Don't Miss!
- Sports RR vs DC: చరిత్ర సృష్టించిన రిషభ్ పంత్.. ఒకే ఒక్కడిగా..!
- News సీఎం జగన్ కొత్త ఎన్నికల నినాదం..డబుల్ సెంచరీ ప్రభుత్వం అంటూ
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సంజు కలెక్షన్ల సునామీ.. అమీర్ ‘పీకే’, సల్మాన్ ‘టైగర్’ రికార్డు బ్రేక్.. దంగల్కు ముప్పు!
Recommended Video
బాలీవుడ్లో వివాదాస్పద నటుడు సంజయ్ దత్ జీవిత కథ ఆధారంగా తెరకెక్కిన సంజు చిత్రం బాక్సాఫీస్ను కుమ్మేస్తున్నది. జూన్ 29న రిలీజై రికార్డు కలెక్షన్లతో ఈ చిత్రం దూసుకెళ్తున్నది. ప్రపంచవ్యాప్తంగా ఈచిత్రం 341.22 కోట్ల వసూళ్లను సాధించి అరుదైన రికార్డును సొంతం చేసుకొన్నది. ఇటీవల రిలీజైన భారీ చిత్రాలకు పోటీగా ఉండటం ట్రేడ్ వర్గాను ఆశ్చర్యానికి గురిచేస్తున్నది.
సంజు రికార్డుల హోరు
సంజూ బాక్సాఫీస్ వద్ద అన్ని రికార్డులను బ్రేక్ చేస్తున్నది. సల్మాన్ ఖాన్ నటించిన టైగర్ జిందా హై చిత్ర కలెక్షన్లను అధిగమించింది. నాన్ సల్మాన్ ఖాన్, అమీర్ ఖాన్ చిత్రం ఈ రేంజ్లో వసూలు చేయడం బాలీవుడ్లో ఇదే తొలిసారి.
బాలీవుడ్లో మూడో చిత్రంగా
అమీర్ ఖాన్ నటించిన పీకే చిత్రం వసూళ్ల రికార్డును సంజూ అధిగమించింది. హిందీ సినిమా చరిత్రలోనే అత్యధిక గ్రాస్ వసూళ్లను సాధించిన మూడో చిత్రంగా ఈ సినిమా రికార్డు సృష్టించింది. ఐదోవారంలో శుక్రవారం 45 లక్షలు, శనివారం 87 లక్షలు, ఆదివారం 1.15 కోట్లు, సోమవారం 35 లక్షలు, మంగళవారం 40 లక్షలు, బుధవారం 38 లక్షలు, గురవారం 34 లక్షల రూపాయలను వసూలు చేసింది అని ట్రేడ్ అనలిస్ట్ తరణ్ ఆదర్శ్ ట్వీట్ చేశారు.
పీకే రికార్డు బ్రేక్
బాలీవుడ్లో బాహుబలి ది కన్క్లూజన్ రూ.510 కోట్లతో మొదటి స్థానంలో, దంగల్ రూ.387.38 కోట్లతో రెండో స్థానంలో ఉన్నాయి. అంతకు ముందు పీకే సినిమా సాధించిన అధిగమించి రూ.341.22 కోట్లతో సంజు మూడో స్థానంలో చేరింది.
బాలీవుడ్ సినిమాలకు గట్టిపోటి
ఆగస్టు 3న రిలీజైన ఫన్నేఖాన్, ముల్క్, కార్వాన్ చిత్రాల కలెక్షన్లు అత్యంత నిరాశజనకంగా ఉన్నాయి. ఈ మూడు చిత్రాలతోపాటు ఇటీవల రిలీజైన బాలీవుడ్ సినిమాలకు సంజూ గట్టిపోటీ ఇస్తున్నది. ఇదే ఊపు కొనసాగితే దంగల్ 387.38 కోట్ల వసూళ్లను అధిగమించి రెండో స్థానంలో చేరే అవకాశం లేకపోలేదు.