Nani Dasara Bussiness: షూటింగ్ పూర్తవ్వకముందే దిమ్మతిరిగే డీల్.. బడ్జెట్ మొత్తం వెనక్కి వచ్చినట్లే!

సరికొత్త లుక్కుతో..

రీసెంట్ గా అంటే సుందరానికి సినిమా షూటింగ్ పూర్తి చేసిన నాని జూన్ 10న ఆ సినిమాను విడుదల చేయనున్నట్లు ప్రకటించారు. ఇక నాని ఇప్పటివరకు చేయని ఒక డిఫరెంట్ క్యారెక్టర్ తో త్వరలోనే షాక్ ఇవ్వబోతున్నాడు. ఇటీవల దసరా షూటింగ్‌ను స్టార్ట్ చేసిన నాని డిఫరెంట్ ఊర మాస్ లుక్ లోకి మారిపోయాడు. తన స్మార్ట్ లుక్ మొత్తం మార్చేసి ఆడియెన్స్ కి సరికొత్త కిక్కిచ్చాడు.

సుకుమార్ స్టూడెంట్ దర్శకత్వంలో..

తెలంగాణ నేపథ్యంలో డిఫరెంట్ డ్రామాగా తెరకెక్కుతున్న ఈ సినిమాకు కొత్త దర్శకుడు శ్రీకాంత్ ఓదెల దర్శకత్వం వహిస్తున్నారు. ఈ దర్శకుడు ఇంతకుముందు సుకుమార్ దగ్గర పలు సినిమాలకు వర్క్ చేశాడు. ఇక ఎప్పటినుంచో శ్రీకాంత్ తో సినిమా చేయాలని నాని ప్రయత్నాలు చేస్తున్నాడు ఇక ఫైనల్ గా కథ నచ్చడంతో గత ఏడాది గ్రీన్ సిగ్నల్ ఇచ్చిన నాని రీసెంట్ గా షూటింగ్ మొదలు పెట్టాడు.

బాక్సాఫీస్ హిట్

ఈ సినిమాలో నాని మొదటిసారిగా పూర్తిగా తెలంగాణ యాసలో మాట్లాడబోతున్నాడు. ఫస్ట్ లుక్ తోనే షాక్ ఇచ్చిన నాని తప్పకుండా బాక్సాఫీస్ వద్ద సరికొత్త సెన్సేషన్ క్రియేట్ చేస్తాడు అని అభిమానులు నమ్ముతున్నారు. ఈ సినిమాలో నానికి జోడిగా మహానటి కీర్తి సురేష్ హీరోయిన్గా నటిస్తున్న విషయం తెలిసిందే. వీరిద్దరు కూడా నేను లోకల్ అనే సినిమాతో ఇదివరకే బాక్సాఫీసు వద్ద మంచి సక్సెస్ అందుకున్నారు.

భారీ డీల్..

ఇక అన్ని రకాలుగా సినిమాకు పాజిటివ్ వైబ్రేషన్స్ క్రియేట్ అవుతూ ఉండడంతో షూటింగ్ పూర్తవక ముందే థియేట్రికల్ గా మంచి బిజినెస్ డీల్స్ సెట్ అవుతూ ఉండడం విశేషం. ఇటీవల ఓ ప్రముఖ డిజిటల్ కంపెనీ ఈ సినిమాకు సంబంధించిన ఓటీటీ శాటిలైట్ అలాగే మిగతా నాన్ థియేట్రికల్ హక్కులను మొత్తం 45 కోట్లకు కొనుగోలు చేసినట్లుగా తెలుస్తోంది.

RRR Movie పై Alia Bhatt హర్ట్.. అలియా ని మించిన Olivia Morris క్రేజ్| Filmibeat Telugu

కెరీర్ లోనే బిగ్గెస్ట్ ఆఫర్

దసరా సినిమా నాన్ థియేట్రికల్ హక్కుల రూపంలో దాదాపు బడ్జెట్ రికవరీ చేసినట్లు సమాచారం. దాదాపు 45 కోట్ల వరకు అమ్ముడుపోయినట్లు సమాచారం. నాని సినిమాల్లో ఇదొక రికార్డ్ అనే చెప్పాలి. ఇంతకుముందు శ్యామ్ సింగరాయ్ మేకర్స్ నాన్-థియేట్రికల్ హక్కులను రూ.35 కోట్లకు విక్రయించారు. ఇక ఇప్పుడు దసరా సినిమాకు అంతకంటే ఎక్కువగా డీల్ సెట్టవ్వడం విశేషం. ఇక సినిమాకు సంతోష్ నారాయణన్ సంగీతం సమకూర్చగా SLV ప్రొడక్షన్ లో నిర్మిస్తున్నారు. ఈ ఏడాది చివర్లో దసరా విడుదల కానున్నట్లు సమాచారం.