Sarileru Neekevvaru Day 7 collections: మహేష్‌ రికార్డుల పరంపర.. వరుసగా 100 కోట్ల ప్రభంజనం

ఏడో రోజున రూ.100 కోట్ల షేర్

సూపర్‌స్టార్ మహేష్ తన కెరీర్‌లో అరుదైన మైలురాయిని చేరుకొన్నారు. ఆయన నటించిన సరిలేరు నీకెవ్వరు చిత్రం 100 కోట్ల రూపాయల క్లబ్‌లో చేరింది. ఏడు రోజుల్లోనే వంద కోట్ల షేర్ సాధించడం గమనార్హం. తొలివారం గడిచిన తర్వాత కూడా సరిలేరు నీకెవ్వరు చిత్రం నిలకడగా వసూళ్లు సాధించడం గమనార్హం.

మహేష్‌ వరుసగా మూడోసారి

మహేష్ బాబు వంద కోట్ల క్లబ్‌లో చేరడం ఇది మూడోసారి. వరుసగా రెండుసార్లు తన చిత్రాన్ని ఈ క్లబ్‌లో చేర్చిన ఘనతను మహేష్ బాబు సొంతం చేసుకొన్నారు. గతంలో మహర్షి, భరత్ అనే నేను చిత్రాలు రూ.100 కోట్ల క్లబ్‌లో చేరిన సంగతి తెలిసిందే. తాజాగా శుక్రవారం, రిలీజైన ఏడో రోజున రూ.100 కోట్ల షేర్ మైలురాయిని దాటింది.

ఏపీ సెంటర్లలో

ఇక ఏపీలో తూర్పు గోదావరి జిల్లాలో 7వ రోజున కూడా సరిలేరు నీకెవ్వరు చిత్రం భారీ వసూళ్లను నమోదు చేసింది. ఏడో రోజున ఈ చిత్రం రూ.95,66,105 షేర్‌ను నమోదు చేసింది. ఇక మొత్తంగా 7 రోజుల్లో రూ. 8.18 కోట్ల వసూళ్లను రాబట్టింది. ఇక కాకినాడలో ఏడో రోజున రూ. 20,12,410, మొత్తంగా ఏడు రోజుల్లో రూ. 1,61,15,034 వసూలు చేసింది. ఇక అనకాపల్లిలో ఏడో రోజున రూ.7,40,348, మొత్తంగా రూ. 58,97,655 వసూళ్లు సాధించింది.

Mahesh Babu Emotional Speech At Sarileru Neekevvaru Success Meet

ఆర్టీసీ క్రాస్ రోడ్డులో

ఇక హైదరాబాద్‌లోని ఆర్టీసీ క్రాస్ రోడ్డులో సరిలేరు నీకెవ్వరు కలెక్షన్ల ప్రభంజనం కొనసాగింది. ఏడో రోజున ఈ చిత్రం రూ.1 కోటి గ్రాస్‌ను సొంతం చేసుకొన్నది. క్రాస్ రోడ్డులో ఇలా కోటి రూపాయల కలెక్షన్లను సాధించడం 49వ సారి కాగా, మహేష్ చిత్రాల పరంగా ఇది తొమ్మిదోసారి. మహేష్‌బాబు 9 సార్లు, ప్రభాస్, చిరంజీవి 5 సార్లు,పవన్ కల్యాణ్, అల్లు అర్జున్ 4 సార్లు ఈ రికార్డును సొంతం చేసుకొన్నారు.