బాలయ్య కెరీర్లోనే రికార్డ్... యూఎస్ఏలో ‘ఎన్టీఆర్-కథానాయకుడు’ కలెక్షన్స్ ఎక్సలెంట్!

ఎక్సలెంట్ ఓపెనింగ్స్ అంటున్న ట్రేడ్ విశ్లేషకులు

అమెరికాలో ప్రీమియర్ షోలకు ఒక్కో లొకేషన్‌ నుంచి యావరేజ్‌గా $2,590.63 వసూలైంది. ఇంకా 29 లొకేషన్లకు సంబంధించిన వివరాలు అందాల్సి ఉంది.

ఫస్ట్ వీకెండ్ పైనే అందరి చూపు...

సినిమా బుధవారం విడులవుతుండటంతో ఫస్ట్ వీకెండ్‌కు 5 రోజులు కలిసొచ్చింది. దీంతో తొలివారాంతం వరకు 1 మిలియన్ నుంచి 1.5 మిలియన్ డాలర్ వసూళ్ల మార్కును అందుకోవడం ఖాయం అంటున్నారు.

బాలయ్య కెరీర్లోనే బిగ్గెస్ట్ ఓపెనింగ్స్

యూఎస్ఏ మార్కెట్లో ఇప్పటి వరకు వచ్చిన బాలయ్య సినిమాల రికార్డులన్నింటినీ ఈ చిత్రం తుడిచిపెట్టే అవకాశాలు ఉన్నాయని, సినిమాకు పాజిటివ్ టాక్ రావడంతో ఫుల్ రన్‌లో 2 మిలియన్ మార్కును అందుకున్నా ఆశ్చర్యపోవక్కర్లేదనే అభిప్రాయాలు వ్యక్తం అవుతున్నాయి.

తెలుగు రాష్ట్రాల్లో కుమ్మేస్తోంది

మరో వైపు తెలుగు రాష్ట్రాల్లో ‘ఎన్టీఆర్-కథానాయకుడు' బాక్సాఫీసును కుమ్మేస్తోంది. తెలుగు రాష్ట్రాలతో పాటు కర్నాటక, తమిళనాడులో ఈ చిత్రాన్ని దాదాపు 1000 స్క్రీన్లలో విడుదల చేశారు. తొలి రోజు గ్రాస్ రూ. 30 కోట్లు మార్కును అందుకుంటుందని అంచనా.

గీత గోవిందం రికార్డ్ బద్దలు

ఎన్టీఆర్-కథానాయకుడు ప్రీమియర్ షోల ద్వారా$442,998 వసూలు చేయడంతో... గీతగోవిందం $404,000 ప్రీమియర్ షో రికార్డ్ బద్దలైంది.