమాచారం ప్రకారం ‘లూసిఫెర్' చిత్రం తొలి 6 రోజుల్లో రూ. 78 కోట్లు వసూలు చేసినట్లు తెలుస్తోంది. సినిమాకు వస్తున్న కలెక్షన్స్ చూస్తుంటే త్వరలోనే ఈ చిత్రం రూ. 100 కోట్ల మార్కును అందుకుంటుందని అంచనా వేస్తున్నారు.

ఇప్పటికే రూ. 100 కోట్లు వచ్చినట్లు వార్తలు నిజం కాదా?

అయితే కేరళలోని కొన్ని టాప్ మలయాళ మీడియా సంస్థలు ‘లూసిఫెర్' చిత్రం 6 రోజుల్లోనే రూ. 100 కోట్లు వసూలు చేసినట్లు వార్తలు ప్రచురించాయి. అయితే ఇది అసాధ్యమే అనే వాదన వినిపిస్తోంది. 5 వ రోజు వరకు రూ. 62 కోట్లు వసూలు చేసిన చిత్రం ఒక్క రోజులోనే రూ. 100 కోట్ల మార్కును ఎలా అందుకుంటుంది? అంటూ నెటిజన్లు ట్రోల్ చేయడం ప్రారంభించారు.

ఆ వార్తను తొలగించారు

ఎలాంటి ఆధారాలు లేకుండా రూ. 100 కోట్లు వసూలు చేసినట్లు ప్రచురించిన వార్తపై విమర్శలు రావడంతో ఓ ప్రముఖ మలయాళ ఆన్‌లైన్ పత్రిక తన పోర్టల్ నుంచి ఈ వార్తను తొలగించింది. ‘లూసిఫెర్' వసూళ్ల వ్యవహారం ఇపుడు మాళయాలం ఇండస్ట్రీలో హాట్ టాపిక్ అయింది.

చిత్ర బృందం నుంచి ఎలాంటి ప్రకటన లేదు

‘లూసిఫెర్' చిత్ర బృందం నుంచి కానీ, దర్శకుడు పృథ్వీరాజ్ సుకుమారన్, మోహన్ లాల్ నుంచి కానీ... 6 రోజుల్లో రూ. 100 కోట్లు వసూలు చేసినట్లు ఎలాంటి అధికారిక సమాచారం లేదు. సోషల్ మీడియాలో ఈ విషయమై జరుగుతున్న రచ్చపై కూడా మూవీ బృందం మౌనంగానే ఉంటోంది.

లూసిఫెర్

లూసిఫెర్ చిత్రంలో మోహన్ లాల్... స్టీఫెన్ నెదుమ్‌పల్లి అనే పొలిటీషియన్ పాత్రలో నటించాడు. ఈ చిత్రంలో ఇంకా వివేక్ ఒబెరాయ్, మంజు వారియర్, టోవినో థామస్, ఫాజిల్, సాయి కుమార్, కలాభవన్ షాజోన్, జాన్ విజయ్ తదితరులు ముఖ్య పాత్రలు పోషించారు.