3 రోజుల్లో రూ. 450 కోట్లు: బాహుబలి-2 కలెక్షన్ల రహస్యం ఇదేనా?

తెలుగు రాష్ట్రాల్లో 90 శాతం థియేటర్లు

తెలుగు రాష్ట్రాల్లో 90శాతం థియేటర్లలో బాహుబలి-2 సినిమా రిలీజైంది. ఇలాంటి అవకాశం లభించడం చాలా అరుదు. ఇంత డిమాండ్ ఉన్న సినిమా గతంలో ఎప్పుడూ రాలేదు. డిమాండ్ కు తగిన విధంగానే థియేటర్లు కావాల్సినన్ని దొరికాయి.

అదనపు షోలు

తెలుగు సినీ పరిశ్రమ గర్వపడేలా భారీ బడ్జెట్ తో ఈ సినిమాను తీసారు. అందుకే అటు ఏపీ ప్రభుత్వంతో పాటు ఇటు తెలంగాణ ప్రభుత్వం అదనపు షోలకు అనుమతి ఇచ్చింది. ఏపీలో ప్రతి రోజూ 6 షోలు ప్రదర్శింపబడుతుండగా....తెలంగాణలో రోజూ 5 షోలు ప్రదర్శిస్తున్నారు.

అధిక ధరలు

తెలుగు రాష్ట్రాల్లో టిక్కెట్ రేట్లు పెంచుకునేందుకు కూడా అనుమతి లభించింది. దీంతో సాధారణం కంటే అధిక ధరలకు టికెట్స్ అమ్ముతున్నారు. దీని కారణంగా 30 శాతం వరకు అధిక రాబడి వస్తోంది.

మల్టీప్లెక్సుల్లో...

తెలుగు రాష్ట్రాల్లో ఉన్న అన్ని మల్టీప్లెక్సుల్లో వారం పాటు కేవలం బాహుబలి-2 సినిమా తప్ప మరే సినిమా ప్రదర్శితం కావడం లేదు. 4 నుండి 5 స్క్రీన్లు ఉన్న మల్టీ ప్లెక్స్ థియేటర్లలో రోజు 20 నుండి 25 షోలు రన్ చేస్తున్నారు.

అంతా బడా బాబులే...

ఇక సినిమాను తెలుగు, హిందీ, తమిళనం, కన్నడ, మళయాల రైట్స్ దక్కించుకున్న డిస్ట్రిబ్యూటర్లు కూడా ఆయా ఇండస్ట్రీల్లో అగ్రస్థానంలో ఉన్నవారే కావడం విశేషం. హిందీలో కరణ్ జోహార్ లాంటి పెద్ద నిర్మాత సినిమాను రిలీజ్ చేయడం కూడా బాగా కలిసొచ్చింది.

ధర ఎక్కువైనా ఎగబడుతున్న ప్రేక్షకులు

టికెట్ ధర ఎక్కువైన ప్రేక్షకులు ఏ మాత్రం వెనక్కి తగ్గడం లేదు. సినిమాలో కావాల్సినం విషయం ఉంది కాబట్టే సినిమాకు ఇంత క్రేజ్ ఉందని తెలుస్తోంది. సినిమా స్టోరీ, విజువల్ ఎఫెక్ట్స్, క్యారెక్టర్స్, స్క్రీన్ ప్లే పరంగా సినిమా ఎంతో అద్భుతంగా ఉండటమే ఇందుకు కారణం.

మీడియా సహకారం

ఇలాంటి పెద్ద సినిమాకు మీడియా సహకారం కూడా కావాల్సినంత లభించింది. సినిమాపై హైప్ పెరగడానికి మీడియా కూడా తన వంతు సహకారం అందించింది.