Custody Pre Release Bussiness: నాగచైతన్య ముందు బిగ్ టార్గెట్.. లాభాల్లోకి రావాలంటే!

Updated: Wednesday, May 10, 2023, 16:06 [IST]

క్లాస్ హీరోగా తనకంటూ ఒక ప్రత్యేకమైన స్టార్ ఇమేజ్ ను అందుకున్న నాగచైతన్య అప్పుడప్పుడు మాస్ యాక్షన్ సినిమాలు కూడా చేసేందుకు ప్రయత్నం చేస్తున్నాడు. అయితే ఆ రూట్లో మాత్రం ఇంతవరకు నాగచైతన్యకు సరైన సక్సెస్ రాలేదు. ఇక ఇప్పుడు ఎలాగైనా కస్టడీ సినిమాతో అన్ని వర్గాల ప్రేక్షకులను ఆకట్టుకోవాలి అని సిద్ధమవుతున్నాడు. వెంకట్ ప్రభు దర్శకత్వంలో తెరకెక్కిన కస్టడీ సినిమాపై అంచనాలు గట్టిగానే ఉన్నాయి. ఇక ఈ సినిమా డిమాండ్ కు తగ్గట్టుగా మార్కెట్లో మంచి బిజినెస్ చేసినట్లుగా తెలుస్తోంది. ఇక సక్సెస్ కావాలి అంటే బ్రేక్ ఈవెన్ ఎంత అవ్వాలి అనే వివరాల్లోకి వెళితే..

కస్టడీతో హిట్టు అవసరం : కస్టడీ సినిమాతో ఎలాగైనా బాక్స్ ఆఫీస్ వద్ద మంచి సక్సెస్ అందుకోవాలి అని నాగచైతన్య ఎంతో పట్టుదలతో కనిపిస్తున్నాడు. ఎందుకంటే నాగచైతన్య చివరగా చేసిన థాంక్యూ సినిమా బాక్సాఫీస్ వద్ద దారుణమైన ఫలితాన్ని అందుకుంది. ఆ సినిమాపై నిర్మాత పెట్టిన పెట్టుబడి మొత్తం వెనక్కి రాలేదు. అందుకే ఈ సినిమాతో ఎలాగైనా సక్సెస్ అందుకుని నాగచైతన్యతను మార్కెట్ స్థాయిని కూడా పెంచుకోవాలని అనుకుంటున్నాడు.

పవర్ఫుల్ విలన్ రోల్ : కస్టడీ సినిమాకు మార్కెట్లో అయితే మంచి డిమాండ్ ఏర్పడింది. ఎందుకంటే ఈ సినిమా ట్రైలర్ ద్వారా పాజిటివ్ వైబ్రేషన్స్ క్రియేట్ చేసింది. సినిమాలో నాగచైతన్య ఒక కానిస్టేబుల్ పాత్రలో కనిపిస్తున్నాడు. ఇక కీర్తి సురేష్ హీరోయిన్ గా నటిస్తున్న విషయం తెలిసిందే ఇక సీనియర్ నటుడు అరవింద్ స్వామి ఈ సినిమాలో ఒక పవర్ఫుల్ విలన్ గా కనిపించబోతున్నాడు. ట్రైలర్ తో సినిమా పాయింట్ అయితే జనాలను ఎట్రాక్ట్ చేస్తోంది. ఇక థియేటర్లో ఎంతవరకు కనెక్ట్ అవుతుంది అనేది రిలీజ్ తర్వాత తెలుస్తుంది.

తెలుగు రాష్ట్రాల్లో బిజినెస్ : ఇక ఈ సినిమా రెండు తెలుగు రాష్ట్రాల్లో కూడా మంచి బిజినెస్ అయితే చేసింది. ముఖ్యంగా నైజంలో నాగచైతన్యకు ప్రతిసారి మంచి కలెక్షన్స్ అయితే వస్తున్నాయి. నైజాం ఏరియాలో ఈ సినిమా 7.50 కోట్ల రేంజ్ లో బిజినెస్ చేయగా సీడెడ్ లో 2.20 కోట్ల వరకు బిజినెస్ చేసింది. ఇక ఆంధ్ర మొత్తంలో కూడా 8.50 కోట్ల ధర పలికినట్లు సమాచారం. ఆంధ్రప్రదేశ్ తెలంగాణలో మొత్తం చూసుకుంటే కస్టడీ సినిమా 18.20 కోట్ల రేంజ్ లో ఫ్రీ రిలీజ్ బిజినెస్ అయితే చేసింది.

మిగతా రాష్ట్రాల్లో.. ఓవర్సీస్ : ఇంకా ఈ సినిమా తెలుగులోనే కాకుండా తమిళంలో కూడా విడుదలవుతున్న విషయం తెలిసిందే. అయితే తమిళంలో మాత్రం పెద్దగా అనుకున్నంత స్థాయిలో బజ్ అయితే క్రియేట్ చేయలేదు. ఇక కర్ణాటక అలాగే మిగతా రాష్ట్రాల్లో ఈ సినిమా ఒకటి. రెండు కోట్ల రేంజ్ లో బిజినెస్ చేసినట్లు తెలుస్తోంది. ఓవర్సీస్ లో మాత్రం 2.4 కోట్ల రేంజ్ లో ఈ సినిమా బిజినెస్ చేసింది.

టోటల్ బిజినెస్. మ్ టార్గెట్ ఫిక్స్ : ప్రపంచవ్యాప్తంగా కస్టడీ సినిమా తెలుగులో 21.80 కోట్ల రేంజ్ లో ఫ్రీ రిలీజ్ బిజినెస్ చేసినట్లుగా తెలుస్తోంది. నాగచైతన్య రేంజ్ కు తగ్గట్టుగా ఈ సినిమా మంచి బిజినెస్ చేసింది. కానీ టాక్ బాగుంటేనే ఈ రోజులలో పెట్టిన పెట్టుబడి వెనక్కి వస్తోంది. యావరేజ్ టాక్ వచ్చిన కూడా కలెక్షన్స్ ఏమాత్రం బాగుండడం లేదు. ఇక కస్టడీ సినిమా ఫైనల్ టార్గెట్ అయితే 22.50 కోట్లు. మరి ఈ టార్గెట్ ను సినిమా ఎన్ని రోజులలో ఫినిష్ చేస్తుందో చూడాలి.

More from Filmibeat