పడిపడి లేచే మనసు కలెక్షన్లు.. శర్వా కెరీర్‌లోనే.. ఊహించని నష్టాల్లో..!

హను రాఘవపూడి తడబాటు

పడి పడి లేచే మనసులో ఫీల్‌గుడ్ సినిమాకు కావాల్సిన కథ ఉంది. కానీ దానిని సరిగా తెరకెక్కించలేక తడబాటుపడటం హను రాఘవపూడి వంతైంది. అందం, అభినయం కలిసిన హీరోయిన్ సాయి కుమార్. ఏ పాత్రైనా ఎన్నడూ అన్యాయం చేయని హీరో శర్వానంద్. మంచి సంభాషణలు, సినిమాటోగ్రఫి మరెన్నో సాంకేతిక అంశాలు ఉన్నప్పటికీ హను ప్రేక్షకుడిని మెప్పించలేకపోయారు.

Poll: ఉత్తమ తెలుగు నటుడు 2018

రూ.15 కోట్ల మేర నష్టం

ఇక పడి పడి లేచే మనసు చిత్రం రూ.22.8 కోట్ల ప్రీ రిలీజ్ బిజినెస్ చేసినట్టు ట్రేడ్ రిపోర్టు. తొలివారం ముగిసే సమయానికి దారుణమైన వసూళ్లను రాబట్టుకొన్నది. ప్రపంచవ్యాప్తంగా ఈ చిత్రం తొలివారం తర్వాత సుమారు రూ.7.5 కోట్లు వద్ద ఆగిపోయినట్టు ట్రేడ్ వర్గాల సమాచారం. అంటే దాదాపు డిస్టిబ్యూటర్లకు రూ.15 కోట్ల వరకు నష్టం వాటిల్లే పరిస్థితి ఏర్పడింది.

Poll: ఉత్తమ తెలుగు ప్రతినాయకుడు 2018

నైజాంలో, సీడెడ్‌, ఉత్తరాంధ్రలో

తొలివారం తర్వాత నైజాంలో వసూళ్లు క్రమేపి క్షీణించినట్టు ట్రేడ్ రిపోర్ట్ వెల్లడించింది. నైజాంలో రూ.2.44 కోట్లు వసూలు చేసింది. అలాగే సీడెడ్‌లో రూ.75 లక్షలకే పరిమితమైనట్టు వెల్లడైంది. ఇక ఉత్తరాంధ్రలో ఈ చిత్రం రూ.70 లక్షలు మాత్రమే వసూలు చేసినట్టు సమాచారం.

ఆంధ్రాలో వారం కలెక్షన్లు

రెండో వారాంతం తర్వాత ఇక ఆంధ్రాలోని ప్రధానమైన జిల్లాలో గుంటూరులో రూ.57 లక్షలు, తూర్పు గోదావరి రూ.40 లక్షలు, పశ్చిమ గోదావరి రూ.30 లక్షలు, కృష్ణా జిల్లాలో రూ.40 లక్షలు, నెల్లూరులో రూ.25 లక్షల మేర కలెక్షన్లు వసూలు చేసింది.

Poll: ఉత్తమ కొత్త తెలుగు నటి 2018

ప్రపంచవ్యాప్తంగా వసూళ్లు

తెలంగాణ, ఆంధ్రాలను మినహాయిస్తే పడి పడి లేచే మనసు చిత్రం మిగితా రాష్ట్రాల్లో రూ.45 లక్షలు మాత్రమే సాధించింది. ఇక ఓవర్సీస్‌లో కోటి రూపాయల వరకు రాబట్టినట్టు తెలిసింది. మొత్తంగా ఈ చిత్రం రెండో వారాంతం తర్వాత రూ.7.5 కోట్ల వద్ద సెటిల్ అయినట్టు తెలుస్తున్నది.