Ranga Ranga Vaibhavanga day 1 collections ఊహించని విధంగా వైష్ణవ్ తేజ్ కలెక్షన్లు.. కొండపొలం కలెక్షన్ల కంటే..!

కొండపొలం మూవీ కంటే తక్కువగా

వైష్ణవ్ తేజ్ ఉప్పెన సినిమా బ్లాక్ బస్టర్ విజయం సాధించడంతో మెగా హీరోకు భారీ క్రేజ్ లభించింది. ఆ తర్వాత కొండపొలం చిత్రం సినీ విమర్శకలు ప్రశంసలు అందుకొన్నప్పటికీ.. బాక్సాఫీస్ వద్ద కాసులు వర్షాన్ని కురిపించకపోలేకపోయింది. ఇలాంటి పరిస్థితుల్లో రంగరంగ వైభవంగా చిత్రం ప్రేక్షకుల ముందుకు వచ్చింది. అయితే ఈ సినిమా కొండపొలం కంటే దారుణమైన వసూళ్లను నమోదు చేయడం ట్రేడ్ వర్గాలను ఆందోళనకు గురిచేస్తున్నది.

యావరేజ్ ఆక్యుపెన్సీతో

రంగ రంగ వైభవంగా చిత్రం తెలుగు రాష్ట్రాల్లోనే కాకుండా తెలుగేతర రాష్ట్రాల్లో అతి తక్కువ అక్యుపెన్సీని నమోదు చేసింది. ఈ చిత్రం బెంగళూరు, చెన్నై, ఢిల్లీ, ముంబై సగటున 15 శాతం కంటే తక్కువ అక్యుపెన్సీ నమోదు చేసింది. ఇక తెలుగు రాష్ట్రాల్లో కాకినాడలో 90 శాతం అక్యుపెన్సీతో ఈ సినిమా భారీ ఒపెన్సింగ్స్ లభించాయి. వైజాగ్‌లో 28 శాతం, గుంటూరులో 40 శాతం, వరంగల్‌లో 30 శాతం అక్యుపెన్సీని నమోదు చేసింది.

అమెరికాలో వసూళ్లు ఇలా

రంగ రంగ వైభవంగా అమెరికాలో పెద్దగా ప్రేక్షకులను ఆకట్టుకోలేకపోయింది. ఈ సినిమాను పరిమితమైన లొకేషన్లలో ప్రదర్శించారు. సుమారు 140 లోకేషన్లలో ఈ సినిమా ప్రీమియర్లు, ఫస్ట్ డే రోజున ప్రదర్శించారు. ఈ చిత్రం 14662 డాలర్లు అంటే 12 లక్షల కలెక్షన్లను వసూలు చేసింది.

నైజాం, ఆంధ్రాలో

రంగ రంగ వైభవంగా చిత్రం హైదరాబాద్‌తోపాటు నైజాంలో కూడా ఆకట్టుకోలేకపోయింది. ఈ సినిమా తొలి రోజున సగటున 24 శాతం అక్యుపెన్సీని నమోదు చేసింది. హైదరాబాద్‌లో ఈ మూవీ మత్తం 9.13 లక్షల గ్రాస్ వసూళ్లను నమోదు చేసింది. నైజాంలో 50 లక్షల గ్రాస్, ఆంధ్రాలో 75 లక్షల గ్రాస్ వసూళ్లను నమోదు చేసింది.

ప్రపంచవ్యాప్తంగా కలెక్షన్లు

ఇక రంగ రంగ వైభవంగా చిత్రం ప్రపంచవ్యాప్తంగా కలెక్షన్ల వివరాల్లోకి వెళితే.. ఈ చిత్రం ఇండియా వైడ్‌గా 1.25 కోట్ల షేర్ సాధించింది. యూఎస్‌లో 12 లక్షలు రాబట్టింది. దాంతో ఈ చిత్రం తొలి రోజున 1.5 కోట్ల షేర్ సాధించింది. ఇది కొండపొలం సినిమా కలెక్షన్లతో పోల్చుకొంటే చాలా తక్కువ అని ట్రేడ్ వర్గాలు వెల్లడిస్తున్నాయి.