‘ఎన్టీఆర్-కథానాయకుడు’ ఫస్ట్ వీక్ కలెక్షన్.... లాభాలు వస్తాయా?

తొలి వారం ఎంత వసూలు చేసింది?

ట్రేడ్ వర్గాల నుంచి అందుతున్న సమాచారం ప్రకారం తొలివారం ఈ చిత్రం రూ. 33.6 కోట్ల గ్రాస్ వసూలు చేసినట్లు తెలుస్తోంది. ఇందులో రూ. 18.5 కోట్ల డిస్ట్రిబ్యూటర్ షేర్ వచ్చినట్లు చర్చించుకుంటున్నారు.

ఏరియా వైజ్ షేర్

తొలి వారం ఏరియా వైజ్ డిస్ట్రిబ్యూటర్‌కు అందిన మొత్తం(షేర్) పరిశీలిస్తే... నైజాంలో రూ. 3.80 కోట్లు, సీడెడ్ నుంచి రూ. 1.60 కోట్లు, ఆంధ్రా టెర్రిటరీస్ నుంచి రూ. 8.20 కోట్లు, యూఎస్ఏ రూ. 2.85 కోట్లు, కర్నాటక రూ. 1.15 కోట్లు, రెస్టాఫ్ ఇండియా నుంచి రూ. 90 లక్షలు వసూలైనట్లు తెలుస్తోంది.

లాభాలు వస్తాయా?

ఈ మూవీ వరల్డ్ వైడ్ థియేట్రకల్ రైట్స్ రూ. 70 కోట్లు అమ్మినట్లు సమాచారం. ఇప్పటి వరకు షేర్ రూ. 20 కోట్లకు కూడా మించక పోవడంతో లాభాలు వస్తాయా? లేదా? అనే విషయంలో సందిగ్ధం నెలకొని ఉంది. సినిమా ఫుల్‌రన్ పూర్తయితే తప్ప ఈ విషయంలో ఓ అంచనాకు రావడం కష్టం.

‘ఎఫ్ 2’ ఎఫెక్ట్

ఈ సంక్రాంతి సీజన్లో విడుదలైన మూడు చిత్రాల్లో ‘ఎఫ్2-ఫన్ అండ్ ఫ్రస్టేషన్' ఆధిపథ్యం కనిపిస్తోంది. ఫ్యామిలీ ప్రేక్షకులంతా ఈ సినిమా వైపు మొగ్గు చూపడంతో ఈ ప్రభావం ‘ఎన్టీఆర్-కథానాయకుడు', ‘వినయ విధేయ రామ' చిత్రాలపై పడిందని చెప్పడంలో ఎలాంటి సందేహం లేదు.