Don't Miss!
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Finance Kotak Mahindra Bank: కొంపముంచిన కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘సాహో’ ఏపీ, తెలంగాణ ఫస్ట్ వీక్ కలెక్షన్ రిపోర్ట్, టాప్ 2 కానీ...
Recommended Video
యంగ్ రెబల్ స్టార్ ప్రభాస్ హీరోగా తెరకెక్కిన 'సాహో' బాక్సాఫీస్ వద్ద గురువారంతో తొలివారం పూర్తి చేసుకుంది. సుజీత్ దర్శకత్వం వహించిన ఈచిత్రం విడుదలైన తొలిరోజు నుంచి వసూళ్ల ప్రభంజనం క్రియేట్ చేస్తోంది. అయినప్పటికీ ఈ చిత్రాన్ని కొనుగోలు చేసిన చాలా మంది డిస్ట్రిబ్యూటర్ల మొహాల్లో మాత్రం ఆనందం కనిపించడం లేదు.
ఫస్ట్ వీక్ ఏపీ, తెలంగాణ రాష్ట్రాల్లో వసూలైన డిస్ట్రిబ్యూటర్ షేర్ ప్రకారం... చూస్తే ఆల్ టైమ్ టాప్ 2. బాహుబలి 2 తర్వాత తొలివారం అత్యధిక షేర్ సాధించిన చిత్రం ఇదే. అయితే సినిమాను ఎక్కువ రేటుకు కొనుగోలు చేయడంతో లాభాల బాటలోకి వెళ్లాలంటే ఇంకా కోట్ల రూపాయలు వసూలు చేయాల్సి ఉంది.
తొలి వారం వసూళ్లు ఎంతంటే?
‘సాహో' మూవీ తొలివారం వసూళ్లు పరిశీలిస్తే.... తెలుగు రాష్ట్రాల్లోని అన్ని ఏరియాల్లో కలిపి రూ. 73.97 కోట్ల షేర్ వసూలు చేసింది. బాహుబలి 2 మూవీ తర్వాత అత్యధిక ఫస్ట్ వీక్ షేర్ సాధించిన సినిమాగా ‘సాహో' రికార్డులకెక్కింది.
లాభాలు రావాలంటే...
తెలుగు రాష్ట్రాల్లోని అన్ని ఏరియాలకు కలిపి ‘సాహో' రైట్స్ రూ. 120 కోట్లకు మించిన ధరకు అమ్మారు. సినిమా లాభాల బాటలోకి వెళ్లాలంటే ఇంకా రూ. 50 కోట్ల వరకు షేర్ రాబట్టాల్సి ఉంది. కొన్ని ఏరియాల్లో నో రిటర్న్ అమౌంట్ బేసిస్లో రైట్స్ అమ్మారు. ఈ నేపథ్యంలో డిస్ట్రిబ్యూటర్లు అంత మొత్తం వసూలు అవుతుందో లేదో అనే సందేహంలో ఉన్నారు.
ఏరియా వైజ్ కలెక్షన్
తొలివారం షేర్ నైజాం ఏరియాలో రూ. 26.10 కోట్లు, సీడెడ్ ఏరియాలో రూ. 10.75 కోట్లు, ఉత్రాంధ్రలో రూ. 8.92 కోట్లు, గుంటూరు రూ. 7.46 కోట్లు, ఈస్ట్ గోదావరి రూ. 6.90 కోట్లు, వెస్ట్ గోదావరి రూ. 5. 20 కోట్లు, కృష్ణ రూ. 4.75 కోట్లు, నెల్లూరు రూ. 3.89 కోట్లు రాబట్టింది.
సాహో
వరల్డ్ వైడ్ వసూళ్లు పరిశీలిస్తే...ఇప్పటి వరకు ప్రపంచ వ్యాప్తంగా రూ. 350 కోట్లకుపైగా గ్రాస్ వసూలు చేసింది. అయితే షేర్ ప్రకారం చూసుకుంటే సినిమా పెట్టుబడి తిరిగి రావాలంటే ఇంకా భారీ మొత్తం వసూలు కావాల్సి ఉంది. మరి ఫుల్రన్లో ఎలాంటి ఫలితం వస్తుందో చూడాలి.