‘సాహో’ వరల్డ్ వైడ్ 10 డేస్ బాక్సాఫీస్ కలెక్షన్ రిపోర్ట్ అదరహో...

వరల్డ్ వైడ్ 10 డేస్ గ్రాస్

ట్రేడ్ వర్గాల నుంచి అందుతున్న సమాచారం ప్రకారం ‘సాహో' మూవీ గడిచిన 10 రోజుల్లో ప్రపంచ వ్యాప్తంగా రూ. 400 కోట్ల గ్రాస్ మార్కును క్రాస్ చేసినట్లు తెలుస్తోంది. ఈ విషయానని వెల్లడిస్తూ ట్రేడ్ విశ్లేషకుడు రమేష్ బాలా ఓ ట్వీట్ చేశారు.

హిందీ బాక్సాఫీస్ వద్ద దుమ్మురేపుతోంది

బాలీవుడ్ బాక్సాఫీస్ వద్ద సౌత్ మీరో నటించిన చిత్రం రూ. 100 కోట్లు దాటడం అంటే మామూలు విషయం కాదు. ‘సాహో' చిత్రానికి అక్కడ మంచి రెస్పాన్స్ వస్తోంది. 10 రోజుల్లో హిందీ వెర్షన్ ఆలిండియా వైడ్ రూ. 131 కోట్లు(నెట్) రాబట్టినట్లు సమాచారం.

తెలుగు బాక్సాఫీస్ వద్ద పరిస్థితి ఎలా ఉందంటే..

టాలీవుడ్ ట్రేడ్ వర్గాల నుంచి అందుతున్న సమాచారం ప్రకారం ‘సాహో' తెలుగు రాష్ట్రాల్లో గడిచిన 10 రోజుల్లో రూ. 77.80 కోట్ల షేర్ రాబట్టినట్లు సమాచారం. శనివారం(సెప్టెంబర్ 7)తో పోలిస్తే ఆదివారం(సెప్టెంబర్ 8) వసూళ్లు పుంజుకున్నట్లు చెబుతున్నారు.

ఏపీ, తెలంగాణ ఏరియా వైజ్ 10 డేస్

ఏపీ, తెలంగాణ ఏరియా వైజ్ 10 డేస్ షేర్ పరిశీలిస్తే... నైజాం రూ. 27.40 కోట్లు, సీడెడ్ రూ. 11.40 కోట్లు, ఉత్తరాంధ్ర రూ. 9.54 కోట్లు, గుంటూరు రూ. 7.75 కోట్లు, ఈస్ట్ గోదావరి రూ. 7.14 కోట్లు, వెస్ట్ గోదావరి రూ. 5.46 కోట్లు, కృష్ణ రూ. 4.97 కోట్లు, నెల్లూరూ రూ. 4.14 కోట్ల షేర్ వసూలు చేసింది.

యూఎస్ఏలో 3 మిలియన్

మరో వైపు యూఎస్ఏ బాక్సాఫీస్ వద్ద ‘సాహో' చిత్రం శనివారం(సెప్టెంబర్ 7) నాటికే 3 మిలియన్ మార్క్ అందుకుంది. సెకండ్ వీకెండ్ కూడా ఇక్కడ పూర్తయింది కాబట్టి ఇకపై పెద్దగా రాబడి ఉండక పోవచ్చని, ఫుల్ రన్‌లో మరో 2 లక్షల నుంచి 3 లక్షల డాలర్లు రాబట్టే అవకాశం ఉందని అంటున్నారు.