Daaku Maharaaj Day 10 Box Office : పడిపోయిన బుకింగ్స్ .. 10వ రోజు బాలయ్య మూవీకి ఎన్ని కోట్లంటే?

Updated: Wednesday, January 22, 2025, 7:27 [IST]

గాడ్ ఆఫ్ మాసెస్ నందమూరి బాలకృష్ణ - కేఎస్ రవీంద్ర (బాబీ కొల్లి) దర్శకత్వంలో తెరకెక్కిన మాస్ యాక్షన్ ఎంటర్‌టైనర్ డాకు మహారాజ్ సంక్రాంతి కానుకగా జనవరి 12న ప్రేక్షకుల ముందుకు వచ్చింది. బాలయ్య నటన, బాబీ టేకింగ్‌కు ప్రేక్షకులు బ్రహ్మరథం పడుతుండటంతో తొలి వారంలోనే రూ.160 కోట్లకు పైగా కలెక్షన్స్ సాధించిన డాకు మహారాజ్ 10వ రోజు ఎన్ని కోట్ల వసూళ్లు రాబట్టిందో చూస్తే.

సితార ఎంటర్‌టైన్మెంట్స్, ఫార్చ్యూన్ ఫోర్ సినిమాస్ బ్యానర్‌పై సూర్యదేవర నాగవంశీ, సాయి సౌజన్యలు భారీ బడ్జెట్‌తో డాకు మహారాజ్‌ను నిర్మించారు. ఈ చిత్రంలో నందమూరి బాలకృష్ణ సరసన ప్రగ్యా జైస్వాల్ హీరోయిన్‌గా నటించగా.. శ్రద్ధా శ్రీనాథ్ , చాందినీ చౌదరి, ఊర్వశి రౌతేలా, బాబీ డియోల్‌, సచిన్ ఖేడేకర్, హర్షవర్థన్ , హిమజ తదితరులు ఇతర కీలక పాత్రలు పోషించారు. థమన్ స్వరాలు సమకూర్చారు.

nandamuri balakrishna urvashi rautela s Daaku Maharaaj Day 10 Expected collection

టీజర్ , ట్రైలర్లు , బాలకృష్ణ లుక్, థమన్ బీజీఎం తదితర అంశాలతో డాకు మహారాజ్‌పై భారీ హైప్ నెలకొంది. దీనికి తగ్గట్లుగానే బాలయ్య సినిమాకు ప్రీ రిలీజ్ బిజినెస్ కూడా ఓ రేంజ్‌లో జరిగింది. నైజాంలో రూ. 17.50 కోట్లు, రాయలసీమలో రూ.15.50 కోట్లు, ఉత్తరాంధ్రలో రూ. 8 కోట్లు, తూర్పుగోదావరిలో రూ.6 కోట్లు, పశ్చిమ గోదావరిలో రూ.5 కోట్లు, కృష్ణా జిల్లాలో రూ. 5.4 కోట్లు, గుంటూరులో రూ. 7.2 కోట్లు, నెల్లూరులో రూ.2.7 కోట్లు మొత్తంగా తెలుగు రాష్ట్రాల్లో రూ. 67.30 కోట్ల బిజినెస్ చేసింది డాకు మహారాజ్.

అటు ఓవర్సీస్‌లో రూ.8 కోట్లు, కర్ణాటక + రెస్ట్ ఆఫ్ ఇండియా కలిపి రూ.5.40 కోట్లు మొత్తంగా రూ.80.70 కోట్లు బిజినెస్ చేసింది. ఇది ఇప్పటి వరకు బాలయ్య కెరీర్‌లోనే అత్యధిక ప్రీ రిలీజ్ బిజినెస్ . దీంతో డాకు మహారాజ్ లాభాల బాట పట్టాలంటే రూ.85 కోట్ల షేర్.. రూ. 170 కోట్లను బ్రేక్ ఈవెన్ టార్గెట్‌గా విలువ కట్టారు ట్రేడ్ పండితులు.

ఇలా మొదటి వారంలోనే రూ. 150 కోట్లకు పైగా గ్రాస్ వసూళ్లను సంపాదించాడు బాలయ్య. 9 రోజులు ముగిసేసరికి డాకు మహారాజ్ నైజాంలో రూ.14.12 కోట్లు, సీడెడ్‌లో రూ.11.70 కోట్లు, ఉత్తరాంధ్రలో రూ. 10.17 కోట్లు, ఈస్ట్ గోదావరిలో రూ. 6.93 కోట్లు, వెస్ట్ గోదావరిలో రూ. 5.11 కోట్లు, గుంటూరులో రూ.7.93 కోట్లు, కృష్ణాలో రూ. 5.31 కోట్లు, నెల్లూరులో రూ. 3.38 కోట్లు, కర్ణాటక + రెస్టాఫ్ ఇండియాలో రూ. 4 కోట్లు, ఓవర్సీస్‌లో రూ. 8 కోట్లు చొప్పున రాబట్టింది డాకు మహారాజ్.

ప్రపంచవ్యాప్తంగా చేసిన బిజినెస్ మీద దాదాపు 93 శాతం రికవరీ చేసిన డాకు మహారాజ్‌ మిగిలిన రన్‌లో బ్రేక్ ఈవెన్ సాధిస్తుందని విశ్లేషకులు అంచనా వేస్తున్నారు. ప్రస్తుతం వర్కింగ్ డేస్ కావడంతో అన్ని సంక్రాంతి సినిమాల మాదిరిగానే డాకు మహారాజ్ బుకింగ్స్ కూడా డ్రాప్ అయ్యాయి. 10వ రోజు ప్రపంచవ్యాప్తంగా డాకు మహారాజ్ రూ. 1.73 కోట్ల చొప్పున వసూళ్లు సాధిస్తుందని ట్రేడ్ వర్గాలు భావిస్తున్నాయి. చూద్దాం మరి బాలయ్య ఎలాంటి మేజిక్ చేస్తాడో?

More from Filmibeat