'కెమెరామేన్ గంగతో..'కి కళ్లు తిరిగే ఓవర్ సీస్ రైట్స్

పవన్‌ కళ్యాణ్ హీరోగా పూరి జగన్నాథ్ దర్శకత్వంలో యూనివర్సల్ మీడియా పతాకంపై డి.వి.వి. దానయ్య నిర్మించే చిత్రం 'కెమెరామేన్ గంగతో రాంబాబు'. ఈ చిత్రం ప్రారంభైమన నాటినుండీ విపరీతమైన క్రేజ్ ని ట్రేడ్ వర్గాల్లో తెచ్చుకుంది. దాంతో ఈ చిత్రం ఓవర్ సీస్ రైట్స్ కూడా ఓ రేంజిలో పలుకుతూ పవన్ స్టామినా ఏమిటో తెలియచేస్తున్నాయి. ఐదు కోట్ల రూపాయలు వరకూ ఈ చిత్రం ఓవర్ సీస్ రైట్స్ అడుగుతున్నట్లు సమాచారం.

దానికి తోడు గబ్బర్ సింగ్ కూడా విపరతంగా ఓవర్ సీస్ లో బిజినెస్ చేసింది. అంతేగాక బిజినెస్ మ్యాన్ చిత్రానికి గతంలో నాలుగున్నర కోట్లు పలికింది. ఇప్పుడు అదే పూరీ,పవన్ కాంబినేషన్ అనేసరికి మరింత విపరతంగా ఈ రైట్స్ ని అడుగుతున్నట్లు చెప్తున్నారు. ఇక ఈ చిత్రం రెగ్యులర్ షూటింగ్ సారధి స్టూడియోస్ లో పూర్తి అయ్యింది. అక్కడో ఫైట్,పాటతో పూర్తి చేసారు. సారధీ లో మెకానిక్ షెడ్ సెట్ వేసి షూటింగ్ పూర్తి చేసారు.

అలాగే ఈ చిత్రంలో పవన్ కళ్యాణ్ ఎలక్ట్రానిక్ మీడియా జర్నిలిస్టు గా కనిపించనున్నారంటూ వార్తలు వచ్చాయి. అయితే అది నిజం కాదని తెలిసింది. పవన్ ఈ చిత్రంలో మెకానిక్ గా కనిపించి అలరించనున్నారు. ప్రస్తుతం ఈ చిత్రానికి సంబంధించిన ఐటం సాంగ్ ని హైదరాబాద్‌లో తెరకెక్కిస్తున్నారు. శ్రీకాకుళం యాసలో హుషారుగా సాగే ఈ గీతాన్ని భాస్కరభట్ల రవికుమార్‌ రాశారు. లండన్‌కి చెందిన స్కార్లెట్‌ హిందీలో 'షాంఘై' అనే చిత్రంలో ఐటెమ్‌ గీతం చేసింది. ఇటీవలే రామ్‌చరణ్‌ చిత్రం 'ఎవడు'లోనూ నర్తించింది. ఈ చిత్రానికి మణిశర్మ స్వరాలు సమకూర్చారు.

నేటి రాజకీయాలపై ఓ వ్యంగాస్త్రంగా ఈ చిత్రాన్ని పూరీ రూపొందిస్తున్నట్లు సమాచారం. తమన్నా ఇందులో హీరోయిన్ గా నటిస్తోంది. పవన్‌కళ్యాణ్,తమన్నా కలిసి నటిస్తున్న తొలి సినిమా కూడా ఇదే. అక్టోబర్ 18న గ్రాండ్‌గా ఈ చిత్రాన్ని విడుదల చేయనున్నట్లు ముందే పూరీ ప్రకటించారు.

ఇక ఈ చిత్రానికి పనిచేసే నటీనటులు, సాంకేతిక నిపుణులు వివరాలు

బ్యానర్ : యూనివర్సల్ మీడియా
నటీనటులు:పవన్ కళ్యాణ్,కాజల్ అగర్వాల్,ప్రకాశ్‌ రాజ్, బ్రహ్మానందం, ఆలీ, ఎం.ఎస్.నారాయణ, కోట శ్రీనివాసరావు, తనికెళ్ల భరణి తదితరులు.
సంగీతం: దేవిశ్రీప్రసాద్
ఫొటోగ్రఫీ: శ్యామ్ కె.నాయుడు
ప్రొడక్షన్ డిజైనర్: చిన్నా
ఎడిటింగ్: ఎ,ఆప్,శేఖర్
ఫైట్స్: విజయ్
నిర్మాత: డివివి దానయ్య
సమర్పణ: సూర్యదేవర రాధాకృష్ణ
కథ, స్క్రీన్‌ప్లే, మాటలు, దర్శకత్వం: పూరి జగన్నాథ్.