Don't Miss!
- Finance IT News: బెంగళూరులో టెక్కీలు సంచలన నిర్ణయం.. అయోమయంలో హౌస్ ఓనర్స్..
- News Sujana Chowdary: ఎన్నికల వేళ సుజనా చౌదరికి షాక్..! రూ.500 కోట్ల రుణంపై...
- Technology Vivo V30e ఇండియా లాంచ్ తేదీ వివరాలు! లీక్ అయిన ధర, స్పెసిఫికేషన్లు
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
చైనాలో బాహుబలి రికార్డును బద్దలు కొట్టిన 2.0
రజనీకాంత్, అక్షయ్ కుమార్ ప్రధాన పాత్రల్లో నటించిన 2.0 మూవీ సెప్టెంబర్ 6న చైనాలో విడుదలైంది. ఇక్కడ ఈ చిత్రం భారీ సంఖ్యలో స్క్రీన్లలో విడుదల చేసినప్పటికీ ఓపెనింగ్స్ యావరేజ్గానే ఉన్నాయి. అయితే ఈ చిత్రం రాజమౌళి దర్శకత్వంలో వచ్చిన 'బాహుబలి-ది బిగినింగ్' రికార్డులను బద్దలు కొట్టింది.
2.0 చిత్రాన్ని చైనా వ్యాప్తంగా 48,000 స్క్రీన్లలో విడుదల చేశారు. స్టార్ అలియన్స్ అనే సంస్థ 2.0 మూవీని చైనాలో డిస్ట్రిబ్యూట్ చేస్తోంది. తొలిరోజు చైనాలో $1.37 మిలియన్ వసూలు చేసింది. అయితే శని, ఆదివారాల్లో వసూళ్లు పెరుగుతాయని ఆశించారు కానీ అలాంటి మ్యాజిక్ ఏమీ జరుగలేదు.
రెండో రోజైన శుక్రవారం కేవలం $0.72 మిలియన్ మాత్రమే వసూలు చేసింది. ఆదివారం బిజినెస్ మరింత దిగజారింది. కేవలం $0.39 మిలియన్ మాత్రమే రాబట్టింది. దీంతో ఫస్ట్ వీకెండ్ టోటల్ $2.47 మిలియన్ రీచ్ అయింది. మన కరెన్సీ లెక్కల్లో చెప్పాలంటే ఈ మొత్తం రూ. 17 కోట్లు.
అయితే ఈ కలెక్షన్లు పరంగా చూసుకుంటే 2.0 మూవీ చైనాలో విడుదలైన బాహుబలి-ది బిగినింగ్ ఫస్ట్ వీకెండ్ వసూళ్లను అధిగమించింది. బాహుబలి-ది బిగినింగ్ ఫస్ట్ వీకెండ్ చైనాలో కేవలం $720,000 డాలర్లు మాత్రమే రాబట్టింది.
సూపర్ స్టార్ రజనీకాంత్ హీరోగా శంకర్ దర్శకత్వంలో రూపొందిన 2.0 మూవీ గతేడాది ఇండియాలో రిలీజైంది. భారతీయ సినిమా చరిత్రలోనే అత్యంత ఎక్కువ బడ్జెట్ దాదాపు రూ. 570 కోట్లతో రూపొందిన ఈ చిత్రం ఇక్కడ అంచనాలను అందుకోవడంలో విఫలం అయింది.