సాహో ప్రభంజనం: 294 నాటౌట్.. రికార్డులు బద్దలు చేస్తూ బాక్సాఫీస్ జోరు

టాక్ ఏదైతేనేం.. కలెక్షన్స్ అదుర్స్

ప్రీమియర్ షోల ద్వారా మంచి టాక్ సొంతం చేసుకున్న సాహో.. విడుదలైన రోజు రెండో ఆట నుంచి ఊహించని రీతిలో నెగెటివ్ టాక్ సొంతం చేసుకుంది. ఈ సినిమాను కొందరు బాగుందని అంటుండగా, మరికొందరు మాత్రం బాలేదని అంటున్నారు. దీంతో ప్రభాస్ అభిమానులు కాస్త నిరాశ చెందారు. కానీ కలెక్షన్ల పరంగా సాహో దూసుకుపోతోంది.

ఊహించని రీతిలో వేగంగా డబుల్ సెంచరీ

మొదటి రోజు వరల్డ్ వైడ్ ప్రీమియర్స్ తో కలిసి రూ.130 కోట్ల గ్రాస్ వసూలు చేసిన సాహో.. రెండో రోజు కూడా అదే రేంజ్‌లో కలెక్షన్ల వర్షం కురిపించింది. ప్రభాస్ క్రేజ్‌తో ఈ సినిమా రెండ్రోజుల్లోనే డబుల్ సెంచరీ (రూ.200 కోట్లు) మార్కును అధిగమించి సాహోరే అనిపించింది. దీంతో చిత్రయూనిట్ సహా ప్రభాస్ ఫ్యాన్స్ ఊపిరి పీల్చుకున్నారు.

రికార్డులు తిరగరాస్తూ 294 నాటౌట్

సాహో సినిమా రెండో రోజు జోష్ మూడో రోజూ కొనసాగింది. వీక్ గా ఉన్న టాక్ బలపడటంతో థియేటర్స్ బాట పడుతున్నారు జనం. హాలీడే సీజన్, వీకెండ్ రావడం సాహోకి బాగా కలిసొచ్చింది. దీంతో మూడు రోజుల్లోనే ప్రపంచ వ్యాప్తంగా 294 కోట్ల రూపాయల గ్రాస్ కలెక్షన్స్ రాబట్టి వావ్! అనిపించింది సాహో. విడుదలైన నాలుగు భాషల్లోనూ సాహో జోరు రెట్టింపవుతుండటం విశేషం.

ప్రముఖుల ప్రశంసలు

సాహో నెగెటివ్ టాక్ సినిమాను ఏ మాత్రం ప్రభావితం చేయలేదు. టాక్ ఎలా ఉన్న ఫ్యాన్ ఇండియా లెవెల్ సినిమా కావడం, హై ఓల్టేజ్ యాక్షన్ సన్నివేశాలు
ఉండటం కారణంగా సినిమాపై కలెక్షన్ల వర్షం కురుస్తోంది. మరోవైపు కేటీఆర్ సహా కొందరు సినీ, రాజకీయ ప్రముఖుల ప్రశంసలు సాహోకి మంచి బూస్టింగ్ ఇస్తున్నాయి.

సాహో మూవీ

తెలుగు సినీ చరిత్రలోనే ప్రతిష్టాత్మకంగా రూపొందిన సినిమాల్లో ‘సాహో' ఒకటి. టాలీవుడ్ స్టార్ హీరో యంగ్ రెబెల్ స్టార్ ప్రభాస్ నటించిన ఈ సినిమాను దాదాపు రూ. 300 కోట్ల బడ్జెట్, హై టెక్నికల్ వ్యాల్యూస్‌తో ‘రన్ రాజా రన్' ఫేం సుజిత్ తెరకెక్కించాడు. యూవీ క్రియేషన్స్ నిర్మించిన ఈ సినిమాలో ప్రభాస్ సరసన బాలీవుడ్ బ్యూటీ శ్రద్ధా కపూర్ నటించింది. పలు భాషల్లోని భారీ తారాగణం పాలుపంచుకుంది.