PS2 Collections: 2వ రోజు ఊహించని వసూళ్లు.. ఏకంగా అన్ని కోట్లతో ఊచకోత.. తెలుగులో ఎన్ని కోట్లు అంటే!

గతంలో కంటే ఈ మధ్య కాలంలో సీక్వెల్ మూవీలు ఎక్కువగా వస్తున్నాయి. మొదటి భాగం చూపించిన ప్రభావాన్ని దృష్టిలో ఉంచుకుని.. దానికి రెండో పార్టును తీసుకు వస్తున్నారు. అలా ఇప్పుడు వచ్చిన సినిమానే 'పొన్నియన్ సెల్వన్ 2'. గత ఏడాది భారీ బడ్జెట్‌తో వచ్చిన 'పొన్నియన్ సెల్వన్' అనే పిరియాడిక్ మూవీకి ప్రేక్షకుల నుంచి స్పందన భారీగా వచ్చింది. దీంతో ఇప్పుడు సెకెండ్ పార్టును తీసుకొచ్చారు. దీనికి మొదటి రోజు ఆశించిన వసూళ్లు రాలేదు. కానీ, రెండో రోజు బాగానే రాబట్టింది. ఈ నేపథ్యంలో ఈ మూవీ 2 రోజుల కలెక్షన్లను మీరే చూడండి మరి!

స్టార్ల కలయికలో రెండో భాగం : లెజెండరీ డైరెక్టర్ మణిరత్నం తీసిన పిరియాడిక్ యాక్షన్ మూవీనే 'పొన్నియన్ సెల్వన్ 2'. ఇందులో చియాన్ విక్రమ్, ఐశ్వర్యరాయ్, త్రిష, కార్తి, జయం రవి, శోభిత ధూళిపాళ్ల సహా ఎంతో మంది స్టార్లు నటించారు. ఈ సినిమాను మణిరత్నం, శుభకరణ్ అల్లిరాజయ్య సంయుక్తంగా నిర్మించారు. దీనికి ఏఆర్ రెహమాన్ సంగీతం ఇచ్చారు. గత ఏడాది వచ్చిన పార్ట్ 1 సక్సెస్ అయింది.

బిజినెస్‌కు తగ్గట్లు గ్రాండ్ రిలీజ్: భారీ బడ్జెట్‌తో వచ్చిన 'పొన్నియన్ సెల్వన్ 2' మూవీకి తమిళంలో దాదాపు రూ. 80 కోట్ల వరకూ బిజినెస్ జరిగినట్లు ట్రేడ్ వర్గాలు తెలిపాయి. అలాగే, తెలుగు రాష్ట్రాల్లో రూ. 10 కోట్ల బిజినెస్ అయింది. రెస్టాఫ్ ఇండియాలో రూ. 21 కోట్లు, ఓవర్సీస్‌లో రూ. 50 కోట్లు, కేరళలో రూ. 9 కోట్లు బిజినెస్ చేసుకుంది. ఇలా ప్రపంచ వ్యాప్తంగా ఈ భారీ చిత్రానికి రూ. 170 కోట్ల బిజినెస్ జరిగింది.

తెలుగు రెండో రోజు వసూళ్లిలా : 'పొన్నియన్ సెల్వన్ 2'కు ఆంధ్రప్రదేశ్, తెలంగాణలో 2 రోజు వసూళ్లు పెరిగాయి. ఫలితంగా నైజాంలో రూ. 85 లక్షలు, సీడెడ్‌లో రూ. 15 లక్షలు, ఉత్తరాంధ్రలో రూ. 14 లక్షలు, ఈస్ట్ గోదావరిలో రూ. 11 లక్షలు, వెస్ట్ గోదావరిలో రూ. 7 లక్షలు, గుంటూరులో రూ. 10 లక్షలు, కృష్ణాలో రూ. 10 లక్షలు, నెల్లూరులో రూ. 6 లక్షలతో.. రూ. 1.58 కోట్లు షేర్, రూ. 3.05 కోట్లు గ్రాస్ వచ్చింది.

రెండు రోజుల్లో తెలుగు కలెక్షన్లు
2 రోజులకు 'పొన్నియన్ సెల్వన్ 2' ఏపీ, తెలంగాణలో బాగానే రాణించింది. ఫలితంగా నైజాంలో రూ. 1.65 కోట్లు, సీడెడ్‌లో రూ. 28 లక్షలు, ఉత్తరాంధ్రలో రూ. 23 లక్షలు, ఈస్ట్ గోదావరిలో రూ. 19 లక్షలు, వెస్ట్ గోదావరిలో రూ. 13 లక్షలు, గుంటూరులో రూ. 18 లక్షలు, కృష్ణాలో రూ. 18 లక్షలు, నెల్లూరులో రూ. 11 లక్షలతో.. రూ. 2.95 కోట్లు షేర్, రూ. 5.75 కోట్లు గ్రాస్ వసూలు అయింది.

టార్గెట్ ఎంత? ఎంత రావాలి?
భారీ బడ్జెట్‌తో రూపొందిన 'పొన్నియన్ సెల్వన్ 2'కు అంచనాలకు అనుగుణంగానే ఆంధ్రప్రదేశ్, తెలంగాణలో కలిపి రూ. 10.00 కోట్లు బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 10.50 కోట్లుగా నమోదైంది. ఇక, 2 రోజుల్లో దీనికి రూ. 2.95 కోట్లు వచ్చాయి. అంటే మరో రూ. 7.55 కోట్లు వసూలు అయితేనే ఇది తెలుగులో హిట్ మూవీగా నిలుస్తుంది.

ప్రపంచ వ్యాప్తంగా వచ్చిందెంత? : 'పొన్నియన్ సెల్వన్ 2' ప్రపంచ వ్యాప్తంగా సత్తా చాటుతోంది. దీనికి రెండు రోజులకు కలిపి తెలుగులో రూ. 5.75 కోట్లు, తమిళంలో రూ. 34.50 కోట్లు, కర్నాటకలో రూ. 6.90 కోట్లు, కేరళలో రూ. 5.50 కోట్లు, రెస్టాఫ్ ఇండియాలో రూ. 5.25 కోట్లు, ఓవర్సీస్‌లో రూ. 51.70 కోట్లు గ్రాస్ వసూలైంది. ఇలా ప్రపంచ వ్యాప్తంగా రూ. 109.60 కోట్లు గ్రాస్‌, రూ. 53.25 కోట్లు షేర్ వచ్చింది.

ఓవరాల్‌గా హిట్ అవ్వాలంటే? : 'పొన్నియన్ సెల్వన్ 2' మూవీ ప్రపంచ వ్యాప్తంగా అన్ని ఏరియాలను కలిపి రూ. 170 కోట్ల బిజినెస్ జరుపుకున్నట్లు ట్రేడ్ వర్గాలు వెల్లడించాయి. అంటే రూ. 172 కోట్లు షేర్ వస్తేనే ఈ సినిమా హిట్ స్టేటస్‌ను సొంతం చేసుకుంటుంది. కానీ, 2 రోజుల్లో దీనికి రూ. 51.70 కోట్ల వరకే షేర్ వచ్చింది. అంటే ఇంకా ఇది రూ. 118.75 కోట్లు వరకూ షేర్‌ను వసూలు చేయాల్సి ఉంది.