కిక్,మిత్రుడు పొజీషన్(ట్రేడ్ టాక్)

By Staff

Published: Sunday, May 10, 2009, 14:49 [IST]

క్రితం వారం మిత్రుడు,బంగారుబాబు,దుర్గి,వీడొక్కడే చిత్రాలు రిలీజయ్యాయి. అలాగే ఈ వారం ఎంతో క్రేజ్ తో వచ్చిన కిక్ సినిమా రిలీజైంది. అయితే మిత్రుడు,బంగారు బాబు చిత్రాల కథలు మరీ పాత వాసనలుతో నిండటంతో బాలయ్యకూ,జగపతిబాబుకీ నిరాశనే మిగిల్చిందని ట్రేడ్ టాక్. అప్పటికీ మిత్రుడుకు ఓ పాటను సైతం కలుపుతున్నారు. ఇక బంగారుబాబు అయితే మొదటి షో కే ఓపినింగ్స్ లేవు. దాసరి అందించిన కథ ఎప్పటిదో నాగేశ్వరరావు అంతస్ధులు కాలం నాటిది కావటం,అందులోనూ అదే కథతో ఈ మధ్యే రాజశేఖర్ ఓ మళయాళ రీమేక్ రాజాబాబు పేరుతో తెరికెక్కించి బోల్తా పడ్డారు.

ఇవన్నీ ఇలా ఉంటే బాల్య వివాహాలపై దుర్గి వచ్చింది. కానీ ఇప్పుడా ఆచారాలు ఎక్కడ అమలు అవుతున్నాయనే సందేహం ప్రేక్షుకులను పీకటం తో ఓపినింగ్స్ మరీ నీరసంగా ఉన్నాయి. సూర్య,తమన్నా కాంబినేషన్లో తమిళ డబ్బింగ్ చిత్రం వీడొక్కడే చిత్రం రిలీజ్ అయ్యింది. మాఫియా బ్యాక్ డ్రాప్ లో వచ్చిన ఈ చిత్రం పెద్దగా ఆకట్టుకోలేకపోయింది. ఇక శుక్రవారం రిలీజయిన కిక్ చిత్రం రవితేజ,సురేంద్రరెడ్డి క్రేజ్ తో మంచి ఓపినింగ్స్ సంపాదించుకుంది. అయితే సెకెండాఫ్ సినిమా బాగోపోవటం సినిమాకు కొంత దెబ్బగా మారే అవకాశం ఉందంటున్నారు. అయితే వేసవి సెలవలు, ఏ చిత్రాలు పోటీకి లేకపోవటం ఉన్నంతలో కొంత రక్షించే అంశం.

More from Filmibeat