1660 కోట్ల బడ్జెట్.. ఇండియాలో 5 కోట్ల కలెక్షన్లు.. హిస్టరీలోనే డిజాస్టర్‌గా నిలిచిన మూవీ ఎంటో తెలుసా?

ప్రపంచవ్యాప్తంగా భారీ అంచనాలతో రిలీజైన హాలీవుడ్ చిత్రాల్లో నెపోలియన్ ఒకటి. జోక్వైన్ ఫోనికస్, వెనెస్సా కిర్బీ, తాహర్ రహిమ్ నటించిన ఈ సినిమాను ప్రముఖ నిర్మాణ సంస్థ యాపిల్ నిర్మించింది. ఈ సినిమాను ప్రముఖ సినీ నిర్మాణ సంస్థ సోనితో కలిపి యాపిల్ సంస్థ ప్రపంచవ్యాప్తంగా డిస్ట్రిబ్యూట్ చేసింది. ఇండియా, యూఎస్ఏ, వరల్డ్ వైడ్‌గా పలు దేశాల్లో రిలీజైన ఈ సినిమా బడ్జెట్ ఎంత? ఎంత వసూలు చేసిందనే వివరాల్లోకి వెళితే..

ప్రపంచ చరిత్రలో ముఖ్యమైన ఘట్టంగా భావించే నెపోలియన్ బోనాపార్టీ కథ నేపథ్యంగా నెపోలియన్ సినిమాను భారీ వ్యయంతో తెరకెక్కించారు. హిస్టారికల్ డ్రామాగా రూపొందిన ఈ సినిమాలో నెపోలియన్‌గా జాక్విన్ ఫోనిక్స్, జోస్‌పైన్‌గా వెన్నేసా కిర్బీ నటించారు. రిడ్లీ స్కాట్ ఈ సినిమాకు దర్శకత్వం వహించారు.

చరిత్రాత్మక చిత్రంగా రూపొందిన నెపోలియన్ సినిమాను 1660 కోట్ల (200 మిలియన్ డాలర్లు) రూపాయలతో నిర్మించారు. ఈ సినిమాను సోని నిర్మాణ సంస్థ రూపొందించింది. ఈ సినిమా హక్కులను కూడా సోని టెలివిజన్ దక్కించుకొన్నది. దాంతో ఈ సినిమా బ్రేక్ ఈవెన్ సాధించాలంటే.. కనీసం 500 మిలియన్ డాలర్లు వసూలు చేయాల్సి వచ్చింది.

ఇండియన్ బాక్సాఫీస్ వద్ద భారీ అంచనాలతో రిలీజైన నెపోలియన్ సినిమా పేలవంగా కలెక్షన్లను ప్రారంభించింది. తొలి రోజు కేవలం 1 కోటి రూపాయలు, రెండో రోజు 1.25 కోట్ల రూపాయలు, మూడో రోజు 1.25 కోట్ల రూపాయలు, నాలుగో రోజు 6 లక్షల రూపాయలు, ఐదో రోజు 55 లక్షల రూపాయలు మాత్రమే వసూలు చేసింది. ఇక ఆరో రోజు 50 లక్షలు, ఏడో రోజు 40 లక్షలు మాత్రమే వసూలు చేసింది.

ఇండియాలో తొలివారం తర్వాత నెపోలియన్ సినిమాకు ఆదరణ కనిపించకపోవడంతో థియేటర్ల నుంచి ఎత్తేశారు. దాంతో ఈ సినిమా థియేట్రికల్ రన్‌లో కేవలం 5.5 కోట్ల రూపాయలు మాత్రమే వసూలు చేసింది. దాంతో ఈ సినిమా బాక్సాఫీస్ వద్ద భారీ డిజాస్టర్‌ను సొంతం చేసుకొన్నది.

ఇక నెపొలియన్ సినిమా ప్రపంచవ్యాప్తంగా కలెక్షన్ల వివరాల్లోకి వెళితే.. ఈ మూవీ అమెరికాలో 36 మిలియన్ డాలర్లు, ఓవర్సీస్‌లో 47 మిలియన్ డాలర్లుతో మొత్తంగా 83 మిలియన్ డాలర్లు కలెక్షన్లను రాబట్టింది. ఈ సినిమాపై వచ్చిన ప్రతికూల రివ్యూల కారణంగా భారీగా కలెక్షన్లు సాధించలేకపోయిందని సినీ వర్గాలు అభిప్రాయపడుతున్నారు.