హీరోగా లగడపాటి శ్రీధర్!

By Staff

Published: Thursday, March 5, 2009, 13:32 [IST]

లార్ స్కో పతాకంపై 'ఎవడిగోల వాడిది', 'స్టైల్' చిత్రాలను నిర్మించిన లగడపాటి శ్రీధర్ త్వరలో హీరోగా మారనున్నారని సమాచారం. అందునిమిత్తం తమిళంలో విజయవంతమైన 'రామన్ తేడియ సీతై' చిత్రం హక్కులను ఆయన సొంతం చేసుకున్నారని తెలుస్తోంది. ఈ చిత్రాన్ని తెలుగులో రీమేక్ చేయడంతో పాటు ఒక హీరోగా కూడా నటించటానికి ఆసక్తి చూపుతున్నారని ఫిల్మ్ నగర్ లో వినపడుతోంది. 'నా ఆటోగ్రాఫ్ ' ఫేమ్ చేరన్ దర్శకత్వంలో రూపొందిన 'రామన్ తేడియ సీతై' అక్కడ మంచి విజయాన్నే నమోదు చేసింది. చేరన్ ఇందులో ఓ పాత్ర కూడా పోషించారు. ఆ పాత్రనే శ్రీధర్ పోషించటానికి సన్నాహాలు చేస్తున్నారు.

ప్రస్తుతం శ్రీధర్ 'స్నేహగీతం' అనే చిత్రాన్ని నిర్మిస్తున్నారు.అందరూ కొత్త వాళ్ళతో చేస్తున్న ఈ చిత్రం ద్వారా 'మధుర' శ్రీధర్ ర్శకుడిగా కూడా పరిచయం అవుతున్నారు. పాటలకు ఫ్రాధాన్యత ఉండే ఈ చిత్రం ఆడియో పరంగా మంచి విజయం సాధించే అవకాశముందని టాక్. ఇక లగడపాటి హీరోగా మారితే ఆయన బాటలో చాలా మంది ప్రయాణించే అవాకాశం ఉంది. ఎవరికో డబ్బు ఎదురిచ్చి సరిగా మనమనుకున్నట్లు చేయటం లేదని కాంప్రమైజ్ అవుతూ..సినిమా హిట్టయితే అతని డేట్స్ కోసమే కాళ్ళరిగేలా తిరగాల్సిన అవసరం ఉండకూడదనే ఈ నిర్ణయం తీసుకున్నారని ఆయన శఅరేయాభిలాషులు అంటున్నారు. బెస్టాఫ్ లక్ శ్రీధర్ .

More from Filmibeat