The Legend Day 2 Collection ప్రపంచవ్యాప్తంగా 2500 స్క్రీన్లలో.. రెండో రోజు ఎంత వసూలంటే?

45 కోట్ల బడ్జెట్‌తో

శరవణన్ అరుల్ దక్షిణాదిలో వ్యాపారవేత్తగా సుపరిచితుడు. నటనపై ఉన్న మక్కువతో ది లెజెండ్ సినిమాలో సైంటిస్ట్ పాత్రతో పరిచయం అయ్యారు. ఈ సినిమాను 45 కోట్ల బడ్జెట్‌తో రూపొందించారు. ఈ సినిమా ప్రచారం, టీజర్, ట్రైలర్లు అంచనాలు పెంచడంతో ది లెజెండ్ సినిమాపై భారీ క్రేజ్ ఏర్పడింది.

ప్రపంచవ్యాప్తంగా 2500 స్క్రీన్లలో

ది లెజెండ్ సినిమాకు భారీ అంచనాలు ఉండటంతో ఈ సినిమాను ప్రపంచవ్యాప్తంగా 2500 స్క్రీన్లలో రిలీజ్ చేశారు. తమిళనాడులోనే ఏకంగా 650 స్క్రీన్లలో ప్రదర్శిస్తున్నారు. ఈ సినిమా తొలి రోజు ప్రపంచవ్యాప్తంగా 6 కోట్ల గ్రాస్ వసూళ్లను సాధించింది. అయితే ఈ సినిమాకు తమిళనాడులోనే 5 కోట్ల గ్రాస్ వసూళ్లు రాబట్టం శరవణన్‌కు, ది లెజెండ్‌కు ఉన్న క్రేజ్ ఏంటో తెలియజెప్పింది.

రెండో రోజు ఆక్యుపెన్సీ

అయితే ది లెజెండ్ సినిమా రెండో రోజు బాక్సాఫీస్ వద్ద ప్రభావం చూపలేకపోయిందని ట్రేడ్ వర్గాలు వెల్లడించాయి . తమిళనాడులో తొలి రోజు భారీ స్పందన కూడగట్టుకొన్న ఈ చిత్రం రెండో రోజు ఆ రేంజ్ ఆక్యుపెన్సీని రాబట్టలేకపోయింది. ప్యాన్ ఇండియాగా రిలీజైన ఈ చిత్రం హిందీ రాష్ట్రాల్లో ప్రభావం చూపలేకపోయింది. ఇక ఓవర్సీస్‌లో పేలవమైన కలెక్షన్లు రాబట్టింది.

రెండో రోజు 8 శాతం అక్యుపెన్సీతో

ఇక ది లెజెండ్ సినిమా రెండో రోజున దారుణమైన ఆక్యుపెన్సీ నమోదు చేసుకొన్నది. తమిళనాడులో 8.2 శాతం అక్యుపెన్సీ కనిపించింది. ఇండియాలోని ప్రధాన నగరాల్లో కూడా 8 శాతం కంటే ఎక్కువగా అక్యుపెన్సీ కనిపించలేదు. దాంతో ఇండియావ్యాప్తంగా 70 లక్షల నుంచి 1 కోటి రూపాయల గ్రాస్ వసూళ్లను నమోదు చేసే అవకాశం ఉంది.

ది లెజెండ్ లాభాల్లోకి రావాలంటే?

ది లెజెండ్ సినిమా రెండో రోజుల్లో 7 కోట్లు రాబట్టే అవకాశం ఉంది. ఈ సినిమా బ్రేక్ ఈవెన్ సాధించాలంటే కనీసం 66 కోట్లు రాబట్టాలి. కానీ ఎట్టి పరిస్థితుల్లోను ఈ సినిమా లాభాల్లోకి వచ్చే పరిస్థితి కనిపించడం లేదు. దాంతో ది లెజెండ్ ఏ ఏడాది భారీ నష్టాల్లో మిగిల్చిన సినిమాగా రికార్డు నమోదు చేసే అవకాశాలు స్పష్టంగా కనిపిస్తున్నాయి