Krthikeya 2 11 Days Collections: 11వ రోజు పరిగెత్తిన కార్తికేయ 2 కలెక్షన్లు!.. ఎలా ఉన్నాయంటే?

కార్తికేయ 2 బిజినెస్​ వివరాలు

సుమారు 10 ఏళ్లుగా సినీ రంగంలో రాణిస్తున్న యంగ్​ హీరో నిఖిల్​ కార్తికేయ 2 మూవీకి మంచి బిజినెస్​ జరిగింది. కార్తికేయ 2 నైజాంలో రూ. 3.50 కోట్లు, సీడెడ్​లో రూ. 1.80 కోట్లు జరిగింది. ఇక తెలుగు రాష్ట్రాలైన ఆంధ్రప్రదేశ్​లో రూ. 6 కోట్లు, తెలంగాణలో రూ. 11.30 కోట్ల బిజినెస్​ కాగా, రెస్టాఫ్​ ఇండియాలో రూ. 50 లక్షలు, ఓవర్సీస్​లో రూ. 1 కోటితో కలిపి మొత్తం రూ. 12.80 కోట్ల బిజినెస్​ను సాధించింది.

11వ రోజు వచ్చిన కలెక్షన్లు..

తెలుగు రాష్ట్రాల్లో కార్తికేయ 2 సినిమా 11వ రోజు అక్కడక్కడ తగ్గినా, కొన్ని చోట్ల మాత్రం పెరుగుతున్న కలెక్షన్లతో దూసుకుపోయింది. ఈ సినిమా నైజాంలో రూ. 46 లక్షలు, సీడెడ్‌లో రూ. 12 లక్షలు, ఉత్తరాంధ్రలో రూ. 15 లక్షలు, ఈస్ట్ గోదావరిలో రూ. 7 లక్షలు, వెస్ట్ గోదావరిలో రూ. 5 లక్షలు, గుంటూరులో రూ. 10 లక్షలు, కృష్ణాలో రూ. 7 లక్షలు, నెల్లూరులో రూ. 5 లక్షలతో.. రూ. 1.07 కోట్లు షేర్, రూ. 2 కోట్లు గ్రాస్ వసూలు అయింది. అయితే తొమ్మిదో రోజు ఆదివారంతో పోలిస్తే పదో రోజైన సోమవారం కలెక్షన్లు కాస్తా తగ్గినట్లుగా తెలుస్తోంది.

11 రోజులకు కలిపి వచ్చింది ఎంతంటే?

నిఖిల్ మరోసారి కార్తికేయగా నటించిన ఈ చిత్రం 11 రోజుల్లో బాగానే కలెక్ట్ చేసినట్లు కనిపిస్తోంది. నైజాంలో రూ. 9.59 కోట్లు, సీడెడ్‌లో రూ. 3.95 కోట్లు, ఉత్తరాంధ్రలో రూ. 3.51 కోట్లు, ఈస్ట్ గోదావరిలో రూ. 2.03 కోట్లు, వెస్ట్ గోదావరిలో రూ. 1.32 కోట్లు, గుంటూరులో రూ. 2.16 కోట్లు, కృష్ణాలో రూ. 1.79 కోట్లు, నెల్లూరులో రూ. 80 లక్షలతో.. రూ. 25.15 కోట్లు షేర్, రూ. 41.60 కోట్లు గ్రాస్ వచ్చింది.

వరల్డ్​వైడ్​గా వసూళ్లు ఇలా..

అనుపమ, నిఖిల్​ జోడి కట్టిన 'కార్తికేయ 2'కు తెలుగు రాష్ట్రాల్లో 11 రోజుల్లో రూ. 25.15 కోట్ల షేర్ కలెక్ట్​ చేయగా.. కర్నాటక ప్లస్ రెస్టాఫ్ ఇండియాలో రూ. 2.10 కోట్లు, ఓవర్సీస్‌లో రూ. 4.60 కోట్లు, నార్త్ ఇండియాలో రూ. 8.70 కోట్లు వసూలు చేసింది. వీటన్నింటితో కలుపుకుంటే 11 రోజుల్లో ఈ చిత్రానికి ప్రపంచ వ్యాప్తంగా రూ. 40.55 కోట్లు షేర్‌, రూ. 78.60 కోట్లు గ్రాస్ వసూలైంది.

టార్గెట్​కు వచ్చిన లాభం ఎంతంటే?

నిఖిల్ - అనుపమ పరమేశ్వరన్ జంటగా వచ్చిన 'కార్తికేయ 2' మూవీకి అంచనాలకు మించి వరల్డ్​ వైడ్​గా రూ. 12.80 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 13.30 కోట్లుగా నమోదైంది. ఇక, 11 రోజుల్లో కార్తికేయ 2 చిత్రానికి రూ. 40.55 కోట్లు వచ్చాయి. అంటే హిట్ స్టేటస్‌తో పాటు రూ. 27.25 కోట్ల లాభం వచ్చింది.