కాలా కలెక్షన్లు షాకింగ్.. అదే వసూళ్లను దెబ్బ తీసిందా?

యూఎస్‌, ఆస్ట్రేలియాలో వసూళ్లు

కాలా రిలీజ్ డేట్ కంటే ఒకరోజు ముందుగానే (జూన్ 6న) అమెరికాలో ప్రీమియర్లు ప్రదర్శించారు. యూఎస్‌లో ఈ చిత్రం మంచి ఓపెనింగ్స్ సాధించింది. గత రెండు రోజుల్లో మిలియన్ డాలర్ల కలెక్షన్ల (6.7 కోట్లు)ను సాధించడం గమనార్హం. గతంలో రజనీ నటించిన రోబో, కబాలీ చిత్రాలు కూడా ఈ ఘనతను సాధించాయి. ఆస్ట్రేలియాలో గురు, శుక్రవారాల్లో సుమారు 1.06 కోట్లు వసూలు చేయడం గమనార్హం.

కర్ణాటకలో మంచి రెస్పాన్స్

కర్ణాటకలో కాలా చిత్ర రిలీజ్‌కు కావేరి జలాల వివాదం అడ్డుపడింది. నిషేధాలు, నిరసనల మధ్య విడుదలైన కాలా చిత్రం సుమారు రూ.10 కోట్లు వసూలు చేసింది. నిషేధం ఎత్తివేత తర్వాత కాలా చిత్రం కన్నడలో విజయవంతంగా ప్రదర్శింపబడుతున్నది. రెండో రోజున విడుదలైన ఈ చిత్రం 1.44 కోట్లు వసూలు చేసినట్టు సమాచారం.

తమిళనాడులో భారీ ఒపెనింగ్స్

తమిళనాడులో కాలా చిత్రానికి మంచి ఒపెన్సింగ్ లభించాయి. సుమారు 600 థియేటర్లలో విడుదలైన ఈ చిత్రం స్థూలంగా రూ.15 కోట్లు నికరంగా 11 కోట్లు (జీఎస్టీ, స్థానిక పన్నుల తర్వాత) వసూలు చేసింది. చెన్నైలోని ఈ చిత్రం తొలిరోజున 1.78 కోట్లు వసూలు చేసి రికార్డు నెలకొల్పింది.

తెలుగు రాష్ట్రాల్లో వసూళ్లు

కాలా చిత్రం మొదటి రోజున తెలంగాణ, ఆంధ్రా ప్రాంతాల్లో మంచి వసూళ్లను సాధించింది. రెండు రాష్ట్రాల్లో కలిపి 3.14 కోట్ల షేర్ సాధించింది. నైజాంలో రూ.1.16 కోట్లు, సీడెడ్‌లో రూ.45 లక్షలు, ఉత్తరాంధ్రలో 30.6 లక్షలు, గుంటూరులో రూ.40 లక్షలు, తూర్పు గోదావరిలో 24.25 లక్షలు, కృష్ణాలో 26 లక్షలు, పశ్చిమ గోదావరి జిల్లాలో 20 లక్షలు, నెల్లూరులో 12.35 లక్షల వసూలు చేసింది.

పబ్లిసిటీ లేకపోవడమే దెబ్బ

కబాలి తర్వాత పా రంజిత్, రజనీకాంత్ కాంబినేషన్ వచ్చిన కాలా చిత్రం విడుదలకు ముందే రూ.200 కోట్ల ప్రీ రిలీజ్ బిజినెస్ చేసింది. అయితే కబాలితో పోల్చుకుంటే కాలాకు తక్కువ పబ్లిసిటీ చేసి విడుదల చేయడం వల్ల రికార్డుస్థాయి ఓపెనింగ్స్ సాధించలేదనే అభిప్రాయం ట్రేడ్ వర్గాల్లో వ్యక్తమవుతున్నది.