Don't Miss!
- Sports LSG vs CSK: రప్ఫాడించిన రాహుల్... లక్నో ఘన విజయం
- News విశాఖ లోక్సభ పరిధిలో ఆ సామాజిక వర్గందే పెత్తనం..బొత్స ఝాన్సీకి కలిసొస్తుందా..?
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
బాక్సాఫీసు వద్ద ‘నోటా’ పరిస్థితి ఎలా ఉందంటే...?
విజయ్ దేవరకొండ నటించిన 'నోటా' సినిమా మీద ఏ రేంజిలో హైప్ వచ్చిందో ప్రత్యేకంగా చెప్పక్కర్లేదు. అతడి గత చిత్రాలు అర్జున్ రెడ్డి, గీత గోవిందం బాక్సాఫీసు వద్ద సంచలన విజయం సాధించడం, 'నోటా' ట్రైలర్ అందరికీ తెగ నచ్చేయడం,ప్రమోషన్స్ కూడా భారీగా నిర్వహించడంతో సినిమాపై అంచనాలు భారీగా ఏర్పడ్డాయి. విజయ్ దేవరకొండ కెరీర్లో మరో భారీ విజయం ఖాయం అని అంతా భావిస్తున్న తరుణంలో శుక్రవారం ఉదయం షోలు పడ్డ తర్వాత ఊహించని షాక్ తగిలింది. సినిమా యావరేజ్ టాక్ తెచ్చుకుంది. ఈ నేపథ్యంలో బాక్సాఫీసు పరిస్థితి ఎలా ఉంది, ప్రెడిక్షన్స్ ఎలా ఉన్నాయో ఓలుక్కేద్దాం.
నన్నుతొక్కాలని చూస్తే ఊరుకొను.. కాంగ్రెస్ వాళ్లనే అడగండి.. ఆ భయం ఉంది.. విజయ్ దేవరకొండ
యూఎస్ ప్రీమియర్ కలెక్షన్స్
ఇండియా కంటే ముందే అమెరికాలో ప్రీమియర్ షోలు ప్రదర్శితం అయ్యాయి. ప్రస్తుతానికి యూఎస్ ప్రీమియర్ షో కలెక్షన్స్ వివరాలు బయటకు వచ్చాయి. ఇప్పటి వరకు అందిన సమాచారం ప్రకారం 119 లొకేషన్లలో $173,432 వసూలు చేసింది. తెలుగు వెర్షన్ 148 లొకేషన్లలో ప్రీమియర్స్ ప్రదర్శించారు. మిగతా స్క్రీన్లకు సంబంధించిన కలెక్షన్ వివరాలు బయటకు రావాల్సి ఉంది.
విజయ్ గత సినిమాలతో పోలిస్తే మూడో స్థానం
విజయ్ దేవరకొండ గత సినిమాల కలెక్షన్లతో పోలిస్తే... ‘నోటా' యూఎస్ ప్రీమియర్ షో కలెక్షన్స్ మూడో స్థానంలో నిలిచే అవకాశం ఉంది. అతడు నటించిన ‘గీత గోవిందం' ప్రీమియర్ షోల ద్వారా $403,442 రాబట్టింది. అర్జున్ రెడ్డి చిత్రం $194k వసూలు చేసింది.
తెలుగు రాష్ట్రాల్లో భారీ ఓపెనింగ్స్ ఖాయం, కానీ...
మరో వైపు ‘నోటా'కు తెలుగు రాష్ట్రాల్లో భారీ ఓపెనింగ్స్ ఖాయం అని తేలిపోయింది. సినిమాపై ముందు నుండీ భారీ హైప్ ఉండటంతో అడ్వాన్స్ బుకింగ్ భారీగా జరిగింది. అయితే ఫస్ట్ డే కలెక్షన్స్ ‘గీత గోవిందం' స్థాయిలో ఉండక పోవచ్చు అంటున్నారు.
యావరేజ్ టాక్... ఈవీకెండ్తో తేలిపోతుంది
తెలుగు రాష్ట్రాలతో పాటు తమిళనాడులో ‘నోటా' యావరేజ్ టాక్ వచ్చింది. ఈ నేపథ్యంలో సినిమా భవితవ్యం ఏమిటి? అనేది ఫస్ట్ వీకెండ్ తర్వాత తేలనుంది. ప్యూర్ పొలిటికల్ డ్రామా కావడం, తమిళ ప్లేవర్ ఎక్కువగా ఉండటం, దేవరకొండ అభిమానులు కోరుకున్న స్టఫ్ లేక పోవడం సినిమాకు పెద్ద మైనస్గా మారిందనే అభిప్రాయాలు వ్యక్తం అవుతున్నాయి.