Don't Miss!
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- News బాలకృష్ణకు షాక్: హిందూపురంలో నామినేషన్ వేసిన స్వామి పరిపూర్ణానంద
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బాక్సాఫీస్ వద్ద మోడీ బయోపిక్ హవా.. మూడు రోజుల్లో ఎంత రాబట్టిందంటే
మోదీ జీవిత చరిత్ర ఆధారంగా తెరకెక్కిన చిత్రం 'పీఎం నరేంద్ర మోదీ'. ఒమంగ్ కుమార్ దర్శకత్వంలో రూపొందిన ఈ చిత్రంలో వివేక్ ఒబెరాయ్ లీడ్ రోల్ పోషించారు. కౌంటింగ్ తర్వాతి రోజైన మే 24 వ తేదీన ఈ సినిమా ప్రేక్షకుల ముందుకు వచ్చింది. ఈ సినిమాను హిందీతో పాటు దేశంలోని 23 భాషల్లో విడుదల చేయడం విశేషం. మోదీ టీ అమ్మే స్థాయి నుంచి ప్రధాని స్థాయి వరకు ఎలా ఎదిగారో ఈ చిత్రంలో చూపించారు.
భారత ప్రధాన మంత్రి నరేంద్ర మోదీ జీవిత చరిత్ర ఆధారంగా తెరకెక్కిన సినిమా కావడంతో చిత్రానికి మంచి స్పందన వస్తోంది. చిత్రంలో మోడీగా వివేక్ ఒబెరాయ్ నటన ప్రేక్షక లోకాన్ని బాగా ఆకట్టుకుంటోంది. మే 24 న విడుదలైన ఈ సినిమాకు మొదటి రోజు కలెక్షన్స్ కాస్త డీలా పడ్డాయి. క్రిటిక్స్ పాజిటివ్ రివ్యూస్ ఇవ్వకపోయినప్పటికీ మౌత్ టాక్ తో వెంటనే పుంజుకున్న ఈ సినిమా రెండో రోజు, మూడో రోజు మంచి వసూళ్లు రాబట్టింది.
సినిమా విడుదలైన మొదటి రోజు 2 .88 కోట్ల రూపాయల కలెక్షన్స్ రాబట్టిన ఈ సినిమా రెండో రోజు కాస్త పుంజుకొని 3.76 కోట్లు రాబట్టింది. ఇక ఆ వెంటనే మూడో రోజు 4.50 కోట్ల రూపాయల వసూళ్లు రాబట్టడం విశేషం. మొత్తంగా చూస్తే మూడు రోజుల్లో ఈ సినిమా 11. 14 కోట్ల రూపాయలు కొల్లగొట్టింది. పబ్లిక్ వాయిస్, మోడీ రెండోసారి విజయకేతనం ఎగురవేయడం కారణంగా ఈ సినిమా రానున్న రోజుల్లో ఇంకా బెస్ట్ కలెక్షన్స్ రాబతుందని అంటున్నారు విశ్లేషకులు.
నిజానికి ఎప్పుడో విడుదల కావాల్సిన ఈ చిత్రం సార్వత్రిక ఎన్నికల నేపథ్యంలో కాస్త డిలే అయింది. విడుదలకు ముందు కొన్ని వివాదాలు చెలరేగడంతో ఎలక్షన్స్ తర్వాతనే విడుదల చేయాలని ఎలక్షన్ కమిషన్ ఆదేశాలు జారీ చేయడం జరిగింది. ఈ మేరకు చిత్రాన్ని ఎన్నికల ఫలితాల అనంతరం ప్రేక్షకుల ముందుంచారు. ఈ సినిమాలో మోదీ బాల్యం నుంచి జరిగిన సంఘటనలన్నీ చూపించారు. బాల్యంలో ఆయన చాయ్ అమ్ముకోవడం, చదువుకునే రోజుల్లో ఆయన ఆర్ఆర్ఎస్లో జాయిన్ కావడం.. ఆ తర్వాత గుజరాత్ ముఖ్యమంత్రిగా.. ఆ పై దేశ ప్రధానిగా ఎదిగిన వైనాన్ని ఈ సినిమాలో కళ్ళకు కట్టినట్లు చూపించారు.