Don't Miss!
- News కావ్య మారన్ ఆస్తులు ఎంతో తెలుసా - ఒక్కరే వారసురాలు..!!
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
బాక్సాఫీస్ను హడలెత్తిస్తున్న చేస్తున్న సింబా.. 200 కోట్లపై కన్నేసిన రణ్వీర్!
Recommended Video
యంగ్ టైగర్ ఎన్టీఆర్ నటించిన టెంపర్ చిత్రం బాలీవుడ్లో సింబా పేరుతో రీమేక్ అయి డిసెంబర్ 28న ప్రేక్షకుల ముందుకు వచ్చింది. యాంగ్రీ యంగ్ మ్యాన్ రణ్వీర్ సింగ్, సైఫ్ ముద్దుల కూతురు సారా అలీఖాన్ జంటగా నటించారు. ఈ చిత్రం తొలి ఆట నుంచే భారీ వసూళ్లను రాబడుతున్నది. ఈ చిత్రం కేవలం ఐదు రోజుల్లోనే రూ.100 కోట్ల క్లబ్లో చేరడం ట్రేడ్ వర్గాలను ఆశ్చర్యానికి గురిచేసింది. వివరాల్లోకి వెళితే..
సింబా తొలిరోజు నుంచే
రణ్వీర్ సింగ్ నటించిన సింబా చిత్రం తొలి రోజునే దేశీయ బాక్సాఫీస్ వద్ద రూ.20.72 కోట్లు వసూలు చేసింది. ఆ తర్వాత ఇక రోజు రోజుకూ వసూళ్లను పెంచుకుంటూ బాక్సాఫీస్ను హడలెత్తించింది. శనివారం రూ.23.33 కోట్లు, ఆదివారం రూ.31.06 కోట్లు సాధించింది. వారాంతం తర్వాత వసూళ్లు తగ్గుముఖం పడుతాయనుకొన్న ట్రేడ్ వర్గాలకు షాక్ గురిచేసింది.
5 రోజుల్లో రూ.100 కోట్లు
వారాంతం తర్వాత సోమవారం రూ.21.24 కోట్లతో ఓవరాల్గా రూ.96 కోట్ల వద్ద నిలిచింది. ఐదోరోజు మంగళవారం న్యూయర్ హాలీడే కావడంతో సుమారు రూ.30 కోట్లకుపైగానే వసూలు చేసింది. దాంతో రూ.100 కోట్ల క్లబ్లో సింబా సునాయసంగా చేరిపోయింది. అంతేకాకుండా రూ.125 కోట్లతో బాక్సాఫీస్ను షేక్ చేసింది.
దేశవ్యాప్తంగా 4 వేలకుపైగా స్క్రీన్లలో
సింబా చిత్రం దేశవ్యాప్తంగా 4020 స్క్రీన్లలో రిలీజైంది. అవినీతిపరుడైన పోలీస్ ఆఫీసర్గా నటించిన రణ్వీర్కు ప్రేక్షకులు, సినీ విమర్శకుల నుంచి బ్రహ్మండమైన రెస్పాన్స్ వచ్చింది. దాంతో రూ.100 కోట్ల లక్ష్యం తేలికైపోయింది.
రూ.200 కన్నేసిన రణ్వీర్ సింగ్
బుధవారం, గురు, శుక్రవారాల్లో కూడా భారీ కలెక్షన్లు సాధించే అవకాశం ఉందనే మాట ట్రేడ్ వర్గాల్లో వినిపిస్తున్నది. ఈ చిత్రం శుక్రవారం నాటికి రూ.200 కోట్ల క్లబ్లో చేరడానికి పుష్కలంగా అవకాశం కనిపిస్తున్నది. ఇదే జరిగితే ఈ చిత్రం కలెక్షన్లపరంగా మరింత దూసుకెళ్లే ఛాన్స్ లేకపోలేదు.