'రెడ్' అడ్వాన్స్ బుకింగ్స్.. మరీ ఇంత స్లోగానా.. రామ్ బాక్సాఫీస్ టార్గెట్ ఎంతంటే?

ఒక్కసారిగా పెరిగిన మార్కెట్..

రామ్ చివరగా పూరి జగన్నాథ్ దర్శకత్వంలో చేసిన ఇస్మార్ట్ శంకర్ సినిమాతో ఏ స్థాయిలో హిట్ అందుకున్నాడో స్పెషల్ గా చెప్పనవసరం లేదు. అంతకుముందు కేవలం లవ్ స్టోరీలతో ఫ్యామిలీ కాన్సెప్ట్ లతో హిట్ కొట్టిన రామ్ ఇస్మారర్ట్ శంకర్ సినిమాతో మాత్రం మాస్ ఆడియెన్స్ ను ఎక్కువగా ఎట్రాక్ట్ చేశాడు. ఆ సినిమాతో రామ్ మార్కెట్ ఒక్కసారిగా పెరిగిపోయింది.

భారీ స్థాయిలో రిలీజ్ అవుతున్న రెడ్

ఇక తమిళ్ మూవీ తడమ్ సినిమాకు రీమేక్ గా వచ్చిన రెడ్ సినిమాతో అదే స్థాయిలో హిట్ అందుకోవాలని చూస్తున్నాడు రామ్. లాక్ డౌన్ కారణంగా వాయిదా పడుతూ వచ్చిన ఈ సినిమా జనవరి 14న ఫైనల్ గా రెండు తెలుగు రాష్ట్రాల్లో భారీగా రిలీజ్ అవుతోంది. కిషోర్ తిరుమల డైరెక్ట్ చేసిన ఈ సినిమాలో రామ్ ద్విపాత్రాభినయం చేశాడు.

అడ్వాన్స్ బుకింగ్స్.. డల్ గానే..

ఇక సినిమా హిట్టవ్వడం కాయమని చిత్ర యూనిట్ కాన్ఫిడెంట్ గానే ఉంది. అయితే మిగతా సినిమాలతో పోలిస్తే సినిమా అడ్వాన్స్ బుకింగ్స్ మాత్రం చాలా డల్ గా ఉన్నాయి. ఒకవైపు తమిళ్ మాస్టర్ సినిమా హై రేంజ్ లో ఓపెనింగ్స్ తోనే వైరల్ అవుతుంటే రామ్ సినిమాకు మాత్రం అనుకున్నంత రేంజ్ లో హైప్ దక్కించికోవడం లేదు.

బాక్సాఫీస్ టార్గెట్ ఎంతంటే..

కేవలం 50% కెపాసిటీతో సగం టికెట్స్ ఉంటాయి కాబట్టి జనాలు ఎగబడి బుక్ చేసుకుంటారని అనుకున్నన్నారు. క్రాక్ సినిమా అయితే మొదట హౌజ్ ఫుల్ బోర్డులతో దర్శనమిచ్చింది. ఇక రెడ్ సినిమా బాక్సాఫీస్ వద్ద మినిమమ్ 20కోట్లయినా రాబట్టాల్సిందే. వరల్డ్ వైడ్ థియేట్రికల్ రైట్స్ 17.5కోట్లని తెలుస్తోంది. ఇక తెలుగు రాష్ట్రాల్లో 15.5కోట్లు. మరి సినిమా రేపటి నుంచి ఏ స్థాయిలో కలెక్షన్స్ అందుకుంటుందో చూడాలి.