గ్యాంగ్ లీడర్ ఫస్ట్ వీక్ జర్నీ ఫినిష్.. ప్రపంచవ్యాప్తంగా ఎంత రాబట్టిందంటే..

వరల్డ్ వైడ్ ప్రీ రిలీజ్ బిజినెస్

జెర్సీ లాంటి సూపర్ హిట్ సినిమా తర్వాత నాని హీరోగా వచ్చిన తాజా సినిమా 'గ్యాంగ్ లీడర్' కావడంతో విడుదలకు ముంచే ఈ సినిమాపై అంచనాలు పెరిగాయి. దీంతో ఈ సినిమా నాని కెరీర్‌లోనే అత్యధికంగా ప్రీ రిలీజ్ బిజినెస్ చేసింది. ప్రపంచవ్యాప్తంగా ఈ చిత్రం రూ.28 కోట్ల బిజినెస్ చేసింది.

మొదటివారం కలెక్షన్స్

సెప్టెంబర్ 13 న విడుదలైన గ్యాంగ్ లీడర్ మూవీ నిన్నటితో (గురువారం) మొదటివారం పూర్తి చేసుకుంది. మొదటి వారం పూర్తయ్యేసరికి ప్రపంచవ్యాప్తంగా ఈ సినిమా 18.96 కోట్ల రూపాయల గ్రాస్ రాబట్టింది. 4వ రోజు నుంచి మొదలుకొని కలెక్షన్స్ క్రమంగా తగ్గాయని తెలిసింది.

4వ రోజు నుంచి 7వ రోజు వరకు

4వ రోజు నుంచి 7వ రోజు వరకు గ్యాంగ్ లీడర్ రాబట్టింది కేవలం 2.42 కోట్లు మాత్రమే. క్రమంగా గ్యాంగ్ లీడర్ వసూళ్లు క్షీణించాయి. ఈ వారం పోటీకి వరుణ్ తేజ్ వాల్మీకి కూడా రావడంతో ఈ సినిమా కలెక్షన్స్ ఇంకా పడిపోయే అవకాశముందని అంటున్నారు ట్రేడ్ విశ్లేషకులు.

ఏరియావైస్ కలెక్షన్స్ చూస్తే

నైజాంలో 5.80 కోట్లు, సీడెడ్ 1.81 కోట్లు, కృష్ణా 1.10 కోట్లు, గుంటూరు 1.21 కోట్లు, నెల్లూరు 0.47 కోట్లు, వెస్ట్ గోదావరి 0.85 కోట్లు, ఈస్ట్ గోదావరి 1.20 కోట్లు, ఉత్తరాంధ్ర 1.90 కోట్లు, రెస్ట్ ఆఫ్ ఇండియా 1.50 కోట్లు, ఓవెర్సీస్ 3.12 కోట్లు, మొత్తంగా చూస్తే 18.96 కోట్లు రాబట్టింది గ్యాంగ్ లీడర్.