పాజిటివ్ టాక్‌తో సమ్మోహనం ముందుకు, 10 రోజుల కలెక్షన్ రిపోర్ట్

తొలి షో నుంచే పాజిటివ్ టాక్

సమ్మోహనం చిత్రం మొదటి షో నుంచే పాజిటివ్ టాక్ సొంతం చేసుకుంది. సుధీర్ బాబు చాలా కాలం తరువాత హిట్ సొంతం చేసుకున్నాడని అంతా భావించారు. కానీ సెకండ్ వీక్ లో సమ్మోహనం బాక్స్ ఆఫీస్ రన్ చూస్తుంటే సమ్మోహనం చిత్రం యావరేజ్ చిత్రంగా మిగిలిపోనున్నట్లు తెలుస్తోంది.

తెలుగు రాష్ట్రాల్లో

తెలుగు రాష్ట్రాల్లో ఈ చిత్రం 10 రోజులకు గాను 4.13 కోట్ల షేర్ ని సమ్మోహనం చిత్రం రాబట్టింది. కృష్ణ ఏరియాలో 43 లక్షలు, ఈస్ట్, వెస్ట్ లో 60 లక్షలు రాబట్టడం విశేషం. తెలుగు రాష్ట్రాల్లో ఈ చిత్ర ప్రీరిలీజ్ బిజినెస్ 6 కోట్లకు పైగా జరిగింది.

ప్రపంచవ్యాప్తంగా

ప్రపంచ వ్యాప్తంగా సమ్మోహనం చిత్రం 6 కోట్లకు పైగా షేర్ వసూలు చేసింది. ఓవర్సీస్ లో హాఫ్ మిలియన్ వరకు రాబట్టడం విశేషం. రెండవ వారంలో కలెక్షన్స్ బాగా తగ్గడంతో బ్రేక్ ఈవెన్ సాధించడం కష్టం అని ట్రేడ్ పండితులు అంచనా వేస్తున్నారు.

15 శాతం వరకు

సమ్మోహనం చిత్రం ఫుల్ రన్ లో 85 శాతం వసూళ్లు రికవరీ చేసే అవకాశం ఉంది. మిగిలిన 15 శాతం అక్కడక్కడా స్వల్ప నష్టాలు తప్పవని ట్రేడ్ పండితులు అంచనా వేస్తున్నారు. మొత్తంగా సమ్మోహనం చిత్రం పాజిటివ్ టాక్ వచ్చినప్పటికీ యావరేజ్ చిత్రంగా మిగలనుంది.