Click it and Unblock the Notifications
జైలర్, భోళా శంకర్ అడ్వాన్స్ బుకింగ్ రచ్చ.. బాక్సాఫీస్ పోరులో చిరంజీవి, రజనీకాంత్ నువ్వా? నేనా?
పంద్రాగస్టు కానుకగా ప్రేక్షకుల ముందుకు వస్తున్న ఇండియన్ సూపర్స్టార్స్ రజనీకాంత్ నటించిన జైలర్, చిరంజీవి నటించిన సినిమా భోళా శంకర్ సినిమాలకు భారీ ఓపెనింగ్స్ వస్తున్నాయి. ఈ రెండు చిత్రాలు కూడా పోటాపోటీగా వసూళ్లను అడ్వాన్స్ బుకింగ్ రూపంలో సాధిస్తున్నాయి. రజనీకాంత్ నటించిన జైలర్ సినిమా 10వ తేదీన, భోళా శంకర్ చిత్రం ఆగస్టు 11వ తేదీన రిలీజ్ అవుతున్నాయి. ఈ సినిమాలు ప్రపంచవ్యాప్తంగా సాధిస్తున్న అడ్వాన్స్ బుకింగ్ కలెక్షన్ల వివరాల్లోకి వెళితే..
రజనీకాంత్ నటించిన జైలర్ చిత్రానికి హైదరాబాద్లో భారీ ఓపెనింగ్స్ నమోదు అవుతున్నాయి. తొలి రోజు ఈ సినిమా కోసం 325 షోలు ప్రదర్శిస్తున్నారు. ఇప్పటికే ఈ సినిమా 38 శాతం ఆక్యుపెన్సీ నమోదైంది. తొలి రోజు అడ్వాన్స్ బుకింగ్ ద్వారా 1 కోటి రూపాయలకు పైగా వసూళ్లను సాధించింది.
జైలర్ సినిమా ఓవర్సీస్లో మంచి స్పందనను రాబట్టుకొంటున్నది. మలేషియాలో 265 షోలు ప్రదర్శిస్తున్నారు. ఇప్పటికే 11 వేల టికెట్లు అమ్ముడుపోయాయి. దాంతో 46 లక్షల రూపాయాలు వసూలు అయ్యాయి. ఇక యూకేలో ఈ చిత్రం 60 లక్షల రూపాయలు వసూలు చేసింది.
ఇక భోళా శంకర్ సినిమాకు హైదరాబాద్లో మంచి రెస్సాన్ లభిస్తున్నది. ఈ చిత్రానికి సంబంధించి 45 శాతం ఆక్యుపెన్సీ నమోదు అయింది. ఇప్పటికే 223 షోల ద్వారా 1 కోటి రూపాయలకుపైగా వసూళ్లను సాధించింది. ఇంకా రెండు రోజులు ఉంది కాబట్టి అడ్వాన్స్ బుకింగ్ కలెక్షన్లు నమోదు అయ్యే అవకాశం ఉంది.
ఓవర్సీస్లో భోళా శంకర్కు అనూహ్యమైన స్పందన లభిస్తున్నది. ఈ చిత్రాన్ని 191 లోకేషన్లలో రిలీజ్ చేస్తున్నారు. దాదాపు 550 షోలు ప్రదర్శిస్తున్నారు. మొత్తంగా 110K డాలర్లను వసూలు చేసింది. యూకేలో ఈ చిత్రానికి సంబంధించిన 60 షోల ద్వారా 4 వేల టికెట్లు అమ్ముడుపోయాయి.
ప్రపంచవ్యాప్తంగా జైలర్, భోళా శంకర్ చిత్రాలు పోటాపోటీగా వసూళ్లను సాధిస్తున్నాయి. అడ్వాన్స్ బుకింగ్ ఫుల్ జోష్తో కనిపించడంతో బాక్సాఫీస్ వద్ద నువ్వా నేనా? అన్నట్టు కనిపిస్తున్నాయి. ఇంకా రెండు, మూడు రోజులు సమయం ఉంది కాబట్టి.. ఈ సినిమా అడ్వాన్స్ బుకింగ్ ఊపందుకొనే అవకాశం ఉందని ట్రేడ్ వర్గాలు తెలియజేస్తున్నాయి.
Continue with Google