సంక్రాంతి హీరో (ట్రేడ్ టాక్)

ఎప్పటిలాగే సంక్రాంతి నాలుగు చిత్రాలతో విందు చేస్తానంటూ ముందు కొచ్చింది. అయితే వీటిల్లో అరుంధతి మాత్రమే అధ్బుతమనిపించే స్ధాయిలో ఉందని టాక్ తెచ్చుకుంది. మస్కా మంచి ఓపినింగ్స్ తెచ్చుకున్నా అప్పుడే కలెక్షన్స్ డ్రాప్ అవటం జరిగింది. ఇక ఫిటింగ్ మాస్టర్ ప్రారంభం రోజు నుండే పేలవమైన చిత్రంగా పేరు తెచ్చుకుంది. భైరవి చిత్రం అయితే పట్టించుకున్న వారే లేరు. ఫైనల్ గా సంక్రాంతి హిట్ గా అరుంధతి చోటు చేసుకుంది.దాంతో సంక్రాంతి హీరోగా శ్యామ్ ప్రసాద్ రెడ్డి ముందు వరసలో నిలబడి ప్రశంసలు అందుకుంటున్నారు.

ఇక అంతకు ముందు రిలీజైన శశిరేఖా పరిణయం,మెంటల్ కృష్ణ చిత్రాలు చతికిలపడిన సంగతి తెలిసిందే. నాగార్జున కింగ్ చిత్రం కూడా తన కళ కోల్పోతోంది. బి,సి సెంటర్లలలో కూడా పెద్దగా ప్రభావం చూపలేకపోతోంది. అలాగే ఈ రోజు ఎస్వికృష్ణా రెడ్డి చిరకాల విరామం తర్వాత రూపొందించిన మస్త్ సినిమా,కృష్ణ భగవాన్,రమ్యకృష్ణ ప్రధాన పాత్రల్లో చేసిన మిస్టర్ గిరీశం,ష్ ..ఇది చాలా మంచి ఊరు చిత్రాలు రిలీజవుతున్నాయి.అయితే వీటికన్నా అయితే ఇదే రోజు రిలీజవుతున్న హాలీవుడ్ చిత్రం స్లమ్ డాగ్ మిలియనీర్ పై అందరి దృష్టి ఉండటం విశేషం.