కలెక్షన్స్ రిపోర్ట్: సమ్మోహనం హిట్టే.. కానీ, ఇంకా ఎంత వసూలు చేయాలంటే!

పాజిటివ్ టాక్

సమ్మోహనం చిత్రం తొలి షో నుంచే పాజిటివ్ టాక్ సొంతం చేసుకుంది. ప్రస్తుతం బాక్స్ ఆఫీస్ వద్ద మరే చిత్రం ఆశించిన స్థాయిలో రాణించకపోవడం కూడా సమ్మోహనం చిత్రానికి కలసి వచ్చే అంశం అని చెప్పొచ్చు.

సుధీర్ కెరీర్ లోనే అత్యధికం

సమ్మోహనం చిత్రం తొలి వారం ముగిసేసరికి 4.90 కోట్ల షేర్ వసూలు చేసినట్లు తెలుస్తోంది. సుధీర్ తొలివారం రికార్డ్స్ పరిశీలిస్తే సమ్మోహనం చిత్రం అత్యధికం అని ట్రేడ్ పండితులు అంటున్నారు.

సినిమా హిట్టే కానీ

సమ్మోహనం చిత్రం హిట్ టాక్ తెచ్చుకుంది. కానీ కమర్షియల్ హిట్ గా నిలవాలంటే బాక్స్ ఆఫీస్ వద్ద ఈ జోరు సరిపోదని అంటున్నారు. తొలివారంముగిసిపోయింది. ఇకరాబట్టవలసిన మొత్తం భారీగానే ఉంది. తెలుగు రాష్ట్రాలు, రెస్టాఫ్ ఇండియా కలిపి ఈ చిత్ర థియేట్రికల్ హక్కులు 6 కోట్లవరకు అమ్ముడయ్యాయి. ఇప్పటి వరకు 55 శాతం షేర్ మాత్రమే రికవరీ అయినట్లు తెలుస్తోంది.

బ్రేక్ ఈవెన్ సాధించాలి అంటే

రెండు తెలుగు రాష్ట్రాల్లో ఈ చిత్రం 3.16 కోట్ల షేర్, రెస్టాఫ్ ఇండియాలో 0.25 కోట్ల షేర్ రాబట్టింది. చిత్రం బ్రేక్ ఈవెన్ సాధించాలి అంటే ఇంకా 2.5 కోట్లకు పైగానే వసూళ్లు సాధించాల్సి ఉంటుంది. రెండవవారం సాధారణంగా వసూళ్లు తగ్గుముఖం పడుతాయి. ఈ నేపథ్యంలో సమ్మోహనం చిత్రం కమర్షియల్ హిట్ గా నిలుస్తుందా లేదా అనే విషయం చర్చనీయాంశంగా మారింది.

ఓవర్సీస్ లో ఒకే

ఓవర్సీస్ లో సమ్మోహనం చిత్రం మంచి రన్ నే కొనసాగిస్తోంది. 75 శాతం రికవరీ సాధించింది. ఓవర్సీస్ లో సమ్మోహనం చిత్రం 1.50 కోట్ల షేర్ రాబట్టినట్లు తెలుస్తోంది.