Adipurush 17 Days Collections: హాలీడే ఉన్నా ఇంత ఘోరమా.. ప్రభాస్‌కు పరాభవం.. అన్ని కోట్లంటే కష్టమే!

Updated: Monday, July 3, 2023, 10:46 [IST]

టాలీవుడ్‌లో సుదీర్ఘ కాలం పాటు హవాను చూపించి.. ఈ మధ్య కాలంలో పాన్ ఇండియా రేంజ్‌లోనే సినిమాలు చేస్తూ దూసుకుపోతోన్నాడు యంగ్ రెబెల్ స్టార్ ప్రభాస్. ఈ ఊపులోనే అతడు వరుస పెట్టి భారీ చిత్రాల్లోనే నటిస్తున్నాడు. ఈ క్రమంలోనే ఇటీవలే అతడు 'ఆదిపురుష్' అనే సినిమాతో ప్రేక్షకుల ముందుకు వచ్చాడు. అందుకు తగ్గట్లే దీన్ని గ్రాండ్‌గా రిలీజ్ చేశారు. కానీ, ఈ సినిమా అనుకున్న విధంగా పెర్ఫార్మ్ చేయడం లేదు. దీంతో వసూళ్లు అంతగా రావడం లేదు. ఈ నేపథ్యంలో ప్రభాస్ 'ఆదిపురుష్' మూవీ 17 రోజుల రిపోర్టును మీరే చూడండి మరి!

రాఘవుడిగా వచ్చిన ప్రభాస్:యంగ్ రెబెల్ స్టార్ ప్రభాస్ నటించిన చిత్రమే 'ఆదిపురుష్'. ఓం రౌత్ తీసిన ఈ మూవీని టీ సిరీస్ బ్యానర్‌పై భూషణ్ కుమార్, కృష్ణ కుమార్, ప్రసాద్ సుతార్, రాజేష్ నాయర్‌లు నిర్మించారు. ఇందులో ప్రభాస్ రాఘవుడిగా, సైఫ్ అలీ ఖాన్ రావణుడిగా, కృతి సనన్ సీతగా, సన్నీ సింగ్ లక్ష్మణుడిగా, దేవదుత్తా హనుమంతుడిగా చేశారు. అజయ్, అతుల్ మ్యూజిక్ అందించారు.

Prabhas Starrer Adipurush Movie 17 Days Worldwide Official Collections

ఆదిపురుష్ బిజినెస్ ఎంత?:హై టెక్నికల్ వ్యాల్యూస్‌తో వచ్చిన 'ఆదిపురుష్' మూవీ ఆరంభంలోనే అందరి దృష్టినీ ఆకర్షించింది. అందుకు అనుగుణంగానే ఈ సినిమా హక్కులకు అన్ని ప్రాంతాల్లో భారీ స్థాయిలోనే డిమాండ్ ఏర్పడింది. దీంతో తెలుగు రాష్ట్రాల్లో ఈ మూవీ దాదాపు రూ. 170 కోట్లు బిజినెస్ చేసుకుంది. అలాగే, మిగిలిన ప్రాంతాల రైట్స్ కలిపి రూ. 240 కోట్లు థియేట్రికల్ బిజినెస్‌ అయింది.

17వ రోజు తెలుగు వసూళ్లిలా:'ఆదిపురుష్' మూవీకి 17వ రోజు ఏపీ, తెలంగాణలో వసూళ్లు తగ్గాయి. ఫలితంగా నైజాంలో రూ. 8 లక్షలు, సీడెడ్‌లో రూ. 3 లక్షలు, ఉత్తరాంధ్రలో రూ. 3 లక్షలు, ఈస్ట్ గోదావరిలో రూ. 2 లక్షలు, వెస్ట్ గోదావరిలో రూ. 2 లక్షలు, గుంటూరులో రూ. 2 లక్షలు, కృష్ణాలో రూ. 2 లక్షలు, నెల్లూరులో రూ. 2 లక్షలతో.. రూ. 24 లక్షలు షేర్, రూ. 40 లక్షలు గ్రాస్ మాత్రమే వసూలు అయింది.

17 రోజుల్లో తెలుగు కలెక్షన్లు:'ఆదిపురుష్'కు తెలుగులో 17 రోజులకు వసూళ్లు తక్కువే వచ్చాయి. ఫలితంగా నైజాంలో రూ. 36.84 కోట్లు, సీడెడ్‌లో రూ. 10.01 కోట్లు, ఉత్తరాంధ్రలో రూ. 10.60 కోట్లు, ఈస్ట్ గోదావరిలో రూ. 6.22 కోట్లు, వెస్ట్ గోదావరిలో రూ. 4.51 కోట్లు, గుంటూరులో రూ. 6.79 కోట్లు, కృష్ణాలో రూ. 4.63 కోట్లు, నెల్లూరులో రూ. 2.38 కోట్లతో.. రూ. 81.98 కోట్లు షేర్, రూ. 132.55 కోట్లు గ్రాస్ వసూలు అయింది.

ప్రపంచ వ్యాప్తంగా ఎంత?:భారీ బడ్జెట్‌తో రూపొందిన 'ఆదిపురుష్' మూవీకి 17 రోజులకు కలిపి తెలుగులో రూ. 81.98 కోట్లు, తమిళంలో రూ. 2.47 కోట్లు, కర్నాటకలో రూ. 12.43 కోట్లు, కేరళలో రూ. 87 లక్షలు, హిందీ ప్లస్ రెస్టాఫ్ ఇండియాలో రూ. 70.15 కోట్లు, ఓవర్సీస్‌లో రూ. 24.79 కోట్లు షేర్ వసూలైంది. ఇలా ప్రపంచ వ్యాప్తంగా 17 రోజుల్లో రూ. 192.69 కోట్లు షేర్, రూ. 457.60 కోట్లు గ్రాస్ వచ్చింది.

టార్గెట్ ఇలా.. ఎంత రావాలి:'ఆదిపురుష్' మూవీ ప్రపంచ వ్యాప్తంగా అన్ని ఏరియాలను కలిపి రూ. 240 కోట్ల బిజినెస్ జరుపుకున్నట్లు ట్రేడ్ వర్గాలు వెల్లడించాయి. అంటే రూ. 242 కోట్లు షేర్ వస్తేనే ఈ సినిమా హిట్ స్టేటస్‌ను సొంతం చేసుకుంటుంది. కానీ, 17 రోజుల్లో దీనికి రూ. 192.69 కోట్లు షేర్ వచ్చింది. అంటే.. ఇంకా ఇది రూ. 49.31 కోట్లు వరకూ షేర్‌ను వసూలు చేయాల్సిన అవసరం ఉంది.

More from Filmibeat