Pathaan 47 Days Collections: సండే సంచలనం.. పఠాన్‌కు కోట్ల వర్షం.. ఇండియాలోనే ఫస్ట్ మూవీగా!

యాక్షన్‌ మూవీగా పఠాన్ రాక

బాలీవుడ్ బాద్‌షా షారూఖ్ ఖాన్ నటించిన తాజా సినిమానే 'పఠాన్'. సిద్ధార్థ్ ఆనంద్ దర్శకత్వం వహించిన ఈ చిత్రంలో దీపికా పదేకొణె హీరోయిన్‌గా చేసింది. ఇందులో జాన్ అబ్రహం విలన్‌గా నటించాడు. ఈ చిత్రాన్ని యశ్ రాజ్ ఫిల్మ్స్ బ్యానర్‌పై ఆదిత్య చోప్రా నిర్మించారు. మరో స్టార్ హీరో సల్మాన్ ఖాన్ అతిథి పాత్ర చేశాడు. విశాల్ శేఖర్ దీనికి సంగీతాన్ని అందించారు.

పఠాన్ మూవీ బిజినెస్, రిలీజ్

యాక్షన్ స్టోరీతో షారూఖ్ ఖాన్ హీరోగా నటించిన 'పఠాన్'పై ఆరంభం నుంచే అంచనాలు భారీగా ఏర్పడ్డాయి. దీంతో ఈ మూవీ థియేట్రికల్ రైట్స్‌కు ఓ రేంజ్‌లో డిమాండ్ ఏర్పడింది. ఫలితంగా ఈ యాక్షన్ మూవీకి దాదాపు రూ. 250 కోట్లు వరకూ బిజినెస్ జరిగింది. అందుకు తగ్గట్లుగానే ప్రపంచ వ్యాప్తంగా దాదాపు 8000లకు పైగా థియేటర్లలో ఈ సినిమాను రిలీజ్ చేశారు.

46 రోజుల్లో ఎంత వచ్చిందంటే

క్రేజీ స్టార్స్ కలిసి నటించిన 'పఠాన్' మూవీకి ఆరంభంలోనే ప్రపంచ వ్యాప్తంగా అన్ని ఏరియాల్లో మంచి టాక్ లభించింది. దీనికితోడు రివ్యూలు కూడా పాజిటివ్‌గా వచ్చాయి. దీంతో ఈ చిత్రానికి కలెక్షన్లు భారీ స్థాయిలోనే వస్తున్నాయి. ఇలా 46 రోజుల్లో ఈ సినిమాకు ప్రపంచ వ్యాప్తంగా రూ. 539.14 కోట్లు నెట్‌, రూ. 1042 కోట్లు గ్రాస్‌ను వచ్చినట్లు నిర్మాతలు అధికారికంగా వెల్లడించారు.

47వ రోజు ఎంత కలెక్ట్ చేసింది

షారూఖ్ ఖాన్ - సిద్దార్థ్ ఆనంద్ కలయికలో రూపొందిన 'పఠాన్' మూవీ యాక్షన్ ఎంటర్‌టైనర్‌గా తెరకెక్కింది. దీన్ని పాన్ ఇండియా రేంజ్‌లో చాలా భాషల్లో విడుదల చేశారు. అందుకు అనుగుణంగానే దీనికి అన్ని ఏరియాల్లోనూ మంచి కలెక్షన్లు వస్తున్నాయి. ఈ క్రమంలోనే 47వ రోజు భారీగా పడిపోయి రూ. 4.00 కోట్లు గ్రాస్, రూ. 1.02 కోట్లు వరకూ నెట్ వసూలు అయింది.

47 రోజులకూ కలిపి ఎంతంటే?

షారూఖ్, దీపిక, జాన్ అబ్రహం నటించిన 'పఠాన్' మూవీకి ఓవరాల్‌గా మాత్రం భారీ వసూళ్లు వస్తున్నాయి. ట్రేడ్ వర్గాల సమాచారం ప్రకారం.. 47 రోజుల్లోనే ఈ సినిమా ప్రపంచ వ్యాప్తంగా రూ. 540.16 కోట్లు నెట్ వసూలైంది. ఇందులో రూ. 18.56 కోట్లు నెట్ దక్షిణాది భాషల నుంచి, రూ. 521.60 కోట్లు హిందీ బెల్ట్ ద్వారా వచ్చాయి. ఈ మూవీ రూ. 1044.00 కోట్లు గ్రాస్ కలెక్ట్ చేసింది.

ఓవర్సీస్‌లో ఎంతొచ్చిందంటే

షారూఖ్ ఖాన్ హీరోగా చేసిన 'పఠాన్' చిత్రాన్ని చాలా దేశాల్లో అత్యధిక థియేటర్లలో రిలీజ్ చేశారు. అందుకు తగ్గట్లుగా విదేశాల్లో కూడా ఈ సినిమా భారీ స్పందనను సొంతం చేసుకుంది. అలాగే, కలెక్షన్లను కూడా భారీ స్థాయిలోనే రాబడుతూ దూసుకెళ్తోంది. ఫలితంగా ఈ మూవీ 47 రోజుల్లో ఓవర్సీస్‌లో 47.60 మిలియన్ డాలర్లు (390 కోట్లు) వరకూ రాబట్టి సత్తా చాటింది.

ఆ మార్కును చేరుకుందిగా

సిద్దార్థ్ ఆనంద్ దర్శకత్వంలో షారూఖ్ ఖాన్ హీరోగా నటించిన 'పఠాన్' మూవీ 47వ రోజు కూడా కోటికి పైగా వసూళ్లను రాబట్టింది. ఇలా ఇప్పటి వరకూ ఈ సినిమా రూ. 540 కోట్లు వరకూ నెట్ కలెక్షన్లను వసూలు చేసింది. దీంతో ఈ చిత్రం రూ. 260 కోట్ల టార్గెట్‌తో వచ్చి ఏకంగా రూ. 280 కోట్లు లాభాలను సొంతం చేసుకుంది. తద్వారా ఏకైక ఇండియన్ మూవీగా రికార్డు సాధించింది.