Pathaan 25 Days Collections: పఠాన్ మరో సంచలనం.. బాహుబలి టాప్ రికార్డు బద్దలు.. ఇండియాలో ఏకైక మూవీగా!

పఠాన్‌గా వచ్చేసి షారూఖ్ ఖాన్

బాలీవుడ్ స్టార్ హీరో షారూఖ్ ఖాన్ నటించిన సినిమానే 'పఠాన్'. సిద్ధార్థ్ ఆనంద్ దర్శకత్వం వహించిన ఈ చిత్రంలో దీపికా పదేకొణె హీరోయిన్‌గా చేసింది. ఇందులో జాన్ అబ్రహం కీలక పాత్రను చేశాడు. కండల వీరుడు సల్మాన్ ఖాన్ చిన్న పాత్రలో కనిపించాడు. ఈ చిత్రాన్ని యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించారు. విశాల్ శేఖర్ దీనికి సంగీతాన్ని అందించారు.

పఠాన్ సినిమా బిజినెస్.. రిలీజ్

స్పై థ్రిల్లర్ కాన్సెప్టుతో రూపొందిన 'పఠాన్'పై ఆరంభం నుంచే భారీ స్థాయిలో అంచనాలు ఏర్పడ్డాయి. దీంతో ఈ మూవీ థియేట్రికల్ రైట్స్‌కు ఓ రేంజ్‌లో డిమాండ్ ఏర్పడింది. ఫలితంగా ఈ యాక్షన్ మూవీకి దాదాపు రూ. 250 - 260 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. అందుకు అనుగుణంగానే దాదాపు 8000లకు పైగా థియేటర్లలో దీన్ని తీసుకు వచ్చారు.

24 రోజుల్లో ఎంత వచ్చిందంటే

షారూఖ్ ఖాన్ - దీపికా పదుకొణె జంటగా నటించిన యాక్షన్ మూవీ 'పఠాన్'కు ఆరంభంలోనే ప్రపంచ వ్యాప్తంగా అన్ని ఏరియాల్లో మంచి టాక్ లభించింది. దీనికితోడు రివ్యూలు కూడా పాజిటివ్‌గా వచ్చాయి. దీంతో ఈ చిత్రానికి కలెక్షన్లు భారీ స్థాయిలోనే వస్తున్నాయి. ఇలా 24 రోజుల్లో ఈ మూవీకి ప్రపంచ వ్యాప్తంగా రూ. 508.10 కోట్లు నెట్‌, రూ. 981 కోట్లు గ్రాస్ వచ్చింది.

25వ రోజు ఎంత కలెక్ట్ చేసింది

షారూఖ్ ఖాన్ - సిద్దార్థ్ ఆనంద్ కాంబినేషన్‌లో వచ్చిన 'పఠాన్' మూవీ యాక్షన్ ఎంటర్‌టైనర్‌గా రూపొందింది. దీన్ని పాన్ ఇండియా రేంజ్‌లో చాలా భాషల్లో విడుదల చేశారు. అందుకు అనుగుణంగానే దీనికి అన్ని ఏరియాల్లోనూ మంచి వసూళ్లు వస్తున్నాయి. ఈ క్రమంలోనే 25వ రోజు కూడా ఈ సినిమాకు రూ. 9 - 10 కోట్లు గ్రాస్, రూ. 5 - 5.25 కోట్లు నెట్ వచ్చినట్లు తెలిసింది.

25 రోజులకూ కలిపి ఎంతంటే?

క్రేజీ కాంబినేషన్‌లో తెరకెక్కిన 'పఠాన్' మూవీకి ఓవరాల్‌గా మాత్రం భారీ వసూళ్లు వస్తున్నాయి. ట్రేడ్ వర్గాల సమాచారం ప్రకారం.. 25 రోజుల్లోనే ఈ సినిమా ప్రపంచ వ్యాప్తంగా రూ. 511.50 కోట్లు వరకూ నెట్ వసూలు అయింది. అలాగే, రూ. 988 - 990 కోట్లు వరకూ గ్రాస్ కలెక్ట్ చేసినట్లు తెలిసింది. ఈ క్రమంలోనే ఈ చిత్రం ఎన్నో గొప్ప గొప్ప రికార్డులను కూడా బ్రేక్ చేసేసింది.

అక్కడ కూడా భారీ వసూళ్లతో

సీనియర్ స్టార్ హీరో షారూఖ్ ఖాన్ నటించిన 'పఠాన్' చిత్రాన్ని చాలా దేశాల్లో గ్రాండ్‌గా విడుదల చేశారు. అందుకు అనుగుణంగానే విదేశాల్లో కూడా ఈ సినిమా భారీ స్పందనను సొంతం చేసుకుంది. అలాగే, కలెక్షన్లను కూడా అత్యధికంగానే రాబట్టింది. ఫలితంగా ఈ మూవీ 25 రోజుల్లో ఓవర్సీస్‌లో 45 మిలియన్ డాలర్లు (372 కోట్లు) వరకూ వసూళ్లను కూడా రాబట్టింది.

బాహుబలి టాప్ రికార్డు బ్రేక్

బాలీవుడ్ బాద్‌షా షారూఖ్ ఖాన్ నటించిన 'పఠాన్' చిత్రానికి ప్రపంచ వ్యాప్తంగా భారీ స్థాయిలో కలెక్షన్లు దక్కుతున్నాయి. ఈ క్రమంలోనే ఈ చిత్రం ఏకంగా రూ. 511 కోట్లు వరకూ నెట్‌ను వసూలు చేసింది. దీంతో హిందీలో అత్యధిక కలెక్షన్లను సాధించిన 'బాహుబలి 2' (510 కోట్లు) రికార్డును బ్రేక్ చేసింది. తద్వారా ఇండియాలోనే టాప్ మూవీగా ఇది ఘనతను సాధించింది.