Raayan 3 days Collections బాక్సాఫీస్‌పై రాయన్ కలెక్షన్ల ధమాకా.. ధనుష్ మూవీకి ఎన్ని కోట్లంటే?

Updated: Monday, July 29, 2024, 10:34 [IST]

విలక్షణ నటుడు, తమిళ స్టార్ హీరో ధనుష్ నటించిన తాజా చిత్రం రాయన్ బాక్సాఫీస్ వద్ద స్ట్రాంగ్‌గా దూసుకెళ్తున్నది. దక్షిణాదిలో అగ్ర సినీ నిర్మాణ సంస్థ సన్ పిక్చర్స్ బ్యానర్‌పై కళానిధి మారన్ నిర్మించిన ఈ చిత్రం భారీ వసూళ్లను రాబడుతున్నది. సందీప్ కిషన్, ఎస్‌జే సూర్య, అపర్ణ బాలమురళీకృష్ణ నటించిన ఈ సినిమా జూలై 26వ తేదీన ప్రేక్షకుల ముందుకు వచ్చింది. ఈ సినిమా గత 3 రోజుల్లో వసూలు చేసిన కలెక్షన్ల వివరాల్లోకి వెళితే..

రాయన్ చిత్రం తొలి రోజు ఇండియాలో 14 కోట్ల రూపాయలు రాబట్టింది. తమిళంలో 12 కోట్లు, తెలుగు 1.6 కోట్లు రాబట్టింది. ఇక రెండో రోజు ఈ చిత్రం మరో 14 కోట్ల రూపాయలు తన అకౌంట్‌లో వేసుకొన్నది. ఇక 3వ రోజు అత్యధికంగా 16 కోట్ల రూపాయలు వసూలు చేసింది. తమిళంలో 12 కోట్లు,తెలుగులో 1.5 కోట్లు రాబట్టింది.

Raayan Day 3 Expected Box Office Collections Worldwide Dhanush Movie crossed 50 Crores Club

ఇక మలయాళంలో రాయన్ సినిమాకు మంచి స్పందన లభిస్తున్నది. ఈ చిత్రం 3 రోజుల్లో 2.15 కోట్ల గ్రాస్, హిందీలో ఈ చిత్రం 1 కోటి రూపాయల గ్రాస్ వసూళ్లను రాబట్టింది. దాంతో ఈ చిత్రం ఇండియాలో గత 3 రోజుల్లో దాదాపు 47 కోట్లకుపైగా గ్రాస్ కలెక్షన్లను నమోదు చేసింది.

తెలుగులో ఈ సినిమా ప్రీ రిలీజ్ బిజినెస్ సుమారుగా 5 కోట్ల రూపాయల మేర జరిగింది. ఈ చిత్రం తెలుగు రాష్ట్రాల 3 రోజుల కలెక్షన్ల వివరాల్లోకి వెళితే.. ఈ చిత్రం గత 3 రోజుల్లో 1.8 కోట్లు, సీడెడ్‌లో 32 లక్షలు, ఉత్తరాంధ్రలో 37 లక్షలు, తూర్పు గోదావరి 20 లక్షలు, పశ్చిమ గోదావరి 8 లక్షలు, గుంటూరులో 23 లక్షలు రూపాయలు, నెల్లూరులో 12 లక్షలు వసూలు చేసింది. దాంతో ఈ సినిమా ఇప్పటి వరు 3.32 కోట్ల షేర్ వసూళ్లను రాబట్టింది.

ఓవర్సీస్‌లో రాయన్ సినిమా రికార్డు వసూళ్లను రాబడుతున్నది. ఈ చిత్రం నార్త్ అమెరికాలో 550K డాలర్లు, యూకేలో 150000 పౌండ్స్ వసూలు చేసింది. ఈ సినిమా గల్ఫ్‌లో 1 మిలియన్ డాలర్ల దిశగా ఈ సినిమా పరుగులు పెడుతున్నది. ఓవర్సీస్‌లో 15 కోట్ల రూపాయలు రాబట్టింది. దాంతో ఈ చిత్రం 52 కోట్ల రూపాయలు గ్రాస్ 43 కోట్లు నెట్ వసూలు చేసింది.

ఇక రాయన్ ప్రీ రిలీజ్ బిజినెస్ విషయానికి వస్తే.. తమిళనాడులో 28 కోట్ల రూపాయలు, తెలుగు రాష్ట్రా్లో 5 కోట్లు, కర్ణాటకలో 3 కోట్లు, ఇతర రాష్ట్రాలు, హిందీ రైట్స్ 1.5 కోట్లు, ఓవర్సీస్‌లో 7.5 కోట్ల మేర జరిగింది. దాంతో ఈ సినిమా 45 కోట్ల రూపాయల మేర జరిగింది. ఈ సినిమా లాభాల్లోకి రావాలంటే.. కనీసం 46 కోట్ల షేర్ వసూలు చేయాల్సి ఉంటుంది. త్వరలోనే ఈ చిత్రం లాభాల్లోకి చేరే అవకాశం ఉంది.

More from Filmibeat