Jalsa Special Show మహేష్ రికార్డును పవన్ బ్రేక్.. ప్రపంచవ్యాప్తంగా అడ్వాన్స్ బుకింగ్ కిర్రాక్

హైదరాబాద్‌లో భారీగా ఏర్పాట్లు

హైదరాబాద్‌లో జల్సా సినిమా ప్రదర్శనకు భారీగా ఏర్పాట్లు జరుగుతున్నాయి. కొత్త సినిమాకు ముస్తాబు చేసినట్టుగా థియేటర్లను అభిమానులు కటౌట్స్, ఫ్లెక్సీలతో అలంకరిస్తున్నారు. మూడు రోజుల ముందుగానే అభిమానులు తోరణాలు, భారీ పోస్టర్లను కట్టడంలో తలమునకలై ఉన్నారు.

ప్రసాద్ మల్టీప్లెక్స్‌లో 17 షోలు

ఇక జల్సా సినిమాను హైదరాబాద్‌లో సెప్టెంబర్ 2వ తేదీన భారీగా ప్రదర్శించేందుకు సిద్దమవుతున్నారు. ప్రసాద్ మల్టీ ప్లెక్స్‌లో ఏకంగా 17 షోలు ప్రదర్శిస్తున్నారు. సంధ్య, సుదర్శన్, దేవీ థియేటర్లతోపాటు పలు మల్టీప్లెక్స్‌లో ప్రత్యేక షోలు ప్రదర్శిస్తున్నారు.

82 శాతం అక్యుపెన్సీతో 45 లక్షలు

హైదరాబాద్‌లో జల్సా సినిమా స్పెషల్ అడ్వాన్స్ బుకింగ్ భారీగా జరిగింది. మొత్తం 56 షోలు ప్రదర్శిస్తుండగా..అడ్వాన్స్ బుకింగ్ రూపంలో 45 లక్షలు వసూలైంది. దాదాపు 82 శాతం అక్యుపెన్సీ నమోదైంది.

పోకిరి రికార్డును బ్రేక్ చేసిన జల్సా

హైదరాబాద్‌లో స్పెషల్ షోల విషయంలో జల్సా మూవీ రికార్డులు సృష్టించింది. కొద్ది రోజుల క్రితం మహేష్ బాబు జన్మదినం సందర్భంగా పోకిరి సినిమాను ప్రసాద్ ఐమాక్స్‌లో ప్రదర్శించగా.. 6.9 లక్షల కలెక్షన్లు, ఒక్కడు సినిమాకు 8.16 లక్షల వసూళ్లు లభించాయి. అయితే జల్సా సినిమాకు ఏకంగా మూడు రోజుల ముందే 16.57 లక్షలు, తమ్ముడు సినిమాకు 13.69 లక్షల వసూళ్లను రాబట్టడం రికార్డుగా మారింది.

గుజరాత్‌లో కూడా స్పెషల్ షోలు

జల్సా స్పెషల్ షోను గుజరాత్‌లో కూడా ప్రదర్శించడం విశేషంగా మారింది. వడోదర లోని పరుల్ యూనివర్సిటీ స్టూడెంట్స్ సెప్టెంబర్ 1వ తేదీ 10 గంటలకు ఐనాక్స్ తక్ష్ గెలాక్సీలో జల్సాను ప్రదర్శించేందుకు ఏర్పాట్లు చేశారు. ఈ షోకు అభిమానుల నుంచి మంచి రెస్పాన్స్ వచ్చింది.

అమెరికాలో అడ్వాన్సు బుకింగ్

ఇక అమెరికాలో జల్సా స్పెషల్ షోలకు అభిమానులు పొటెత్తుతున్నారు. యూఎస్‌లో మొత్తం 28 లొకేషన్లలో షోలు ప్రదర్శించేందుకు ఏర్పాటు చేయగా.. మొత్తం 876 టికెట్లు అమ్ముడుపోయాయి. దాంతో ఈ చిత్రం 8635 అమెరికన్ డాలర్లను వసూలు చేసింది. ఇక పోకిరి సినిమాను 11 లొకేషన్లలో ప్రదర్శించగా 6135 డాలర్లను వసూలు చేసింది.