Ramarao On Duty Total Collections: 18 కోట్ల టార్గెట్.. రవితేజ కెరీర్‌లో చెత్తగా.. అన్ని కోట్ల నష్టం

రామారావుగా ఎంట్రీ ఇచ్చిన స్టార్

టాలీవుడ్ స్టార్ రవితేజ హీరోగా శరత్ మందవ రూపొందించిన సినిమానే 'రామారావు ఆన్ డ్యూటీ'. ఈ మూవీలో ఇందులో దివ్యాన్షా కౌశిక్, రజిషా విజయన్ హీరోయిన్లుగా నటించారు. ఈ సినిమాను సుధాకర్ చెరుకూరి ఎంతో ప్రతిష్టాత్మకంగా నిర్మించారు. ఇందులో సీనియర్ హీరో వేణు తొట్టెంపూడి కీలకమైన పాత్రను చేశాడు. ఈ చిత్రానికి సామ్ సీఎస్ సంగీతం అందించాడు.

రవితేజ సినిమా బిజినెస్ డీటేల్స్

రవితేజ మార్కెట్ అనుగుణంగానే 'రామారావు ఆన్ డ్యూటీ' మూవీకి నైజాంలో రూ. 5 కోట్లు, సీడెడ్‌లో రూ. 3 కోట్లు, ఆంధ్రాలో కలిపి రూ. 7 కోట్ల మేర బిజినెస్ జరిగింది. ఇలా తెలుగు రాష్ట్రాల్లో రూ. 15 కోట్ల బిజినెస్ చేసుకుంది. అలాగే, రెస్టాఫ్ ఇండియాలో రూ. 1 కోట్లు, ఓవర్సీస్‌లో రూ. 1.20 కోట్లతో కలిపి ప్రపంచ వ్యాప్తంగా ఈ సినిమా రూ. 17.20 కోట్ల బిజినెస్‌ను జరుపుకుంది.

అలాంటి రెస్పాన్స్.. కలెక్షన్లు ఇలా

మాస్ మహారాజా - శరత్ మందవ కాంబినేషన్‌లో వచ్చిన చిత్రమే 'రామారావు ఆన్ డ్యూటీ'. ఈ సినిమా భారీ అంచనాలతో విడుదలైంది. కానీ, దీనికి ఆరంభంలోనే మిక్స్‌డ్ టాక్ వచ్చింది. ఫలితంగా ఆంధ్రప్రదేశ్, తెలంగాణలో ఈ సినిమాకు కలెక్షన్లు అంతగా రాలేదు. అలాగే, ప్రపంచ వ్యాప్తంగానూ ఈ సినిమా పెద్దగా ప్రభావాన్ని చూపలేకపోయిందన్న విషయం తెలిసిందే.

రెండు రాష్ట్రాల్లో కలెక్షన్ల వివరాలు

'రామారావు ఆన్ డ్యూటీ'కి తెలుగు రాష్ట్రాల్లో నిరాశే ఎదురైంది. ఫలితంగా నైజాంలో రూ. 1.43 కోట్లు, సీడెడ్‌లో రూ. 73 లక్షలు, ఉత్తరాంధ్రలో రూ. 65 లక్షలు, ఈస్ట్ గోదావరిలో రూ. 42 లక్షలు, వెస్ట్ గోదావరిలో రూ. 21 లక్షలు, గుంటూరులో రూ. 37 లక్షలు, కృష్ణాలో రూ. 34 లక్షలు, నెల్లూరులో రూ. 16 లక్షలతో కలుపుకుని రూ. 4.31 కోట్లు షేర్, రూ. 7.40 కోట్లు గ్రాస్ మాత్రమే వసూలైంది.

ప్రపంచ వ్యాప్తంగా వసూళ్లు ఇలా

ఆంధ్రా, తెలంగాణలో ఫుల్ రన్‌లో కేవలం రూ. 4.31 కోట్లు రాబట్టిన 'రామారావు ఆన్ డ్యూటీ' ప్రపంచ వ్యాప్తంగా నిరాశనే ఎదుర్కొంది. దీంతో కర్నాటక ప్లస్ రెస్టాఫ్ ఇండియాలో రూ. 37 లక్షలు, ఓవర్సీస్‌లో రూ. 52 లక్షలు మాత్రమే వసూలు చేసింది. వీటితో కలిపి మొత్తంగా ఈ చిత్రానికి ప్రపంచ వ్యాప్తంగా రూ. 5.20 కోట్లు షేర్‌తో పాటు రూ. 9.25 కోట్లు గ్రాస్ మాత్రమే వచ్చింది.

బ్రేక్ ఈవెన్ టార్గెట్.. నష్టం ఎంత?

మాస్ మహారాజా రవితేజ నటించిన 'రామారావు ఆన్ డ్యూటీ' మూవీకి అంచనాలకు అనుగుణంగానే ప్రపంచ వ్యాప్తంగా రూ. 17.20 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. దీంతో బ్రేక్ ఈవెన్ టార్గెట్ రూ. 18 కోట్లుగా నమోదైంది. ఇక, ఫుల్ రన్‌లో ఈ సినిమాకు రూ. 5.20 కోట్లు వచ్చాయి. అంటే ఈ చిత్రానికి మరో 12.50 కోట్లు నష్టాలు మిగిలాయి.

ఆ ఓటీటీలో స్ట్రీమింగ్‌కు రెడీగా

రవితేజ నటించిన 'రామారావు ఆన్ డ్యూటీ' సినిమా డిజిటల్ స్ట్రీమింగ్ హక్కులను సొంతం చేసుకున్న సోనీ లివ్ సంస్థ ఇటీవలే ఓ ప్రకటన చేసింది. దీన్ని సెప్టెంబర్ 15వ తేదీ నుంచి స్ట్రీమింగ్ చేయబోతున్నట్లు అందులో వెల్లడించింది. ఈ మేరకు కొత్తగా రెడీ చేసిన ఓ ట్రైలర్‌ను కూడా సదరు సంస్థ విడుదల చేసింది. దీనికి ఫ్యాన్స్ నుంచి మంచి రెస్పాన్స్ దక్కుతోంది.