Don't Miss!
- News దానం నాగేందర్ కు షాక్ - కాంగ్రెస్ అభ్యర్ది మార్పు..!?
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Sports RCB vs KKR: 500 టీ20 మ్యాచ్ ఆడబోతున్న ఐపీఎల్ స్టార్.. మ్యాన్ ఆఫ్ మెయిడెన్ ఓవర్స్
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
Oke Oka Jeevitham Collections: సోమవారం ఎఫెక్ట్? సగం తగ్గిన 'ఒకే ఒక జీవితం' 11వ రోజు వసూళ్లు!
తనదైన నటన, విభిన్నమైన కథలతో మంచి గుర్తింపు తెచ్చుకున్నాడు శర్వానంద్. కెరీర్ మొదట్లో చిన్న పాత్రల్లో మెరిసిన శర్వానంద్ హీరోగా మారి ప్రత్యేకమైన ఇమేజ్ ను సొంతం చేసుకున్నాడు. రన్ రాజా రన్, శతమానం భవతి వంటి తదితర చిత్రాలతో హిట్ కొట్టిన శర్వానంద్ ఇటీవల కాలంలో వరుస పరాజయాలు చవిచూశాడు. ఆడవాళ్లు మీకు జోహార్లు, మహా సముద్రం అనుకున్నంతగా ఆకట్టుకోలేదు. ఇక తాజాగా ఒకే ఒక జీవితం సినిమాతో ప్రేక్షకుల ముందుకు వచ్చాడు. మరి సెప్టెంబర్ 9న విడుదలైన ఈ మూవీ 11వ రోజు బాక్సాఫీస్ కలెక్షన్లు ఎలా ఉన్నాయో ఓ లుక్కేద్దామా!
యంగ్ హీరో శర్వానంద్, శ్రీ కార్తీక్ కాంబినేషన్లో రూపొందిన టైమ్ ట్రావెల్ చిత్రం ఒక ఒకే జీవితం. ఇందులో రీతూ వర్మ హీరోయిన్ గా నటించగా.. అక్కినేని అమల కీలక పాత్ర పోషించారు. అంతేకాకుండా ప్రియదర్శి, వెన్నెల కిశోర్, నాజర్ సైతం మరో ప్రధాన పాత్రల్లో ఆకట్టుకున్నారు. డ్రీమ్ వారియర్ పిక్చర్స్ బ్యానర్ పై ఎస్ ఆర్ ప్రభు నిర్మించారు. తెలుగు, తమిళంలో ఒకేసారి విడుదలైన ఈ చిత్రానికి జాక్స్ బిజోయ్ సంగీతం అందించారు.
థియేట్రికల్ బిజినెస్ డీటేల్స్ ఇలా..
యంగ్ హీరో శర్వానంద్కు తెలుగు రాష్ట్రాల్లో పెద్దగా మార్కెట్ లేదు. దీనికితోడు ఈ మధ్య అతడికి హిట్లు కూడా లేవు. దీంతో 'ఒకే ఒక జీవితం' మూవీకి తెలుగు రాష్ట్రాల్లో రూ. 6.50 కోట్లు బిజినెస్ జరిగింది. అలాగే, కర్నాటక ప్లస్ రెస్టాఫ్ ఇండియా, ఓవర్సీస్లలో కలిపి రూ. 1.00 కోట్ల వ్యాపారం జరిగింది. ఫలితంగా ప్రపంచ వ్యాప్తంగా ఈ సినిమా రూ. 7.50 కోట్ల బిజినెస్ అయింది.
11వ రోజు ఎక్కడ ఎంతొచ్చిందంటే?
10వ రోజుతో పోల్చుకుంటే 11వ రోజు 'ఒకే ఒక జీవితం' మూవీకి వసూళ్లు సగం వరకు తగ్గాయి. ఇందుకు కారణం సోమవారం కావడమనే తెలుస్తోంది. దీంతో మూవీకి నైజాంలో రూ. 8 లక్షలు, సీడెడ్లో రూ. 3 లక్షలు, ఉత్తరాంధ్రలో రూ. 3 లక్షలు, ఈస్ట్ గోదావరిలో రూ. 1 లక్ష, వెస్ట్ గోదావరిలో రూ. 1 లక్ష, గుంటూరులో రూ. 2 లక్షలు, కృష్ణాలో రూ. 2 లక్షలు, నెల్లూరులో రూ. 1 లక్షల కలిపి ఏపీ, తెలంగాణలో రూ. 21 లక్షలు షేర్, రూ. 35 లక్షలు గ్రాస్ వసూలైంది.
11 రోజులకు కలిపి ఎంతొచ్చిందంటే?
శర్వానంద్ 'ఒకే ఒక జీవితం' సినిమాకు 11 రోజుల్లో వసూళ్లు బాగానే వచ్చినట్లు కనిపిస్తోంది. ఫలితంగా నైజాంలో రూ. 2.90 కోట్లు, సీడెడ్లో రూ. 50 లక్షలు, ఉత్తరాంధ్రలో రూ. 70 లక్షలు, ఈస్ట్ గోదావరిలో రూ. 46 లక్షలు, వెస్ట్ గోదావరిలో రూ. 32 లక్షలు, గుంటూరులో రూ. 46 లక్షలు, కృష్ణాలో రూ. 42 లక్షలు, నెల్లూరులో రూ. 25 లక్షలతో కలిపి రూ. 6.01 కోట్లు షేర్, రూ. 10.05 కోట్లు గ్రాస్ వసూలైంది.
వరల్డ్ వైడ్ గా వచ్చింది ఎంతంటే?
ఏపీ, తెలంగాణలో 11 రోజుల్లో రూ. 6.01 కోట్లు వసూలు చేసిన 'ఒకే ఒక జీవితం' చిత్రం.. ప్రపంచ వ్యాప్తంగానూ పర్వాలేదనిపించింది. ఫలితంగా కర్నాటక, రెస్టాఫ్ ఇండియా రూ. 49 లక్షలు తమిళ వెర్షన్కు రూ. 1.14 కోట్లు, ఓవర్సీస్లో రూ. 1.90 కోట్లు కలెక్ట్ చేసింది. దీంతో 11 రోజుల్లో ఈ సినిమాకు ప్రపంచ వ్యాప్తంగా రూ. 9.54 కోట్లు షేర్, రూ. 22.30 కోట్లు గ్రాస్ వచ్చింది.
టార్గెట్ ఎంత? ఇంకెంత రావాలంటే?
టైం ట్రావెల్ కథతో ఎమోషనల్గా రూపొందిన 'ఒకే ఒక జీవితం' మూవీకి ప్రపంచ వ్యాప్తంగా రూ. 7.50 కోట్లు మేర బిజినెస్ జరిగినట్లు ట్రేడ్ వర్గాలు తెలిపాయి. దీంతో బ్రేక్ ఈవెన్ టార్గెట్ రూ. 8 కోట్లుగా నమోదైంది. ఇక, ఈ సినిమా 11 రోజుల్లో ప్రపంచ వ్యాప్తంగా రూ. 9.54 కోట్లు వసూలు చేసింది. ఫలితంగా హిట్ స్టేటస్తో పాటు రూ. 1.54 కోట్లు లాభాను కూడా ఖాతాలో వేసుకుంది.