Salaar Collections చరిత్ర సృష్టించిన సలార్.. 2 గంటల్లోనే కలెక్షన్ల ఊచకోత.. అడ్వాన్స్ బుకింగ్ ఎన్ని కోట్లంటే?

యంగ్ రెబల్ స్టార్ ప్రభాస్ నటించిన సలార్ మూవీ విడుదలకు ముందే బాక్సాఫీస్ వేటను ప్రారంభించింది. ఈ సినిమా అడ్వాన్స్ బుకింగ్‌కు భారీ స్పందన లభిస్తున్నది. దేశంలోనే కాకుండా ఓవర్సీస్ మార్కెట్‌లో విశేషంగా ప్రేక్షకులను థియేటర్‌కు పరుగులు పెట్టేలా చేస్తున్నది. ఇప్పటికే ఓవర్సీస్‌లో ముందస్తు టికెట్ల అమ్మకాలు మొదలు కాగా, తాజాగా తెలుగు రాష్ట్రాల్లో మొదలుపెట్టారు. అయితే నైజాంలో ఈ సినిమాకు భారీ వసూళ్లు నమోదు అవుతున్నది. ప్రపంచవ్యాప్తంగా ఈ సినిమా అడ్వాన్స్ బుకింగ్ కలెక్షన్ల వివరాల్లోకి వెళితే..

హైదరాబాద్‌లో అడ్వాన్స్ బుకింగ్:సలార్ సినిమా అడ్వాన్స్ బుకింగ్‌కు నైజాంలో భారీగా స్పందన లభిస్తున్నది. ముఖ్యంగా హైదరాబాద్‌లో ప్రస్తుతానికి మొత్తం 153 షోలు ప్రదర్శిస్తున్నారు. ఈ షోలోకు ఇప్పటికే 90 శాతం టికెట్లు అమ్ముడుపోయాయి. కేవలం రెండు గంటల్లోనే ఈ సినిమా 2 కోట్ల రూపాయలు వసూలు చేసింది. దాంతో ప్రభాస్ కెరీర్‌లోనే కాకుండా తెలుగు సినిమా చరిత్రలోనే సరికొత్త రికార్డు సాధించింది.

బెంగళూరు, చైన్నైలో :ఇక బెంగళూరులో సలార్ మూవీ ప్రభంజనం కొనసాగుతున్నది. ఈ సినిమాకు సంబంధించి దాదాపు 635 షోలు ప్రదర్శిస్తుండగా.. ప్రస్తుతానికి 50 శాతం అక్యుపెన్సీ నమోదైంది. దాదాపు 4 కోట్ల రూపాయలు వసూలు చేసింది. ఇక చెన్నైలో ఈ సినిమాకు సంబంధించి 150 షోలు ప్రదర్శిస్తుండగా, 24 శాతం ఆక్యుపెన్సీ నమోదైంది. దాంతో మొత్తం 20 లక్షల రూపాయల కలెక్షన్లు వసూలు చేసింది.

మల్టీప్లెక్స్ స్క్రీన్లలో :ఇండియాలో మల్టీప్లెక్స్‌లో సలార్ అడ్వాన్స్ బుకింగ్ హవా కొనసాగుతున్నది. నేషనల్ మల్టీప్లెక్స్ స్క్రీన్లలో 250000 టికెట్లు అమ్ముడుపోయాయి. పీవీఆర్ ఐనాక్స్ స్క్రీన్లలో 150000 టికెట్లు, సినీ పోలీస్ స్క్రీన్లలో 100000 టికెట్లు అమ్ముడుపోయాయి.

ఓవర్సీస్‌లో కలెక్షన్లు:సలార్ మూవీ ఓవర్సీస్‌లో భారీ వసూళ్లను, ఆక్యుపెన్సీని నమోదు చేస్తున్నది. యూకేలో ఈ సినిమా 200కుపైగా లొకేషన్లలో రిలీజ్ చేస్తున్నారు. అలాగే మొత్తం 306 షోలు ప్రదర్శించేందుకు ఏర్పాట్లు చేశారు. ఇప్పటికే ఈ చిత్రం 24 వేల పౌండ్లు సాధించింది. తెలుగులో 22 వేల పౌండ్లు, హిందీ వెర్షన్ 1500 పౌండ్లు, ఇతర వెర్షన్లకు 500 పౌండ్లకుపైగా వసూళ్లను నమోదు చేసింది. అమెరికాలో 1 మిలియన్ డాలర్లకు చేరువైంది. గల్ఫ్‌ కంట్రీస్‌లో 200k, యూకే 100K డాలర్లు వసూలు చేసింది.

ఓవరాల్‌గా కలెక్షన్లు:ప్రస్తుతం సలార్ అడ్వాన్స్ బుకింగ్ జోరు చూస్తే ఈ మూవీ భారీ కలెక్షన్లు రాబట్టే అవకాశం ఉంది. ఈ సినిమా తొలి రోజు ప్రపంచవ్యాప్తంగా 50 కోట్ల షేర్ వసూలు చేయవచ్చని ట్రేడ్ వర్గాలు అంచనా వేస్తున్నాయి. ఉత్తరాదిలో డంకీ సినిమాను మించి సలార్ అడ్వాన్స్ బుకింగ్ నమోదు అవుతున్నది.