twitter
    For Quick Alerts
    ALLOW NOTIFICATIONS  
    For Daily Alerts

    రికార్డులు తిరగరాసిన సాహో ప్రీ రిలీజ్ బిజినెస్.. ప్రభాస్ కెరీర్‌లోనే మైలురాయిగా

    |

    బాహుబలి తర్వాత ప్రభాస్ నటిస్తున్న సాహో చిత్రాన్ని అంతర్జాతీయ సినిమా ప్రమాణాలకు ధీటుగా దర్శకుడు సుజిత్ రెడ్డి తెరకెక్కిస్తున్న సంగతి తెలిసిందే. సాంకేతిక విభాగాల కూర్పు ప్రభావంతో సాహో చిత్రం భారతీయ యాక్షన్ సినిమాలకు ఐకాన్‌గా మారే అవకాశం లేకపోలేదు. ఇక సాహో చిత్రానికి సంబంధించిన థియేట్రికల్ హక్కులు, ప్రీ రిలీజ్ బిజినెస్ టాక్ ఆఫ్ ఇండస్ట్రీగా మారింది. ఈ చిత్ర హక్కులను భారీ రేటు చెల్లించి సొంతం చేసుకొన్నారు. అయితే ఎంత మేరకు ప్రీ రిలీజ్ బిజినెస్ జరిగిందనే వివరాలు మీ కోసం..

    తెలంగాణ ఆంధ్రా ప్రీ బిజినెస్

    తెలంగాణ ఆంధ్రా ప్రీ బిజినెస్

    ట్రేడ్ వర్గాల ప్రకారం.. సాహో ప్రీ రిలీజ్‌కు సంబంధించిన వివరాలు బాక్సాఫీస్‌ను షేక్ చేసేలా ఉన్నాయి. తెలంగాణ, ఏపీలో రికార్డు స్థాయి ప్రీ రిలీజ్ జరిగింది. బాహుబలి తర్వాత ఆ రేంజ్‌లో సాహో బిజినెస్ కావడం సినీ, ట్రేడ్ వర్గాల్లో చర్చకు దారి తీసింది. కేవలం తెలంగాణ, ఆంధ్రా ప్రాంతాల్లోనే సాహో చిత్రం రూ.125 కోట్ల ప్రీ రిలీజ్ బిజినెస్ చేసింది. ప్రభాస్ కెరీర్‌లోనే ఇది అత్యధికమని చెప్పవచ్చు.

    తెలంగాణ, సీడెడ్‌లో

    తెలంగాణ, సీడెడ్‌లో

    సాహో నైజాం హక్కుల విషయానికి వస్తే ఇంతకు ముందు ఎన్నడూ లేని విధంగా బిజినెస్ జరిగింది. నైజాంలోనే థియేట్రికల్ హక్కులను రూ.40 కోట్లకు అమ్మడం ఓ రికార్డుగా మారింది. ఇక సీడెడ్‌లో ఈ చిత్రం హక్కులను రూ.25 కోట్లకు అమ్మడం సెన్సేషనల్‌గా మారింది. ఈ రెండు ప్రాంతాల్లోనే రూ.65 కోట్ల మేర బిజినెస్ జరగడం ఈ సినిమాపై ఉన్న క్రేజ్‌ను చెప్పింది.

    ఆంధ్రాలో ప్రీ రిలీజ్ బిజినెస్

    ఆంధ్రాలో ప్రీ రిలీజ్ బిజినెస్

    ఇక ఆంధ్రా విషయానికి వస్తే, మరో రూ.60 కోట్ల మేర ప్రీ రిలీజ్ బిజినెస్ నమోదైంది. వైజాగ్ హక్కులను రూ.16 కోట్లు, తూర్పు గోదావరి, పశ్చిమ గోదావరి జిల్లాల హక్కులను రూ.19 కోట్లకు డిస్టిబ్యూటర్లు సొంతం చేసుకొన్నారు. ఇక కృష్ణా జిల్లా హక్కులు రూ.8 కోట్లు, నెల్లూరు రూ.4.5 కోట్ల మేర ప్రీ రిలీజ్ బిజినెస్ జరిగినట్టు ట్రేడ్ వర్గాల సమాచారం.

    దక్షిణ, ఉత్తరాది రాష్ట్రాల్లో

    దక్షిణ, ఉత్తరాది రాష్ట్రాల్లో

    తెలంగాణ, ఆంధ్రేతర రాష్ట్రాల్లో బిజినెస్ కూడా సెన్సేషన్ క్రియేట్ చేసింది. కర్ణాటక హక్కులు రూ.28 కోట్లు, తమిళనాడు, కేరళ హక్కులు రూ.18 కోట్లు, ఉత్తర భారతదేశానికి సంబంధించిన హక్కులు రూ.120 కోట్ల మేర బిజినెస్ జరిగింది. ఇక ఓవర్సీస్‌లో కూడా ఫ్యాన్సీ రేటుకు హక్కులు అమ్ముడుపోయాయి. ఓవర్సీస్‌లో రూ.42 కోట్ల మేరకు బిజినెస్ జరిగింది. ఇలా ప్రాంతాల వారీగా కలుపుకొంటే మొత్తంగా రూ.333 కోట్ల బిజినెస్ రికార్డయింది.

    English summary
    After Bahubali the face of Telugu Cinema among all its linguistic counterparts in India has changed. It is not even exaggeration in saying Bahubali became the face of Indian Cinema in the world. This film's pre release business set bench mark for Tollywood.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X