Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సల్మాన్ కలెక్షన్ల దూకుడు.. శరవేగంగా 200 కోట్ల వైపు..
బాలీవుడ్ కండల వీరుడు సల్మాన్ ఖాన్ బాక్సాఫీస్ వద్ద కలెక్షన్ల సునామీ సృష్టిస్తున్నాడు. తాజాగా రిలీజైన ఆయన చిత్రం టైగర్ జిందా హై వసూళ్ల దూకుడు ప్రదర్శిస్తున్నది. ఈ చిత్రం నాలుగు రోజుల్లోనే 150 కోట్లకు పైగా కలెక్షన్లను సాధించడం గమనార్హం. ఈ కలెక్షన్ల వేగం ఏ మాత్రం తగ్గకపోవడం సల్మాన్ స్టామినాకు సాక్ష్యం అంటున్నారు ట్రేడ్ పండితులు.
150 కోట్లకుపైగా వసూళ్లు
టైగర్ జిందా హై చిత్రం బాలీవుడ్లో కొత్త ట్రెండ్ను సృష్టిస్తున్నది. గత నాలుగు రోజుల్లో ఈ చిత్రం తిరుగులేని వసూళ్లను సాధించింది. దేశీయ మార్కెట్లో శుక్రవారం 34.10 కోట్లు, శనివారం 35.50 కోట్లు, ఆదివారం 45.53 కోట్లు, సోమవారం 36.54 కోట్లతో మొత్తం 151.47 కోట్లు వసూళ్లను సాధించింది అని ప్రముఖ ట్రేడ్ అనలిస్టు తరణ్ ఆదర్శ్ ట్వీట్ చేశాడు.
Recommended Video
అమెరికాలో మార్కెట్లో
ఓవర్సీస్ మార్కెట్లో కూడా టైగర్ జిందా హై చిత్రం కలెక్షన్ల వర్షం కురిపిస్తున్నది. అమెరికాలో ఈ చిత్రం శుక్రవారం 443,868 డాల్లర్లను, శనివారం 522,292 డాలర్లతో మొత్తం 966,160 డాలర్లను వసూలు చేసింది.
కెనడాలో వసూళ్లు
ఇక కెనడాలో శుక్రవారం 95,852 డాలర్లను, శనివారం 123, 900 డాలర్లతో మొత్తం 219,752 డాలర్లను వసూలు చేసింది. ఉత్తర అమెరికాలో ఈ చిత్రం సుమారు 7.5 కోట్ల రూపాయలను వసూలు చేసి కొత్త రికార్డులను సృష్టించింది.
వారం ముగింపుకు 200 కోట్లు
2017 ఏడాది ముగింపు ఇదే ఊపు కొనసాగితే త్వరలోనే ఈ చిత్రం 200 కోట్ల రూపాయల క్లబ్లో చేరే అవకాశం ఉంది. రెండోవారం ముగింపులోగా సల్మాన్ చిత్రం ఈ ఘనత సాధించే ఛాన్స్ కనపడుతున్నది.
12వ సారి 100 కోట్ల క్లబ్లో
సల్మాన్ తన కెరీర్లో మరో మైలురాయిని అధిగమించాడు. ఆయన నటించిన చిత్రాల్లో ఇప్పటి వరకు 12 సినిమాలు వంద కోట్ల మార్కును తాకాయి. బాలీవుడ్లో గానీ, ఇతర భాషల్లో గానీ సల్మాన్దే అత్యుత్తమ రికార్డు. దేశీ మార్కెట్లో భజరంగీ భాయ్జాన్ రూ.320.34 కోట్లు, సుల్తాన్ 302 కోట్లు వసూలు చేయడం విశేషం అని తరణ్ ఆదర్శ్ ట్వీట్ చేశారు.