50 కోట్లు కొల్లగొట్టిన స్టార్ హీరో కూతురు.. బాలీవుడ్‌ వర్గాలు షాక్!

అందమైన ప్రేమకథగా

2013లో కేదార్‌నాథ్ ఆలయాన్ని ముంచేసిన వరద బీభత్సం ఆధారంగా కేదార్‌నాథ్ తెరకెక్కింది. ఈ చిత్రాన్ని ప్రేమ కథగా దర్శకుడు అభిషేక్ కపూర్ మలిచిన తీరుపై సినీ విమర్శకులు ప్రశంసల వర్షం కురిపిస్తున్నారు. సుశాంత్ సింగ్ రాజ్‌పుత్‌, సారా అలీ ఖాన్ కెమిస్ట్రీకి మంచి పేరు వచ్చింది. దాంతో ఈ సినిమా భారీ కలెక్షన్లు సాధిస్తున్నది.

వారంలోపలే 50 కోట్లు

బాక్సాఫీస్ వద్ద సారా అలీ ఖాన్ చిత్రం రూ.50 కోట్లు కొల్లగొట్టింది. ఎనిమిదో రోజున కేదార్‌నాథ్ చిత్రం 50 కోట్ల మార్క్ దాటింది. ఏడురోజుల్లో 42 కోట్లు సాధించిన ఈ చిత్రం వసూళ్ల పరంగా దూసుకెళ్తున్నది. ఈ చిత్రం వారం తర్వాత రూ.51.4 వద్ద నిలిచింది. కెనడా, యూఎస్‌లో భారీ కలెక్షన్లను సాధిస్తున్నది.

2 వేలకుపైగా థియేటర్లలో

ప్రపంచవ్యాప్తంగా కేదార్‌నాథ్ చిత్రం భారీ సంఖ్యలో రిలీజైంది. దాదాపు 2000 థియేటర్లలో ఈ చిత్రాన్ని విడుదల చేశారు. రిలీజ్ రోజున 7.25 కోట్లు, శనివారం 9.75 కోట్లు, ఆదివారం రూ.10.75 కోట్లు సాధించింది.

డిసెంబర్ 7 నుంచి కలెక్షన్ల జోష్

విడుదలైన ప్రతీ చోట భారీ కలెక్షన్లు సాధించడంతో సైఫ్ ఖాన్ కుటుంబంలో సంతోషం నింపింది. ఈ చిత్రాన్ని రోనీ స్క్రివ్ వాలా, అభిషేక్ కపూర్ సంయుక్తంగా రూపొందించారు. డిసెంబర్ 7న రిలీజైన ఈ చిత్రం విశేష ఆదరణతో ముందుకెళ్లడంతో సినీ వర్గాల్లో జోష్ నింపింది.