'పులి' భారీ స్ధాయిలో గర్జన

By Staff

| Published: Monday, August 4, 2008, 10:19 [IST]

పవన్ కళ్యాణ్ హీరోగా 'ఖుషీ' ఫేమ్ ఎస్.జె.సూర్య దర్శకత్వంలో రెడీ అవుతున్న 'పులి' చిత్రం ఆడియో రైట్స్ కోసం పోటీ మొదలైందని తెలుస్తోంది. అందులోనూ 'జల్సా' ఆడియో ఓ సెన్సేషన్ సృష్టించంటంతో ఈ సినిమాకు క్రేజ్ బాగా పెర్గింది. అప్పట్లో 'ఖుషీ' ఆడియో కూడా ఓ సంచలనమే కావటంతో ఆ విషయాన్ని కూడా మార్కెట్ వర్గాలు పరిగణలోకి తీసుకుని ముందుకు వస్తున్నట్లు సమాచారం .

ఇక అందిన విశ్వసనీయ సమాచారం ప్రకారం నిర్మాత సింగనమల రమేష్ దగ్గరకి 'పులి' ఆడియో రైట్స్ నిమిత్తం రెండు కోట్ల ఫ్యాన్సీ ఆఫర్ తో సోనీ మ్యూజిక్ వారు వచ్చినట్లు ఆయన దానిని రిజెక్టు చేసినట్లు తెలుస్తోంది. కోటి రూపాయలకు జల్సా ఆడియోని ఇంతకు ముందు ఆదిత్యా వారికి ఇచ్చి ఉండటంతో ఈ సినిమా ఆడియోని మినిమం మూడు కోట్లు కి అమ్మాలని నిర్మాత నిర్చయించుకున్నట్లు తెలుస్తోంది. అందులోనూ ఎ.ఆర్.రహమాన్ సంగీతం అందించటం ఈ సినిమా ఆడియో కు మరో పెద్ద ప్లస్సు.అయితే ఇదే రేటుకు ఆడియో రైట్స్ ని అమ్మ గలిగితే తెలుగు పరిశ్రమలో ఇదో పెద్ద రికార్డు.