Mangalavaaram 9 Days Collections: 9వ రోజు రచ్చ లేపిన మంగళవారం.. ఏకంగా అన్ని లక్షలతో అరాచకంగా!

టాలీవుడ్‌లో మొట్టమొదటి చిత్రంతోనే హానెస్ట్ ఎక్స్‌పిరమెంట్ చేసి సక్సెస్ అయిన దర్శకుల్లో అజయ్ భూపతి ఒకరు. RX100 మూవీతో సంచలన విజయాన్ని సొంతం చేసుకున్న ఆయన.. ఆ తర్వాత వచ్చిన చిత్రంతో నిరాశనే ఎదుర్కొన్నారు.

దీంతో ఈ సారి ఎలాగైనా సక్సెస్ సాధించాలన్న పట్టుదలతో 'మంగళవారం' అనే మూవీని తెరకెక్కించారు. హర్రర్ థ్రిల్లర్ జోనర్‌లో రూపొందిన ఈ సినిమాకు మంచి స్పందన వస్తోంది. మధ్యలో కాస్త తగ్గినా శనివారం మళ్లీ పుంజుకుంది. మరి 'మంగళవారం' మూవీ 9 రోజుల్లో ఎంత వసూలు చేసిందో మీరే చూసేయండి!

థ్రిల్లర్ స్టోరీతో మంగళవారం: బోల్డు హీరోయిన్ పాయల్ రాజ్‌పుత్ ప్రధాన పాత్రలో అజయ్‌ భూపతి తెరకెక్కించిన సస్పెన్స్ థ్రిల్లర్ మూవీనే 'మంగళవారం'. ఈ మూవీని స్వాతి గుణుపాటి, సురేష్ వర్మ సంయుక్తంగా నిర్మించారు. ఇందులో అజయ్ ఘోష్, నందిత శ్వేత, కృష్ణ చైతన్య, దివ్య పిళ్లై తదితరులు కీలక పాత్రల్లో కనిపించారు. ఈ సినిమాకు అంజనీష్ లోక్‌నాథ్ సంగీతాన్ని సమకూర్చారు.

అన్ని కోట్లు బిజినెస్ చేసింది: సస్పెన్స్ థ్రిల్లర్ స్టోరీతో వచ్చిన 'మంగళవారం' సినిమాపై ఆరంభంలోనే మంచి హైప్ క్రియేట్ అయింది. దీంతో ఈ చిత్రం నైజాంలో రూ. 3.20 కోట్లు, ఆంధ్రప్రదేశ్, సీడెడ్ ఏరియాలను కలుపుకుని రూ. 7 కోట్లు, రెస్టాఫ్ ఇండియా, కర్నాటక, ఓవర్సీస్ ఏరియాల్లో కలిపి రూ. 2 కోట్లు బిజినెస్ చేసింది. ఇలా ప్రపంచ వ్యాప్తంగా దీనికి రూ. 12.20 కోట్లు థియేట్రికల్ బిజినెస్ అయింది.

9వ రోజు ఎంత వచ్చిందంటే: 'మంగళవారం' మూవీకి మొదటి రోజే మంచి టాక్ రావడంతో ఓపెనింగ్స్ భారీగా వచ్చాయి. కానీ, వీక్ డేస్‌లో ఈ సినిమా క్రమంగా డౌన్ అవుతూనే ఉంది. ముఖ్యంగా నాలుగో రోజు నుంచి క్రమంగా వసూళ్లు తగ్గిపోతున్నాయి. అయితే, శనివారం మాత్రం ఈ చిత్రం మంచి రెస్పాన్స్ అందుకుంది. దీంతో తెలుగు రాష్ట్రాల్లో 9వ రోజు రూ. 52 లక్షలు షేర్‌ మాత్రమే రాబట్టింది.

9 రోజులకూ కలిపి ఎంతంటే: 'మంగళవారం' మూవీకి 9 రోజుల్లో తెలుగులో మంచి స్పందన వచ్చింది. ఫలితంగా నైజాంలో రూ. 3.50 కోట్లు, సీడెడ్‌లో రూ. 1.25 కోట్లు, ఉత్తరాంధ్రలో రూ. 99 లక్షలు, ఈస్ట్ గోదావరిలో రూ. 61 లక్షలు, వెస్ట్ గోదావరిలో రూ. 41 లక్షలు, గుంటూరులో రూ. 56 లక్షలు, కృష్ణాలో రూ. 38 లక్షలు, నెల్లూరులో రూ. 26 లక్షలతో కలిపి.. రూ. 7.96 కోట్లు షేర్, రూ. 14.50 కోట్లు గ్రాస్ వచ్చింది.

ప్రపంచ వ్యాప్తంగా ఎంతంటే: భయపెట్టే కథతో రూపొందిన 'మంగళవారం' మూవీకి దేశంలోని వేరే ప్రాంతాలతో పాటు ఓవర్సీస్‌లోనూ మంచి స్పందనే వచ్చిందని చెప్పాలి. ఫలితంగా ఈ విభిన్నమైన సినిమాకు కర్నాటక ప్లస్ రెస్టాఫ్ ఇండియా ప్లస్ ఓవర్సీస్‌లో కలిసి 9 రోజుల్లో రూ. 1.19 కోట్లు షేర్ వచ్చింది. వీటితో కలుపుకుంటే ప్రపంచ వ్యాప్తంగా ఈ చిత్రం రూ. 9.15 కోట్లు షేర్, 17.00 కోట్లు రాబట్టింది.

టార్గెట్ ఇలా.. ఎంత రావాలి?: అజయ్ భూపతి రూపొందించిన 'మంగళవారం' చిత్రం ప్రపంచ వ్యాప్తంగా అన్ని ఏరియాలనూ కలుపుకుని రూ. 12.20 కోట్లు వరకూ థియేట్రికల్ బిజినెస్ చేసుకున్నట్లు తెలిసింది. అంటే ఈ చిత్రం రూ. 13.00 కోట్లు షేర్ బ్రేక్ ఈవెన్ టార్గెట్‌తో వచ్చింది. 9 రోజుల్లో ఈ సినిమాకు రూ. 9.15 రాబట్టింది. ఇక, ఇది హిట్ కావాలంటే మరో రూ. 3.85 కోట్లు షేర్ రాబట్టాలి.